रोमियो 10:9 - बिलासपुरी नौआं नियम

⁹ जे तू अपणे मुँआं ते स्वीकार करो, भई यीशु मसीह प्रभु आ, कने तू अपणे दिला ते ये विश्वास करो, भई परमेशरे तिस्सो मूईरयां चते जिऊंदा कित्या, तां तिज्जो परमेशरा छुटकारा देणा।

रोमियो 10:9 Referans Kwoze

लूका 12:8

“हऊँ तुहांजो इसा गल्ला रा भरोसा देयां भई सै जे कोई मिन्जो माहणुआं रे सामणे मन्नी लेंगा, तां हऊँ माहणुये रा पुत्र, तिस माहणुये जो परमेशरा रे स्वर्गदूतां रे सामणे मन्नी लेंगा।

प्रेरितां 16:31

तिन्हें गलाया, “प्रभु यीशु मसीह पर विश्वास कर तां तू कने तेरे घराने जो छुटकारा मिलणा।”

फिलिप्पियां 2:11

कने सारे लोक पिता परमेशरा री महिमा रे खातर सारे लोक स्वीकार करो भई यीशु मसीह इ प्रभु आ।

1 पतरस 1:21

तिसरे जरिये तुहें परमेशरा पर विश्वास करदे रै तिने जे तिस्सो मूईरेयां चते जिऊंदा कित्या कने तिस्सो महिमा दित्ति, इस खातर तुहांरी आस कने तुहांरा विश्वास परमेशरा पर हुण मजबूत आ।

रोमियो 8:34

कोई बी अहांरी निन्दा नीं करी सकदा, काँह्भई ये यीशु मसीह आ सै जे अहांरे खातर मरया कने मूईरयां चते जिऊंदा हुया, हुण परमेशरा रे सज्जे पासे आ कने सै जे अहांरे खातर विनती बी कराँ।

रोमियो 14:11

तियां जे पवित्रशास्त्रा च लिखिरा, “प्रभुये गलाया, हऊँ खुद तुहांजो वायदा कराँ, भई हर इक घुटना मेरे सामणे झुकणा, कने हर इक जुबाना परमेशरा रा अंगीकार करना।”

1 कुरिन्थियों 12:3

इस खातर हऊँ तुहांजो खबरदार कराँ भई जो कोई परमेशरा रे आत्मा री अगुवाईया ने बोलां, सै नीं बोलदा भई “यीशु स्रापित आ,” कने नां कोई पवित्र आत्मा ते बिणा बोल्ली सक्कां भई “यीशु प्रभु आ।”

2 यूहन्ना 1:7

हऊँ इस खातर ये बोलां, काँह्भई बौहत सारे भरमाणे औल़े संसार च आईरे सै जे ये नीं मनदे भई यीशु मसीह इक माहणु बणीने इसा संसारा च आया। जे कोई माहणु ये बोलां, तां सै मसीह रा बैरी आ सै जे हमेशा लोकां जो भरमां।

यूहन्ना 9:22

तिसरयां मौ-बुढ़यां ये गल्लां इस खातर बोल्ली काँह्भई सै यहूदी अगुवेयां ते डराँ थे, काँह्भई तिन्हां च इसा गल्ला रा येक्का हुई चुक्कीरा था, भई जे कोई यीशुये जो मसीह मन्नो, तां सै यहूदी सभा घर ते बाहर कड्डी दित्या जाओ।

प्रेरितां 8:36

रस्ते च चलदे-चलदे सै इक्की पाणिये रिया जगह पुज्जीगे। तां खोज्जे गलाया, “देख येत्थी पाणी आ, हुण मिन्जो बपतिस्मा लेणे च क्या रोक इ।”

प्रेरितां 2:24

पर तिस्सो इ परमेशरे मौता रे बन्धना ते छुड़ाईने ज्यूंदा कित्या; काँह्भई ये कदीं मनी हुई सकदा था भई सै तिसरे बशा च रैहंदा।

प्रेरितां 2:32

इस इ यीशुये जो परमेशरे जिऊंदा कित्या, तिसरे जे अहें सारे गवाह ये।

रोमियो 4:24

बल्कि अहांरे खातर बी लिखया हुया था, काँह्भई अहें बी परमेशरा पर विश्वास करने रिया वजह ने धर्मिये रे रुपा च ग्रहण कित्ते जाणे, तिने जे अहांरे प्रभु यीशु मसीह जो मूईरआं चते जिऊंदा कित्या।

रोमियो 10:10

काँह्भई अहांरे विश्वासा रे जरिये माहणु परमेशरा रियां नज़राँ च धर्मी बणां कने अपणे मुँआं ते स्वीकार करने रे जरिये अहें छुटकारा पाया।

रोमियो 14:9

काँह्भई इस मकसदा रिया वजह ने मसीह मरया कने जिऊंदा बी हुया ताकि सै मूईरयां कने जिऊंदयां दुईं रा प्रभु हुई सक्को।

1 यूहन्ना 4:15

सै जे कोई ये मन्नी लेआं भई “यीशु मसीह परमेशरा रा पुत्र आ,” तां परमेशर तिसच बणीरा रैयां, कने सै परमेशरा च।