रोमियो 10:4 - बिलासपुरी नौआं नियम

⁴ काँह्भई मसीह तिस मकसदा जो पूरा करी चुक्कीरा, जिस मकसदा खातर जे व्यवस्था दित्ति गई थी, ताकि सै जे कोई तिस पर विश्वास करो सै परमेशरा रिया नज़राँ च धर्मी हुई सक्को।

रोमियो 10:4 Referans Kwoze

गलातियां 3:24

इस खातर मसीह रे औणे तक अहांरा मार्गदर्शक कने अहांरी मदद करने खातर व्यवस्था अहांजो दित्ति गईरी थी, ताकि विश्वासा रे जरिये अहें परमेशरा रे सामणे धर्मी बणी सक्को।

यूहन्ना 1:17

अहांजो व्यवस्था देणे औल़ा मूसा था, पर अनुग्रह कने सच्चाई परमेशरे अहांजो यीशु मसीह रे जरिये दस्से।

इब्रानियों 10:14

काँह्भई मसीहे अप्पूँजो इक बार बलिदान करने रे जरिये तिन्हां लोकां जो शुद्ध कित्तिरा, सै जे परमेशरा रे प्रति समर्पित ये।

कुलुस्सियां 2:17

काँह्भई ये सारे नियम औणे औल़ी गल्लां री छाया साई ये, पर मसीह इ सच्च आ।

कुलुस्सियां 2:10

कने तुहें तिस ची भरपूर हुईगे, सै हरेक प्रधान्नां कने अधिकारियां ते बी ऊपर आ।

1 कुरिन्थियों 1:30

पर तिसरिया वजह ने तुहें मसीह यीशुये चे सै जे परमेशरा रिया तरफा ते अहांरे खातर ज्ञान, यनि धार्मिकता कने पवित्रता, कने छुटकारा बणीग्या।

रोमियो 3:22

यनिके सारे विश्वासियां खातर यीशु मसीह पर विश्वास करने ते परमेशरा री धार्मिकता बिणा किसी भेदभावा रे परगट हुई;

मत्ती 3:15

यीशुये तिस्सो ये जबाब दित्या, “हुण तू येढ़ा इ हुणे दे, काँह्भई सै जे परमेशर चाँह तिस्सो पूरा करने खातर अहांजो येई करना ठीक आ।” फेरी यूहन्ने तिसरी गल्ल मन्नी ली।

गलातियां 4:5

ताकि सै व्यवस्था रे अधीन जीणे औल़े माहणुआं जो छडवाई सक्को, तिसते जे अहें परमेशरा रे गोद लेईरे बच्चे बणी सक्को।