रोमियो 10:21 - बिलासपुरी नौआं नियम

²¹ पर परमेशरे इस्राएली लोकां रे बारे च गलाया, “हुक्म नीं मनणे औल़े अपणे सारे विरोधियां जो अप्पूँ ले वापस औणे रे खातर हऊँ सारा दिन सददा रैयाँ।”

रोमियो 10:21 Referans Kwoze

1 पतरस 2:8

कने पवित्रशास्त्र बी बोलां, “येई पत्थर आ तिसते जे लोकां जो ठोकर लगां इ कने चट्टान तिन्हांजो थल्ले सट्टां इ।” तिन्हांजो ठोकर लगां इ, काँह्भई सै परमेशरा रे सन्देशा पर विश्वास नीं करदे, तिन्हांरे खातर ये परमेशरे तैह कित्या था।

1 थिस्सलुनीकियां 2:16

कने सै अन्यजातियां जो खुशखबरिया रा उपदेश देणे च मुश्कल खढ़ी कराँ ये भई किति तिन्हां लोकां रा छुटकारा नीं हुईजो। इन्हां गल्लां ते सै हर वगत अपणे पापां रा घड़ा भरदे रैयें; पर हुण तिन्हां पर परमेशरा रा कोप पौणे औल़ा।

लूका 24:47

कने यरूशलेम ते लेईने सारियां जातियां च मन फिराणे रा कने पापां रिया माफिया रा प्रचार, तिसरे इ नौआं ते कित्या जाणा।