प्रकाशितवाक्य 8:7 - बिलासपुरी नौआं नियम

⁷ पैहले स्वर्गदूते अपणी तुरही बजाई, कने खून मिलीरे ओल़े कने आग्ग धरतिया पर सट्टि गई; इसते धरतिया रा इक तिहाई हिस्सा फुखीग्या, कने इक तिहाई डाल़ कने सारा हरा घा बी फुखीग्या।

प्रकाशितवाक्य 8:7 Referans Kwoze

प्रकाशितवाक्य 9:4

तिन्हौं ये हुक्म बी दित्या गया भई सै नां धरतिया रे घा, नां किसी पेड़-पौधे रा नुक्शान करयां, पर सिर्फ तिन्हां माहणुआं रा नुक्शान करयां तिन्हांरे मत्थे पर जे परमेशरा री सील नीं।

प्रकाशितवाक्य 9:18

इन्हां तिन्नां महामारियां; यनिके तिन्हां घोड़यां रे मुँआं ते निकल़णे औल़ी आग्ग, धुआँ कने गन्धका ते माहणु जातिया रे इक तिहाई मारी दित्ते गै।

प्रकाशितवाक्य 9:15

सै चारों दूत सै जे तिस वगत, दिन, महीने कने साल्ला खातर कैद कित्ते गईरे, अजाद करी ते ताकि सै धरतिया री सारिया जनसंख्या रे इक तिहाई जो मारी देओ।

प्रकाशितवाक्य 16:21

अम्बरा ते माहणुआं परा तकरीवन पंजताल़ी ते पंजाह किलो री बड्डी आण पई, कने इस खातर भई ये विपत्ति बौहत इ भारी थी, लोकें आणीं रिया इसा विपत्तिया रिया वजह ते परमेशरा री निंध्या कित्ती।

प्रकाशितवाक्य 16:2

इस खातर पैहले स्वर्गदूते जाईने अपणा कटोरा धरतिया पर लटीत्या। कने तिन्हां लोकां पर तिन्हाले जे पशुये री छाप थी, कने सै जे तिसरिया मूर्तिया री पूजा कराँ थे, तिन्हांरे शरीरा पर इक्की किस्मा रा बुरा कने तकलीफ देणे औल़ा फोड़ा निकल़या।

प्रकाशितवाक्य 12:4

तिने अपणिया फूंटिया ने अम्बरा रे तारयां रा इक तिहाई खिंज्जी ने धरतिया परा सट्टीत्या। सै अजगर तिसा औरता रे सामणे खड़ा हुईग्या सै जे बच्चे जो जणने औल़ी थी, ताकि ताहली जे सै बच्चा जणे तां अजगर बच्चे जो खाई सक्को।

प्रकाशितवाक्य 6:8

मैं इक हल्के पिऊल़े रंगा रा घोड़ा देख्या, कने तिसरे स्वारा रा नौं मौत आ; कने अधोलोक तिसरे पिच्छे-पिच्छे जाया राँ था; कने तिन्हांजो धरतिया रे चौथे हिस्से पर ये अधिकार दित्या गया, भई तलवार, नकाल़, महामारी, कने धरतिया रे वन पशुआं रे जरिये लोकां जो मारी दो।

1 पतरस 1:24

येई पवित्रशास्त्र बोलां, “हर इक माहणु घा साई आ कने तिसरी सारी खूबसूरती घा रे फूल्लां साई। घा सुक्की जां, कने फुल्ल झड़ी जांए,

याकूब 1:11

जियां जे सूरज कड़कड़ान्दी धूप लेईने सिराँ कने डाल़ियां जो सकोई देआं, तिन्हारे फुल कने पत्तियां झड़ी जायें कने तिसरी खूबसूरती खत्म हुई जाईं। तियां इ अमीर लोकां बी अपणे कम्मा रिया दौड़-धूपा च खत्म हुई जाणा।

प्रकाशितवाक्य 7:1

इसते बाद मैं चार स्वर्गदूतां जो धरतिया रे चऊँ कुणयां पर खढ़िरे देख्या, सै धरतिया रियां चऊँ हवां जो थम्मीरे थे ताकि धरती, समुद्र या किसी डाल़ा पर हवा नीं चलो।