प्रकाशितवाक्य 7:9 - बिलासपुरी नौआं नियम

⁹ इन्हां गल्लां रे बाद मैं हर इक जाति, कने कुल़, कने लोक, कने भाषा चते इक येढ़ि बड्डी भीड़ देक्खी, तिसाजो जे कोई गिणी नीं सकदा था। सै चिट्टे कपड़े पैहनीने कने अपणे हत्थां च खजूरा रियां डाल़ियां लेईरी संघासणा रे सामणे कने मेमने रे सामणे खढ़िरे;

प्रकाशितवाक्य 7:9 Referans Kwoze

प्रकाशितवाक्य 5:9

कने सै ये नया गीत गाणे लगे भई, “तू इसा कताबा जो लेणे, कने इस रियां सीलां खोलणे लायक आ; काँह्भई तैं बध हुईने अपणे खून्ना ने हरेक कुल़, भाषा, लोक कने जातियां चते परमेशरा खातर लोकां जो खरीदी लरा,

यूहन्ना 12:13

इस खातर तिने खजूरा रियां डालियां लईयां कने तिसने मिलणे जो चलीपे, कने बोलणे लगे, “परमेशरा री जय हो!” “आशीषित आ सै माहणु सै जे प्रभुये रे नौआं ते औआं।” “आशीषित आ इस्राएल रा राजा!”

प्रकाशितवाक्य 11:15

ताहली जे सतवें स्वर्गदूते अपणी तुरही बजाई, तां स्वर्गा च बड़ियां आवाज़ां हुणे लगियां; “संसारा रा राज अहांरे प्रभुये रा कने तिसरे मसीह रा बणीग्या कने तिस युग-युग राज करना।”

प्रकाशितवाक्य 6:11

तिन्हां चते हरेक जो चिट्टा चोल़ा दित्या गया, कने तिन्हांने गलाया भई किछ देर होर रमान करा, तदुआं तका जे तुहांरे संगी दास्सां कने विश्वासियां री गिणती पूरी नीं हुई जाओ, सै जे तुहां साई मारे जाणे औल़े।

प्रकाशितवाक्य 3:18

इस खातर हऊँ तिज्जो सलाह देआं भई अग्गी च सेक्कीरा सोना मेरते खरीदी लै ताकि तू अमीर हुई जाओ, कने पैहनणे खातर चिट्टे कपड़े लई लै ताकि तिसजो पैहनीने तिज्जो अपणे नंगे हुणे री शर्म नीं हो, कने अपणियां आक्खीं च लाणे खातर सुरमा लैं ताकि तू साफ-साफ देखणे लगो।

रोमियो 11:25

अन्यजातियां रे मेरे साथी विश्वासियो, हऊँ चाँह भई तुहें इस भेता जो समझो ताकि तुहें अपणे बारे च घमण्ड नीं करो। इस्राएल रे किछ लोक येढ़े इ कठोर बणाई दित्तिरे, कने येढ़े इ कठोर बणीने रैहणे तदुआं तक जे भई कई अन्यजातियां रे लोक मसीह च नीं आई जाणे।

लूका 21:36

इस खातर हर पल चुश्त रौआ कने प्राथना करदे रौआ भई तुहें इन्हां सारियां गल्लां ते, सै जे हुणे औल़ियां, बचणे री ताकत पाई सक्को, कने अपणे आत्म विश्वासा सौगी माहणुये रे पुत्रा रे सामणे खड़े हुणे लायक बणी सक्को।”

लूका 12:1

इतणे च ताहली जे हजाराँ रे हसाबे लोक कट्ठे हुईगे, येत्थी तक भई लोक इक्की दुज्जे जो धक्का मुक्की करने लगे, तां यीशु सब्बींते पैहले अपणे चेलयां खा मुड़या कने बोलणे लगया, “फरीसियां रे मलेड़े ते यनि तिन्हांरे दिखावटी कम्मां ते अप्पूँजो बचाईने रक्खा।

प्रकाशितवाक्य 4:4

तिस संघासणा रे चऊँ पासयां चौबी संघासण थे; कने इन्हां संघासणा पर चौबी प्राचीन चिट्टे कपड़े पैहनीं ने बैठिरे थे, कने तिन्हांरे सिराँ पर सोने रे मुकट थे।

इब्रानियों 12:22

पर तुहें सिय्योन रे पहाड़ा पर आईगे सै जे जिऊंदा परमेशरा रा स्वर्गीय यरूशलेम नगर आ कने तित्थी अनगिणत स्वर्गदूत खुशिया रा त्योहार मनायें।

इब्रानियों 11:12

इस वजह ते तिस इक माहणुये ते सै जे मरने औल़ा था इतणे बंशज पैदा हुये भई सै अम्बरा रे तारयां कने समुद्रा रे कनारे रे रेता रियां कणियां साई अनगिणत ये।

इफिसियां 6:13

इस खातर सिपाईये साई तुहें परमेशरा रे सारे हत्थियाराँ जो कस्सी लौ तिसते जे बुरे वगता च तुहें दुष्टां ने लड़ने लायक हुई सक्को। सब किछ करने ते बाद तुहां पिच्छे नीं हटणा।

प्रकाशितवाक्य 5:11

फेरी मैं देख्या, तां तिस संघासणा कने तिन्हां प्राणियां कने तिन्हां प्राचीनां रे चऊँ पासयां बौहत सारे स्वर्गदूतां री अवाज़ सुणी, तिन्हांरी गिणती जे लखां कने करोड़ां च थी।

प्रकाशितवाक्य 7:8

जबूलून रे गोत्रा चते बारा हज़ार पर, यूसुफ रे गोत्रा चते बारा हज़ार पर, कने बिन्यामीना रे गोत्रा चते बारा हज़ार पर सील लाई गई।

प्रकाशितवाक्य 22:3

फेरी तित्थी कोई श्राप नीं हूणा कने परमेशर कने मेमने रा संघासण तिस नगरा च हूणा कने तिसरे दास्सां तिसरी अराधना करनी।