प्रकाशितवाक्य 7:3 - बिलासपुरी नौआं नियम

³ “तदुआं तका जे अहें अपणे परमेशरा रे दास्सां रे मत्थे पर सील नीं लाई लेईये, तदुआं तक धरती कने समुद्र कने डाल़ां रा नुक्शान नीं करना।”

प्रकाशितवाक्य 7:3 Referans Kwoze

प्रकाशितवाक्य 22:4

तिन्हां तिसरा मुँह देखणा, कने तिसरा नौं तिन्हांरे मत्थे पर लिखिरा हूणा।

प्रकाशितवाक्य 9:4

तिन्हौं ये हुक्म बी दित्या गया भई सै नां धरतिया रे घा, नां किसी पेड़-पौधे रा नुक्शान करयां, पर सिर्फ तिन्हां माहणुआं रा नुक्शान करयां तिन्हांरे मत्थे पर जे परमेशरा री सील नीं।

प्रकाशितवाक्य 20:4

फेरी मैं संघासण देक्खे, कने तिन्हां पर सै जे लोक बैठिरे थे तिन्हांजो न्याय करने रा अधिकार दित्या गया। कने मैं तिन्हांरियां आत्मां जो बी देख्या तिन्हांरे सिर जे यीशुये री गवाही देणे कने परमेशरा रे वचनां रिया वजह ते धड़ा ते लग कित्ते गईरे थे। तिन्हें पशु या मूर्तियां री पूजा नीं कित्ती थी, नांई अपणे मत्थे कने हत्था पर तिसरी छाप लई थी। सै जिऊंदा हुईने मसीह ने सौगी हज़ार साल्लां तक राज करदे रै।

प्रकाशितवाक्य 14:1

फेरी मैं देख्या भई सै मेमना सिय्योन पहाड़ा पर खढ़िरा, कने तिस सौगी इक लाख चौताली हज़ार लोक थे, तिन्हांरे मत्थे पर मेमने रा कने तिसरे पिता रा नौं लिखिरा था।

प्रकाशितवाक्य 13:16

तिने छोट्टे-बड्डे, अमीर-गरीब, अजाद-गुलाम, सब्बीं रे सज्जे हत्था या मत्थे पर इक-इक छाप लगवाणे पर मजबूर कित्या,

प्रकाशितवाक्य 19:2

काँह्भई तिसरे न्याय सच्चे कने ठीक ये, इस खातर भई तिने तिसा बड्डिया वेश्या रा न्याय कित्या, सै जे सारिया धरतिया जो अपणे व्यभिचारा ने गुमराह कराँ थी, कने तिसाते अपणे दास्सां रे खून्ना रा बदला लित्या।”

प्रकाशितवाक्य 6:6

फेरी मैं तिन्हां जिऊंदे चऊँ प्राणियां रे बिच्चा ते इक अवाज़ ये बोलदे सुणी, “इक दिनारा री इक किलो कणक, कने दिनारा रा तिन्न किलो जौ, पर तेल कने दाखरसा रा नुक्शान नीं करना।”

यूहन्ना 12:26

जे कोई मेरी सेवा करना चाओ, तां सै मेरे चेले बणो; कने तित्थी जे हऊँ आ, तित्थी मेरा सेवक बी हूणा। जे कोई मेरी सेवा करो, तां पिता परमेशरा तिसरा आदर करना।

मत्ती 24:22

कने जे परमेशरे दुखा रे वगता जो घटाणे रा निश्चा नीं कित्या हुन्दा तां सारे लोक मरदे, पर चुणी रयां रिया बजह ने तिने तिस वगता जो घटेरी रा।

रोमियो 6:22

पर हुण तुहांजो पापा ते छुटकारा मिली चुक्कीरा कने तुहें परमेशरा रे दास बणी चुक्कीरे। इस खातर इन्हां तुहांजो पवित्र बनाणा कने अनन्त जीवना री तरफ लेई जाणा।

मत्ती 24:31

तिस जोरा रिया अवाज़ा च बजणे औल़े बाजयां सौगी अपणे स्वर्गदूत भेजणे, कने तिन्हां सारिया धरतिया परा ते अपणे चुणीरे लोक कट्ठे करने।

यूहन्ना 3:33

पर तिने माहणुये जे तिसरे सन्देशा पर विश्वास कित्या, सै इस पर सैहमत हुईग्या भई परमेशर सच्चा।

प्रकाशितवाक्य 7:1

इसते बाद मैं चार स्वर्गदूतां जो धरतिया रे चऊँ कुणयां पर खढ़िरे देख्या, सै धरतिया रियां चऊँ हवां जो थम्मीरे थे ताकि धरती, समुद्र या किसी डाल़ा पर हवा नीं चलो।

प्रकाशितवाक्य 7:2

फेरी मैं इक होर स्वर्गदूता जो जिऊंदा परमेशरा री सील लेईने पूरब ते ऊपर औन्दे देख्या। तिने तिन्हां चऊँ स्वर्गदूतां ने ऊच्चिया अवाज़ा च गलाया, तिन्हौं जे धरती कने समुद्रा रा नुक्शान करने रा अधिकार दित्या गया था,

प्रकाशितवाक्य 13:17

ताकि तिस पर जे ये छाप यनि तिस पशुये रा नौं या अंक हो, सैई लेण-देण करी पाओ, जबकि होर कोई बगैर इसा छापा ते लेण-देण नीं करी पाओ।

प्रकाशितवाक्य 14:9

फेरी इन्हांते बाद इक होर, तिज्जा स्वर्गदूत ऊच्चिया अवाज़ च ये बोलदा हुआ आया, “सै जे कोई तिस पशुये कने तिसरिया मूर्तिया री पूजा करो, कने अपणे मत्थे या अपणे हत्था पर तिसरी छाप लाओ,