प्रकाशितवाक्य 7:12 - बिलासपुरी नौआं नियम

¹² “आमीन! अहांरे परमेशरा री स्तुति, महिमा, ज्ञान, धन्यवाद, आदर, सामर्थ कने शक्ति युगां-युगां तक बणीरी रौ। आमीन!”

प्रकाशितवाक्य 7:12 Referans Kwoze

प्रकाशितवाक्य 19:4

कने चौबी प्राचीनें कने चऊँ जिऊंदे प्राणियें मुँआ रे भार धरतिया पर पैईने परमेशर री अराधना कित्ती सै जे संघासणा पर बैठिरा था, कने बोल्या, “आमीन! हालेलूय्याह!”

कुलुस्सियां 3:17

वचना च या कम्मां च जो किछ बी करो सब प्रभु यीशुये रे नौआं ते करा, कने तिसरे इ जरिये हर बगत पिता परमेशरा जो धन्यवाद देन्दे रौआ।

कुलुस्सियां 2:7

कने तिस ची मजबूत हुन्दे जावा तियां जे इक पेड़ धरतिया च जड़ पकड़ां; कने लगातार तिस ची अपणे विश्वासा जो बधान्दे जावा, कने परमेशरा रा जादा ते जादा धन्यवाद करदे रौआ।

2 कुरिन्थियों 4:15

ये सारा किछ तुहांरे खातर इ कित्या गईरा, ताकि परमेशर कितना अनुग्रहकारी आ जादा ते जादा लोक जाणगे, कने बौहत सारे लोक परमेशरा री प्रशंसा कने आदर करगे।

मत्ती 6:13

कने अहांजो परीक्षा च नीं पा, पर शैतान्ना ते बचा; [काँह्भई राज कने सामर्थ कने महिमा सदा खातर तेरे इ हाये। आमीन।]’ ”

प्रकाशितवाक्य 1:18

हऊँ जिन्दगिया रा सोता; हऊँ मरी चुक्कीरा था, पर हुण हऊँ हमेशा खातर जीवित आ। मौत कने अधोलोका रियां चाबियाँ मेरले इयां।

रोमियो 11:36

काँह्भई सब किछ परमेशरा तेई औंआं। तिने सब किछ बणाईरा कने सब किछ तिसरा इ हाया। तिसजो सदा आदर मिलदा रौ। आमीन।

1 कुरिन्थियों 14:16

नैत जे तू आत्मा तेई परमेशरा रा धन्यवाद करगा, तां फेरी अज्ञानी माहणुये तेरे धन्यवादा पर आमीन किंया बोलणा? काँह्भई सै त नीं जाणदा भई तू क्या बोलां?