प्रकाशितवाक्य 7:11 - बिलासपुरी नौआं नियम

¹¹ कने सारे स्वर्गदूत, तिस संघासणा, कने प्राचीनां कने चऊँ जिऊंदेयां प्राणियां रे चऊँ पसयां खढ़िरे थे, सै सारे संघासणा रे सामणे धरतिया पर अपणे मुँआं रे भार पैईगे कने ये बोलदे हुये परमेशरा री अराधना कित्ती,

प्रकाशितवाक्य 7:11 Referans Kwoze

प्रकाशितवाक्य 4:10

तां इन्हें चौबी प्राचीनें सै जे संघासणा पर बैट्ठीरे परमेशरा रे सामणे धरतिया पर मुँआ रे भार पैईने अराधना कित्ती, कने सै अपणे-अपणे मुकट संघासणा रे सामणे येढ़ा बोलदे हुये रखी दें,

प्रकाशितवाक्य 4:6

कने तिस संघासणा रे सामणे साफ कच्चा साई समुद्र था, संघासणा रे बिच्च कने संघासणा रे चऊँ पासयां चार जिऊंदा प्राणी थे, तिन्हांरे अग्गे-पिच्छे आक्खीं इ आक्खीं थिआं।

प्रकाशितवाक्य 11:16

फेरी चौबी प्राचीन सै जे परमेशरा रे सामणे अपणे-अपणे संघासणा पर बैठिरे थे, धरतिया पर मुँआं रे भार पईने परमेशरा री अराधना करीने

प्रकाशितवाक्य 4:4

तिस संघासणा रे चऊँ पासयां चौबी संघासण थे; कने इन्हां संघासणा पर चौबी प्राचीन चिट्टे कपड़े पैहनीं ने बैठिरे थे, कने तिन्हांरे सिराँ पर सोने रे मुकट थे।

इब्रानियों 1:6

कने फेरी परमेशरे अपणे पैहलौठे पुत्रा जो संसारा च भेजणे ते पैहले ये बोल्या, “परमेशरा रे सब स्वर्गदूत तिसरे अग्गे मत्था टेक्कें।”

यूहन्ना 5:23

इस खातर भई सारे लोक तियां जे पिता परमेशरा रा आदर कराँ ये तियां इ पुत्रा रा आदर बी करो। सै माहणु जे पुत्रा रा आदर नीं करदा, सै तिस पिता परमेशरा रा आदर बी नीं करदा तिने जे मिन्जो भेज्जिरा।

मत्ती 4:10

फेरी यीशुये तिसजो गलाया, “शैतान दूर हुई जा, काँह्भई पवित्रशास्त्रा च लिखिरा: ‘तू प्रभु अपणे परमेशरा री अराधना कर, कने सिर्फ तिसरी इ सेवा टैहल कर।’ ”

प्रकाशितवाक्य 22:9

पर तिने मेरने बोल्या, “देख, येढ़ा मत कर; काँह्भई हऊँ तेरा कने तेरे साथी विश्वासी भविष्यवक्तयां कने इसा कताबा रियां गल्लां रे मनणे औल़यां रा साथी दास आ, परमेशरा री ही अराधना कर।”

प्रकाशितवाक्य 15:4

“हे प्रभु, कुण तेरते नीं डरगा? कने तेरे नौआं री महिमा नीं करगा? काँह्भई सिर्फ तूई पवित्र आ। सारियां जातियां आईने तेरी अराधना करनी, काँह्भई तेरे न्याय रे काम्म प्रगट हुई चुक्कीरे।”

प्रकाशितवाक्य 4:8

इन्हां चऊँ जिऊंदा प्राणियां रे छे-छे फंग थे, कने चऊँ पासयां अन्दर बाहर आक्खीं इ आक्खीं थिआं। कने सै रात-दिन बिणा रुके ये बोलदे रैं, “पवित्र, पवित्र, पवित्र प्रभु परमेशर, सर्वशक्तिमान, सै जे था, सै जे हया कने सै जे औणे औल़ा।”