प्रकाशितवाक्य 5:1 - बिलासपुरी नौआं नियम

¹ कने सै जे संघासणा पर बैठिरा था, मैं तिसरे सज्जे हत्था च इक कताब देक्खी, सै जे अन्दर कने बाहर दुईं तरफा ते लिखिरी थी, कने सै सात्त सीलां लाईने बन्द कित्ती गई थी।

प्रकाशितवाक्य 5:1 Referans Kwoze

प्रकाशितवाक्य 5:7

मेमने आईने सै जे संघासणा पर बैठिरा था, तिसरे सज्जे हत्था ते सै कताब लेई ली।

प्रकाशितवाक्य 10:2

तिसरे हत्था च इक छोट्टी जेई खुल्ही री कताब थी। तिने अपणा सज्जा पैर समुद्रा पर कने खब्बा धरतिया पर रखया;

प्रकाशितवाक्य 6:1

फेरी मैं देख्या ताहली जे मेमना तिन्हां सत्तां सीलां चते इक्की जो तोड़ां, कने तिन्हां चऊँ जिऊंदे प्राणियां चते इक्की री गर्जणे साई अवाज़ा च ये बोलदे सुणया, “औ।”

प्रकाशितवाक्य 5:13

फेरी मैं स्वर्गा च कने धरतिया पर कने धरतिया रे थल्ले कने समुद्रा रियां सब बणाई रियां चिज़ां जो, कने सब्बीं किजि जो सै जे तिस चा, ये गान्दे हुये सुणया, “सै जे संघासणा पर बैठिरा, तिसरा कने मेमने री स्तुति, आदर, महिमा कने राज युगां-युगां तक रौ!”

प्रकाशितवाक्य 4:3

सै जे तिस पर बैठिरा सै यशब कने माणिक्य साई दिस्सां, कने तिस संघासणा रे चऊँ पासयां मरकता साई इक मेघ-धनुष दुस्याराँ।

प्रकाशितवाक्य 4:9

ताहली जे सै जिऊंदा प्राणी तिसरी सै जे संघासणा पर बैठिरा, कने युगां-युगां तकौ जिऊंदा, महिमा कने आदर कने धन्यवाद कराँ ये।

प्रकाशितवाक्य 6:16

सै पहाड़ कने टरयां ने बोलणे लगे, “अहांरे ऊपर पैई जावा; कने अहांजो तिसरिया नज़राँ ते सै जे संघासणा पर बैठिरा, कने मेमने रे गुस्से ते बचाई लै।

प्रकाशितवाक्य 8:1

ताहली जे मेमने सतवीं सील तोड़ी, तां स्वर्गा च अधे घण्टे तक सन्नाटा छाईग्या।