प्रकाशितवाक्य 3:15 - बिलासपुरी नौआं नियम

¹⁵ हऊँ तेरे कम्मां जो जाणाँ भई तू तिस पाणिये साई आ सै जे नांत ठण्डा कने नांत गर्म आ; भला हुन्दा भई तू ठण्डा या गर्म हुन्दा।

प्रकाशितवाक्य 3:15 Referans Kwoze

रोमियो 12:11

खूब मेहणत करा कने आलसी मत बणाँ; अप्पूँजो प्रभुये री सेवा करने च पूरी तरह समर्पित करा।

मत्ती 6:24

“कोई बी माहणु इक वगता च दुईं स्वामियां री सेवा नीं करी सकदा, काँह्भई जे कोई येढ़ा कराँ तां तिस इक्की ने नफरत करनी कने दुज्जे ने प्यार, या इक्की रे परति बफादार रैहणा कने दुज्जे रा निरादर करना। तुहें धन कने परमेशर दुईं री इक साथ सेवा नीं करी सकदे।

याकूब 1:8

तिस माहणुये रा मन दुविधा च फसीरा रैयां, सै अपणे सारे कम्मां च टिक्कीरा नीं रैहन्दा।

प्रकाशितवाक्य 2:4

पर मिन्जो तेरे खलाफ ये शकैत इ : भई तैं अपणा पैहले साई प्यार करना छड्डीतरा।

मत्ती 24:12

हर तरफ अधर्म-ही-अधर्म फैली जाणा तिसते जे कई विश्वासी लोकां रा प्यार परमेशरा रे कने इक्की दूये रे परति नीं रैहणा,

1 पतरस 1:22

हुण तुहें सच्चाईया जो मनदे हुये अप्पूँजो परमेशरा रे जरिये पवित्र करील्या, ताकि तुहांरा प्यार साथी विश्वासियां रे प्रति सच्चा हो। कने लगातार इक्की दुज्जे जो दिला ते प्यार करा,

फिलिप्पियां 1:9

कने हऊँ येई प्राथना करदा रैयां भई तुहांरा प्यार, कने सुध-बुध हर तरह रे ज्ञाना सौगी हमेशा बधदी रौ।

2 कुरिन्थियों 12:20

काँह्भई मिन्जो डर आ भई ताहली जे हऊँ तुहांले आऊं, तां किति तुहांजो तेढ़ा नीं पाऊँ, तेढ़ा जे पाणा चाँह था, कने तुहें बी मिन्जो तेढ़ा इ पावा तेढ़ा जे पाणा चाँये। मिन्जो डर आ भई तुहांरे बिच मिन्जो किति लड़ाईया, जल़ण, गुस्सा, विरोध, हिरख, चुगली, घमण्ड कने बखेड़े नीं मिलो।

मत्ती 10:37

“सै जे अपणे माता-पिता जो मेरते जादा प्यार कराँ, सै मेरा चेला बणने रे लायक नींये; कने सै जे अपणे बेटे या बेटिया जो मेरते जादा प्यार कराँ, सै मेरा चेला बणने रे लायक निआं;

प्रकाशितवाक्य 3:1

तिने बी मिन्जो बोल्या, “सरदीस नगरा रिया कलीसिया रे दूता जो ये सन्देश लिख: मेरले परमेशरा रियां सात्त आत्मां कने सात्त तारे, हऊँ तुहांजो ये बोलां भई हऊँ तेरयां कम्मां जो जाणाँ, भई तू जिऊंदेयां साई त दिखां, पर असल च तू मूईरा।

प्रकाशितवाक्य 2:2

हऊँ तेरे काम्म, कने तेरी मेहणत, कने तेरे धीरजा जो जाणाँ। कने ये बी भई तू बुरयां लोकां जो सैहण नीं करी सकदा, कने सै जे अप्पूँजो प्रेरित बोलां ये, पर हये नींये तिन्हांजो तैं परखीने झूट्ठा पाया।

2 थिस्सलुनीकियां 1:3

अहांरे साथी विश्वासियो, तुहांरे खातर अहांजो लगातार परमेशरा रा धन्यवाद करना चाहिन्दा, कने ये ठीक बी आ, काँह्भई मसीह च तुहांरा विश्वास बौहत बधदा जाया राँ, कने तुहांरा प्यार इक्की दूये रे प्रति बधदा जाया राँ।

1 कुरिन्थियों 16:22

हे अहांरे प्रभु औ!

प्रकाशितवाक्य 3:16

इस खातर भई तू मिसना, कने नां ठण्डा कने नां गर्म, हऊँ तिज्जो अपणे मुँआं चते मिसने पाणिये साई उगलणे औल़ा।