प्रकाशितवाक्य 22:3 - बिलासपुरी नौआं नियम

³ फेरी तित्थी कोई श्राप नीं हूणा कने परमेशर कने मेमने रा संघासण तिस नगरा च हूणा कने तिसरे दास्सां तिसरी अराधना करनी।

प्रकाशितवाक्य 22:3 Referans Kwoze

मत्ती 25:21

तिसरे मालके तिसने गलाया, शाबाश! तू भरोसे रे लायक खरा सेबक आ, तैं थोड़िया जेईया रकमा च मेरा विश्वास जित्तिल्या; माह तिज्जो मतियां चिज़ां रा अधिकार देणा। औ कने मेरने खुशी मना।

यूहन्ना 12:26

जे कोई मेरी सेवा करना चाओ, तां सै मेरे चेले बणो; कने तित्थी जे हऊँ आ, तित्थी मेरा सेवक बी हूणा। जे कोई मेरी सेवा करो, तां पिता परमेशरा तिसरा आदर करना।

यूहन्ना 14:3

जे हऊँ तित्थी जाया राँ, कने तुहां खातर रैहणे री जगह बणाऊं, तां माह फेरी येत्थी आईने तुहांजो अपणे सौगी रैहणे खातर ऊत्थी लेई जांगा, ताकि तुहें बी तित्थी रौआ तित्थी जे हऊँ रौआं।”

मत्ती 25:41

“फेरी तिस अपणे सज्जे पासे औल़यां ने बोलणा, शापित लोको, मेरला ते चली जावा, कने सै आग्ग जे परमेशरे शैतान कने तिसरे दूतां खातर त्यार कित्तिरी, तिसा अनन्त अग्गी च जाईने पौआ।

यूहन्ना 17:24

“हे पिता! सै लोक जे तैं मिन्जो दित्तिरे, मेरी ये इच्छा इ भई तित्थी जे हऊँ आ तित्थी सै बी रौ, काँह्भई सै मेरिया तिसा महिमा जो देक्खी सक्को सै जे तैं मिन्जो दित्ति। काँह्भई संसारा रिया सृष्टिया ते पैहले तू मिन्जो प्यार कराँ था।

प्रकाशितवाक्य 7:9

इन्हां गल्लां रे बाद मैं हर इक जाति, कने कुल़, कने लोक, कने भाषा चते इक येढ़ि बड्डी भीड़ देक्खी, तिसाजो जे कोई गिणी नीं सकदा था। सै चिट्टे कपड़े पैहनीने कने अपणे हत्थां च खजूरा रियां डाल़ियां लेईरी संघासणा रे सामणे कने मेमने रे सामणे खढ़िरे;

प्रकाशितवाक्य 7:10

ये लोक ऊच्चिया अवाज़ च पुकारदे हुये गलाया राँये : “संघासणा पर बराजमान अहांरे परमेशर कने मेमने री जय-जयकार हो, काँह्भई इन्हांते इ अहांरा छुटकारा!”

यूहन्ना 13:32

अगर जे तिसते परमेशरा री महिमा हूणी तां परमेशरा अप्पूँ इ तिस्सो महिमा देणी