प्रकाशितवाक्य 21:8 - बिलासपुरी नौआं नियम

⁸ पर डरपोकां, अविश्वासियां, घिनौनयां, हत्यारयां, व्यभिचारियां, जादूगराँ, मूर्तीपूजकां, कने सब्बीं झुट्ठयां रा हिस्सा तिसा नदिया च मिलणा, सै जे अग्गी कने गन्धका ते भखदी रैयांई: ये दुज्जी मौत इ।”

प्रकाशितवाक्य 21:8 Referans Kwoze

प्रकाशितवाक्य 2:11

सै जे मेरी गल्ल समझणा चाँह सै ध्यान देईने सुणो भई परमेशरा रा आत्मा कलीसियां ने क्या बोलां। सै जे जय पाओ, तिस्सो दुज्जिया मौता ते नुक्शान नीं हूणा।”

प्रकाशितवाक्य 22:15

पर कुत्ते, जादूगर, व्यभिचारी, हत्यारे, मूर्त्तिपूजक, कने हरेक झूट्ठा रा चाहणे औल़ा कने झुट्ठियां गल्लां बनाणे औल़ा बाहर रैहणा।

1 यूहन्ना 3:15

सै कोई जे अपणे साथी विश्वासिये ने दुश्मणी रखां, सै हत्यारा हुया; कने तुहें त जाणाँ ये, भई किसी हत्यारे च अनन्त जीवन नीं रैहन्दा।

प्रकाशितवाक्य 19:20

सै पशु कने झूट्ठे भविष्यवक्ते जो सै जे तिसरे सामणे येढ़े नशाण दस्से थे, तिन्हांरे जरिये तिने तिन्हांजो भरमाया, तिन्हां पर जे पशुये री छाप थी, कने सै जे तिसरी मूर्तियां री पूजा कराँ थे। इन्हां दुईं जो जीते जी तिसा अग्गी रिया झीला च, सै जे गन्धका ने जल़ां इ, पाये गये।

इब्रानियों 13:4

ब्याह रा सब्बीं रे जरिये आदर हूणा चाहिन्दा, कने इक पति-पत्निया जो इक्की दूये रे इलावा किसी दुज्जे ने सम्बन्ध रखणा ठीक नींआ, काँह्भई परमेशर व्यभिचारियां, कने परस्त्रीगामियां रा न्याय करगा।

1 तिमुथियुस 4:2

सै लोक जे ये झुट्ठियां शिक्षां देआं थे सै झूट्ठे लोक ये कने तिन्हांरी अन्तरात्मा मरी चुक्कीरी तियां जे भई गर्म लोहे तिन्हांजो जल़ाई तरा हो,

मत्ती 8:26

यीशुये तिन्हांने गलाया, “अरे कमजोर बिश्वासिओ, तुहें इतणे डरीरे काँह ये?” फेरी तिने खड़ा हुईने तूफाना जो कने पाणिये जो डान्टया, कने चऊँ पासयां शान्ति हुईगी।

प्रकाशितवाक्य 9:21

महामारिया ते बचीरे लोकें हत्या करना, जादू टोणा, व्यभिचार, कने चोरी करना नीं छड्डया।

यूहन्ना 8:44

तुहें अपणे पिता शैतान्ना री सन्तान ये कने अपणे पिता रियां इच्छां जो पूरा करना चाँये। सै त शुरु ते खूनी आ कने तिने कदीं सच्चाईया रा पक्ष नीं लेआ, काँह्भई सच्च तिसच हाया इ निआं। झूट्ठ बोलणा त तिसरे स्वाभावा ची हाया; काँह्भई सै झूट्ठा कने सारयां झूट्ठां जो जन्म देणे औल़ा पिता।

मत्ती 10:28

तिन्हां लोकां ते मता डरदे सै जे तुहांरे शरीरा जो खत्म करी सक्कां ये, पर तुहांरिया आत्मा जो नीं मारी सकदे, बस तिस परमेशरा ते डरा सै जे तुहांरे शरीरा जो कने तुहांरिया आत्मा जो नरका च पाईने खत्म करी सक्कां।

1 यूहन्ना 2:22

पर सै जे येढ़ा गल्लां भई यीशु मसीह निआं, सै झूट्ठा माहणु आ। येढ़ा माहणु मसीह रा बैरी आ। सै त पिता परमेशरा रा कने पुत्रा दुईं रा इन्कार कराँ।

1 यूहन्ना 5:10

सै जे परमेशरा रे पुत्रा पर विश्वास कराँ, सै अपणे दिला च तिसा गवाहिया जो रक्खां; तिने जे परमेशरा पर विश्वास नीं कित्या, सै परमेशरा जो झूट्ठा बणां; काँह्भई तिने तिसा गवाहिया पर विश्वास नीं कित्या, सै जे परमेशरे अपणे पुत्रा रे बारे च दितिरी,

प्रकाशितवाक्य 2:2

हऊँ तेरे काम्म, कने तेरी मेहणत, कने तेरे धीरजा जो जाणाँ। कने ये बी भई तू बुरयां लोकां जो सैहण नीं करी सकदा, कने सै जे अप्पूँजो प्रेरित बोलां ये, पर हये नींये तिन्हांजो तैं परखीने झूट्ठा पाया।

2 थिस्सलुनीकियां 2:9

तिस दुष्ट माहणुये रा औणा शैतान्ना रे कम्मां रे मुतावक सब तरिके री झूट्ठी सामर्थ, कने नशाणां, कने अदभुत कम्मां सौगी हूणा,

इब्रानियों 12:24

तुहें यीशुये ले आई चुक्कीरे सै जे परमेशर कने लोकां रे बिच्चा रा नईया वाचा रा बिचौल़िया, कने छिड़कावा रे तिस लहूये रे नेड़े आईगरे सै जे हाबिल रे लहूये ते बड्डे वायदे कराँ।

तीतुस 1:16

ये झूट्ठे शिक्षक बोलां ये भई सै परमेशरा जो जाणाँ ये, पर तिन्हांरा बर्ताव साफ तौर पर ये साबित कराँ भई सै तिस्सो नीं जाणदे। परमेशर इन्हां लोकां ते नफरत कराँ कने सै तिसरे हुक्मां रा पालन नीं करदे, कने कोई भला काम्म बी नीं करी पान्दे।

प्रकाशितवाक्य 9:17

मिन्जो इस दर्शणा च घोड़े कने तिन्हांरे स्वार इयां दिस्से: सै स्वार कवच पैहनीरे थे सै जे भड़कदी आग्ग, निल्ले कने पील़े रंगा रे थे। कने तिन्हां घोड़यां रे सिर शेराँ रे सिराँ साई थे; कने तिन्हांरे मुँआं ते आग्ग, कने धुआँ कने गन्धक निकल़ां था।

प्रकाशितवाक्य 14:10

तां सै परमेशरा रे गुस्से री निरी मदिरा, सै जे तिन्हांरे गुस्से रे कटोरे च भरी-भरी ने पाई दित्ति गईरी, पींगा। तिस पवित्र स्वर्गदूतां रे सामणे कने मेमने रे सामणे आग्ग कने गन्धका री पीड़ा च पौणा।

प्रकाशितवाक्य 21:27

कने तिसच कोई बी अपवित्र चीज या गन्दा काम्म करने औल़ा, झूट्ठ बोलणे औल़ा, किसी बी तरिके ने नीं औणा, पर सिर्फ सै लोक तिन्हांरे नौं जे मेमने रिया जीवना रिया कताबा च लिखिरे।

मत्ती 25:25

इस खातर हऊँ डरिग्या कने मैं जाईने चान्दिया रे सिक्कयां री थैली धरतिया च दब्बीती। देख, सै जे तेरा, सै ये रैया।

मरकुस 9:44

तिसा जगह पर, सारयां जो खाणे औल़े कीड़े कदीं नीं मरदे कने आग्ग कदीं नीं बुझदी।