प्रकाशितवाक्य 21:22 - बिलासपुरी नौआं नियम

²² मैं नगरा च कोई मन्दर नीं देख्या, काँह्भई सर्वशक्तिमान प्रभु परमेशर कने मेमना तिसरा मन्दर आ।

प्रकाशितवाक्य 21:22 Referans Kwoze

यूहन्ना 4:23

पर सै वगत आई चुक्कीरा, ताहली जे सच्चे भगत अहांरे पिता परमेशरा री अराधना आत्मा रिया अगुवाईया च सच्चाईया ने करगे, काँह्भई अहांरे पिता अपणे खातर येढ़े इ भगतां जो टोल़ां ये।

प्रकाशितवाक्य 1:8

प्रभु परमेशर बोलां, “हऊँ इ अल्फा कने ओमेगा। सर्वशक्तिमान इ हाया सै जे था, सै जे हया, कने सै जे औणे औल़ा।”

प्रकाशितवाक्य 16:7

फेरी मैं बेदिया ते ये अवाज़ सुणी, “हाँ, हे सर्वशक्तिमान प्रभु परमेशर, तेरा न्याय ठीक कने सच्चा।”

प्रकाशितवाक्य 5:6

फेरी मैं तिस संघासणा कने चऊँ प्राणियां कने तिन्हां प्राचीनां रे बिच्च, मन्नो इक बध कित्तिरा मेमना खड़ा देख्या। तिसरे सात्त सिंग कने सात्त आक्खीं थिआं; ये परमेशरा रियां सात्त आत्मा ईं, सै जे सारिया धरतिया पर भेज्जी गईयां।

कुलुस्सियां 2:9

काँह्भई ताहली जे मसीह माहणुये रे रुपा च आया, तां बी सै पूरे तरिके ने परमेशर था।

यूहन्ना 4:21

यीशुये तिसाजो गलाया, “ओ नारी, मेरिया गल्ला पर विश्वास कर भई सै बगत आईरां ताहली जे तुहां पिता री अराधना नांत इस पहाड़ा पर करनी, कने नांई यरूशलेम च करनी।

प्रकाशितवाक्य 15:3

कने सै परमेशर रे दास मूसा रा गीत, कने मेमने रा गीत गां थे, “हे सर्वशक्तिमान प्रभु परमेशर, तेरे काम्म महान कने अदभुत ये; हे युग-युग रे राजा, तेरी चाल ठीक कने सच्ची।”

प्रकाशितवाक्य 11:17

ये बोलणे लगे, “हे सर्वशक्तिमान प्रभु परमेशर, सै जे हया कने सै जे था, अहें तेरा धन्यवाद कराँ ये भई तैं अपणिया बड़िया सामर्था जो कम्मां च ल्याईने राज्ज करना शुरु कित्या।

प्रकाशितवाक्य 4:8

इन्हां चऊँ जिऊंदा प्राणियां रे छे-छे फंग थे, कने चऊँ पासयां अन्दर बाहर आक्खीं इ आक्खीं थिआं। कने सै रात-दिन बिणा रुके ये बोलदे रैं, “पवित्र, पवित्र, पवित्र प्रभु परमेशर, सर्वशक्तिमान, सै जे था, सै जे हया कने सै जे औणे औल़ा।”

कुलुस्सियां 1:19

काँह्भई पिता परमेशरा री खुशी इस ची भई परमेशरा रा सारा स्वाभाव मसीह च वास कराँ।

यूहन्ना 10:30

हऊँ कने मेरा पिता इक ये।”

प्रकाशितवाक्य 19:15

जाति-जाति जो मारने खातर तिसरे मुँआं ते तेज धार तलवार निकल़ां इ। तिस तिन्हांरे ऊपर लोहे री रौड़ा ने राज करना। तिस सर्वशक्तिमान परमेशरा रे भयानक गुस्से री जलजलाहटा री मदिरा रे कुण्डा च अंगूरां जो पीहणा।

प्रकाशितवाक्य 16:14

ये सै बुरीआत्मां इयां सै जे चमत्कार करदियां हुईयां सारे संसारा रे राजयां ले जांईयां; ताकि तिन्हौं सर्वशक्तिमान परमेशरा रे तिस बड्डे दिना री लड़ाईया रे खातर कट्ठा करो।

मत्ती 24:2

पर यीशुये तिन्हाने गलाया, “तुहें इसा इमारता जो सिधा येत्थी खढ़िरा देखी रायें! हऊँ तुहांजो सच्च बोलां, ये सारियां दीवाराँ कने इमारतां नष्ट हुई जाणियां।”

प्रकाशितवाक्य 7:15

इस वजह ते “ये परमेशरा रे संघासणा रे सामणे, कने तिसरे मन्दरा च दिन-रात तिसरी सेवा कराँ ये; कने सै जे संघासणा पर बैठिरा, तिस तिन्हां परा अपणे तम्बू ताणने।

प्रकाशितवाक्य 7:17

काँह्भई मेमना सै जे संघासणा रे बिच आ, तिन्हांरी रखवाली करगा; कने तिस तिन्हांजो जिन्दगी देणे औल़े पाणिये रे सोते ला लेई जाया करना। कने परमेशरा तिन्हांरी आक्खीं ते सारे आँसू पुंजी देणे।”

प्रकाशितवाक्य 14:4

ये सै लोक ये, सै जे कदीं औरतां सौगी अशुद्ध नीं हुये, पर कुवारे रै; ये सैई हाये, भई तित्थी जे कित्ती मेमना जां, सै तिसरे पिच्छे हुई लेआं ये; येत परमेशर कने मेमने रे खातर पैहले फल़ा साई माहणुआं चते खरीदी लरे।

यूहन्ना 13:32

अगर जे तिसते परमेशरा री महिमा हूणी तां परमेशरा अप्पूँ इ तिस्सो महिमा देणी