प्रकाशितवाक्य 21:12 - बिलासपुरी नौआं नियम

¹² कने तिसरी शहरपनाह बौहत ऊच्ची थी, कने बारा फाटक, कने फाटकां पर बारा स्वर्गदूत थे। कने तिन्हां फाटकां पर इस्राएलियां रे बाराँ गोत्राँ रे नौं लिखिरे थे।

प्रकाशितवाक्य 21:12 Referans Kwoze

प्रकाशितवाक्य 21:25

तिसरे फाटक दिनां रे वगत कदीं बन्द नीं हुणे, काँह्भई रात तित्थी नीं हूणी।

प्रेरितां 26:7

तिसा प्रतिज्ञा रे पूरे हुणे री आशा लाईने, अहांरे बारा गोत्र अपणे सारे मना ते रात दिन परमेशरा री अराधना करदे आया रायें। हे राजा, इसा इ आशा रे बारे च यहूदी अगुवे मांह पर दोष लांये।

इब्रानियों 1:14

तां स्वर्गदूत क्या कराँ ये? सै सारे सिर्फ परमेशरा रेई सेवक ये तिसजो जे परमेशर छुटकारा पाणे औल़यां रा ख्याल रखणे खातर भेज्जां।

लूका 16:22

बाद बिच, येढ़ा हुआं भई लाजर मरी जां कने स्वर्गदूत तिसरिया आत्मा जो अहांरे पूर्वज अब्राहमा सौगी रैहणे खातर लेई जांये। फेरी इक दिन सै अमीर माहणु बी मरया; कने दबाई दित्या जां।

लूका 15:10

इस इ तरिके ने, जे इक पापी बी अपणे पापां ते मन फिराओ, तां स्वर्गा च परमेशरा रे स्वर्गदूतां तिसरे खातर खुशी मनाणी।”

मत्ती 18:10

इस खातर देक्खा, तुहें मेरे इन्हां मासूम चेलयां चते किसी जो बी घटिया नीं समझयां; हऊँ तुहांजो दस्सां भई तिन्हारी हिफाज़त करने औल़े स्वर्गदूतां री पहुँच स्वर्गा च मेरे पिता ले सदा बणीरी रैईं।

प्रकाशितवाक्य 21:13

पूर्वा रे पासे तिन्न फाटक, उत्तरा रे पासे तिन्न फाटक, दखणा रे पासे तिन्न फाटक, कने पश्चमा रे पासे तिन्न फाटक थे।

प्रकाशितवाक्य 21:15

सै जे स्वर्गदूत मेरे सौगी गल्लां करीराँ था, तिसले नगर कने तिसरे फाटकां कने तिसरी शहरपनाह जो नापणे रे खातर इक सोने रा गज था।

प्रकाशितवाक्य 22:14

“आशीषित सैये, सै जे अपणे कपड़े धोई लें, ताकि तिन्हांजो जीवना रे डाला ले औणे रा अधिकार मिलणा, कने तिन्हां फाटकां ते हुईने नगरा च प्रवेश करना।