प्रकाशितवाक्य 21:1 - बिलासपुरी नौआं नियम

¹ फेरी मैं इक नये अकाश कने नई धरतिया जो देख्या, काँह्भई पैहलका अकाश कने पैहलकी धरती खत्म हुई चुक्कीरे थे, कने समुद्र बी नीं रैया।

प्रकाशितवाक्य 21:1 Referans Kwoze

2 पतरस 3:13

पर परमेशरा रे वायदे रे मुतावक अहें इक नया अकाश कने नई धरतिया रा इन्तजार करया राँये, तित्थी जे लोकां परमेशरा रिया इच्छा रे मुतावक जीणा।

प्रकाशितवाक्य 21:5

सै जे संघासणा पर बैट्ठया था, तिने बोल्या, “हऊँ सब किछ नया करी देआं।” फेरी तिने बोल्या, “लिखी लै, काँह्भई ये वचन विश्वास करने लायक कने सच्चा।”

2 पतरस 3:10

पर प्रभुये रा दिन चोरा साई औणा, तिस दिन इक खतरनाक गर्जना सौगी अकाश खत्म हुई जाणा कने अम्बरा रा सारा किछ फुक्खीने नाश हुई जाणा कने तिस दिन धरती कने तिस पर कित्तिरे सारे काम्म प्रगट हुई जाणे।

प्रकाशितवाक्य 20:11

फेरी मैं इक बड्डा चिट्टा संघासण कने तिसजो देख्या सै जे तिस पर बैठिरा; तिसरे सामणे ते धरती कने अम्बरा नट्ठीगे, कने तिन्हांरे खातर कोई जगह नीं मिली।

प्रकाशितवाक्य 13:1

मैं इक्की येढ़े पशुये जो समुद्रा चते निकल़दे देख्या, तिसरे दस सिंग कने सात्त सिर थे। तिसरयां सिंगां पर दस मुकट, कने तिसरे हरेक सिरा पर परमेशर री निंध्या रे नौं लिखिरे थे।

रोमियो 8:21

पर आशा इ भई सृष्टिया बी नाश हुणे ते छुटकारा पाणा कने परमेशरा रे बच्चयां री महिमा रिया अजादिया च भागीदार हूणा।

प्रकाशितवाक्य 6:14

अम्बरा फटीने चर्म पत्रा साई कट्ठा हुईग्या; कने हरेक पहाड़, कने टापु अपणिया-अपणिया जगह ते खिसकी गे।