प्रकाशितवाक्य 20:4 - बिलासपुरी नौआं नियम

⁴ फेरी मैं संघासण देक्खे, कने तिन्हां पर सै जे लोक बैठिरे थे तिन्हांजो न्याय करने रा अधिकार दित्या गया। कने मैं तिन्हांरियां आत्मां जो बी देख्या तिन्हांरे सिर जे यीशुये री गवाही देणे कने परमेशरा रे वचनां रिया वजह ते धड़ा ते लग कित्ते गईरे थे। तिन्हें पशु या मूर्तियां री पूजा नीं कित्ती थी, नांई अपणे मत्थे कने हत्था पर तिसरी छाप लई थी। सै जिऊंदा हुईने मसीह ने सौगी हज़ार साल्लां तक राज करदे रै।

प्रकाशितवाक्य 20:4 Referans Kwoze

मत्ती 19:28

यीशुये तिन्हांने गलाया, हऊँ तुहां लोकां ने सच्च बोलां भई नौंये जुगा च ताहली जे माहणुये रा पुत्र अपणे प्रतापी संघासणा पर बिराजमान हूणा, तां तुहां बी सै जे मेरे पिच्छे आईरे, बारा संघासणां पर बैठीने इस्राएल रे बारा गोत्राँ रा न्याय करना।

प्रकाशितवाक्य 6:9

ताहली जे मेमने पंजवीं सील तोड़ी, तां मैं बेदिया रे थल्ले तिन्हांरे प्राणां जो देख्या, सै जे परमेशर रे वचनां रिया वजह ते, कने तिसा गवाहिया रिया वजह ने सै जे तिन्हें दित्ति, मारी दित्ते गये थे।

प्रकाशितवाक्य 3:21

सै जे जय पाओ मांह तिस्सो अपणे सौगी अपणे संघासणा पर बठालणा, तियां जे हऊँ बी जय पाईने अपणे पिता सौगी तिसरे संघासणा पर बैठिरा।

2 तिमुथियुस 2:12

जे अहें दुख सैयें तां तिस सौगी राज बी करना। जे अहें तिसरा इन्कार करगे, तां तिस बी अहांरा इन्कार करना,

प्रकाशितवाक्य 20:6

आशीषित कने पवित्र सै आ सै जे पैहले मूईरयां ते जिऊंदा हुणे च शामिल ये। येढ़यां लोकां पर दुज्जिया मौती रा किछ बी अधिकार निआं, पर तिन्हां परमेशर कने मसीह रे याजक हूणा कने यीशु मसीह सौगी हज़ार साल्लां तक राज करना।

लूका 22:30

तुहें तिस राज्जा च मेरे मेचा पर खाई पी सक्को, कने तुहां राजयां रे आसणा पर बैट्ठीने इस्राएल रे बारा गोत्राँ रा फैसला करगे।

प्रकाशितवाक्य 22:5

कने फेरी तित्थी रात नीं हूणी, कने तिन्हांजो दिऊए कने सूरजा रे उजाले री जरूरत नीं हूणी, काँह्भई प्रभु परमेशरा तिन्हांजो रोशनी देणी, कने तिन्हां युगां-युगां तक राज करना।

प्रकाशितवाक्य 12:11

“तिन्हें मेमने रे खून्ना रिया वजह ते कने अपणिया गवाहिया रे बचना रिया वजह ते तिस पर जीत पाईरी, काँह्भई तिन्हें मरते दम तक अपणिया जानी री परवाह नीं कित्ती।

प्रकाशितवाक्य 1:9

हऊँ यूहन्ना, तुहांरा साथी विश्वासी आ कने यीशु मसीह रे दुख, कने राज, कने धीरजा च तुहांरे सौगी आ। हऊँ पतमुस नौआं रे टापुये च परमेशरा रे वचना कने यीशुये री गवाही देणे रिया वजह ते कैदी था।

रोमियो 8:17

काँह्भई अहें तिसरे बच्चे, इस खातर सै आशीष जे परमेशर अपणे लोकां खातर रखां तिसजो अहां पाणा, कने मसीह रे खातर बी सै जे परमेशरे रखीरा, तिस्सो बी अहां मसीह ने सौगी पाणा; काँह्भई जे अहें मसीह साई दुख सैं तां अहां बी तिस सौगी महिमा पाणी।

प्रकाशितवाक्य 15:2

फेरी मैं अग्गी च मिस्से शीशे साई इक समुद्र देख्या; सै लोक जे तिस पशुये पर कने तिसरिया मूर्तिया पर, कने तिसरे नौंआं रे अंका पर जयवन्त हुये थे, तिन्हांजो तिस कच्चा रे समुद्रा ले परमेशर रियां वीणां जो लईने खढ़िरे देख्या।

प्रकाशितवाक्य 14:11

तिन्हां रिया पीड़ा रा धुआं युग-युग उठदा रैहणा, कने सै लोक जे तिस पशुये कने तिसरिया मूरता री पूजा करगे कने तिसरे नौआं री छाप लेंगे, तिन्हांजो रात-दिन चैन नीं मिलणा।”

प्रकाशितवाक्य 11:7

ताहली जे सै लोकां जो परमेशरा रे वचना रा प्रचार करीने खत्म करी बैट्ठे, तां सै पशु सै जे अथाह कुण्डा चते निकल़णा, तिन्हां पर हमला करना कने तिन्हांजो हराईने मारी देणा।

यूहन्ना 14:19

थोड़े बगता ते बाद, संसारा मिन्जो नीं देखणा, पर तुहां मिन्जो देखणा, तुहां जिऊंदेयां रैहणा काँह्भई हऊँ बी जिऊंदा।

प्रकाशितवाक्य 17:8

सै पशु जे तैं देख्या, ये पैहले त था, पर हुण निआं; सै अथाह कुण्डा ते निकल़ीने विनाशा च पैई जाणा। धरतिया रे रैहणे औल़े तिन्हांरे नौं जे संसारा रिया सृष्टिया रे वगता ते जीवना रिया कताबा च नीं लखोईरे, सै इस पशुये री ये दशा देखीने चम्भा करगे, काँह्भई सै पैहले था कने हुण नींआ, पर औणे औल़ा।

प्रकाशितवाक्य 11:15

ताहली जे सतवें स्वर्गदूते अपणी तुरही बजाई, तां स्वर्गा च बड़ियां आवाज़ां हुणे लगियां; “संसारा रा राज अहांरे प्रभुये रा कने तिसरे मसीह रा बणीग्या कने तिस युग-युग राज करना।”

प्रकाशितवाक्य 11:11

पर साढे तिन्नां दिनां ते बाद परमेशरे तिन्हांजो भीं ते जिऊंदा कित्या। सै अपणे पैराँ पर खड़े हुईगे, कने तिन्हांरे देखणे औल़यां पर बौहत सारा डर छाईग्या।

प्रकाशितवाक्य 11:3

मांह अपणयां दुईं गवांह जो ये अधिकार देणा कने तिन्हां बिलाप करने औल़ा कपड़ा यनि टाट ओडीने इक हज़ार दो सौ साट्ठ दिनां तका भविष्यवाणी करनी।

रोमियो 11:15

काँह्भई जे परमेशरा रे जरिये तिन्हारे इन्कार कित्ते जाणे ते संसारा रे लोकां रा परमेशरा सौगी मेल-मलापा री वजह बणया, तां फेरी तिन्हांरा परमेशरा रे जरिये ग्रहण कित्या जाणा क्या मूईरयां चते जिऊंदा कित्या जाणे रे बराबर नीं हूणा?

लूका 1:17

यूहन्ना परमेशरा रे सेवक एलिय्याह री आत्मा च कने सामर्थया च भरी ने तिसरे अग्गे-अग्गे चलना। ताकि परमेशरा रे औणे ते पैहले लोकां रे मनां जो परमेशरा जो ग्रहण करने खातर त्यार करी सक्को। तेरे पुत्रा, मौ-बुढ़यां रा मन अपणे बच्चयां री तरफ फेरना, कने तिस हुक्मा जो नीं मनणे औल़े लोकां जो हुक्म मनणे रा ज्ञान सखाणा।”

मरकुस 9:11

फेरी चेलयां यीशुये ते ये पुच्छया, “शास्त्री काँह बोलां ये भई एलिय्याह भविष्यवक्ते जो मसीह ते पैहले औणा चाहिन्दा?”

मरकुस 6:27

इस खातर राजे ताहलूं इ इक्की सपाईये जो हुक्म देईने यूहन्ने ले जेल्ला च भेज्या भई तिसरा सिर कट्टीने ल्याओ।

मरकुस 6:16

हेरोदेस राजे ये सुणीने गलाया, “ये यूहन्ना वपतिस्मा देणे औल़ा! मैं खुद इसरा सिर कटवाया था, पर सै मूईरेयां चते जिऊंदा हुईग्या!”

मत्ती 24:10

तिस बगत बौहत लोकां माह पर विश्वास नीं करना, कने इक दुज्जे जो दुश्मणां रे हत्थे पकड़वाणा, कने अप्पूँ बाटियें बैर रखणा।

लूका 14:14

फेरी तिज्जो आशीष मिलणी भई तैं येढ़े लोकां जो सद्दया सै जे तेरा उधार बदला नीं करी सकदे। धर्मियां रे जिऊंदा हुणे पर तिज्जो इसरा फल़ मिलणा।”

प्रकाशितवाक्य 1:2

कने तिने जे परमेशरा रे वचन कने यीशु मसीह री गवाही, यनि जो किछ तिने देख्या था तिसरी गवाही दित्ति।

प्रकाशितवाक्य 2:26

सै जे जय पाओ, कने आखिर तक मेरियां इच्छां जो पूरा करदा रौ, मांह तिस्सो सारी जातियां रे लोकां पर अधिकार देणा।

प्रकाशितवाक्य 4:4

तिस संघासणा रे चऊँ पासयां चौबी संघासण थे; कने इन्हां संघासणा पर चौबी प्राचीन चिट्टे कपड़े पैहनीं ने बैठिरे थे, कने तिन्हांरे सिराँ पर सोने रे मुकट थे।

प्रकाशितवाक्य 7:3

“तदुआं तका जे अहें अपणे परमेशरा रे दास्सां रे मत्थे पर सील नीं लाई लेईये, तदुआं तक धरती कने समुद्र कने डाल़ां रा नुक्शान नीं करना।”