प्रकाशितवाक्य 20:2 - बिलासपुरी नौआं नियम

² कने तिने तिस अजगरा, यनि पुराणे सर्पा जो, सै जे इबलिश या शैतान आ; पकड़ीने इक हज़ार साल्लां तक बन्हीत्या।

प्रकाशितवाक्य 20:2 Referans Kwoze

2 पतरस 2:4

परमेशरे तिन्हां स्वर्गदूतां जो नीं छडया ताहली जे तिन्हें पाप कित्या पर तिन्हांजो नरका च सटीत्या, तित्थी जे तिन्हांजो बेड़ियां ने बन्हीने अन्धकारा च रखीरा ताकि सै न्याय रे दिना तक तित्थी पैईरे रौ।

प्रकाशितवाक्य 12:9

कने बड्डा अजगर यनि सैई पुराणा सर्प तिस्सो जे इबलिश कने शैतान बोलां ये कने सै जे सारे संसारा रा भरमाणे औल़ा। सै धरतिया पर तिसरे दूतां समेत सट्टि दित्या गया।

यहूदा 1:6

हऊँ तुहांजो ये बी याद दिलाणा चांह भई सै स्वर्गदूत सै जे अपणे औहदे पर नीं रैं, पर अपणे रैहणे रिया जगहां जो छड्डीत्या। परमेशरे तिन्हौं येढ़ियां बेड़ियां ने जकड़ीने अन्धकारा रिया जगह च रक्खीरा, तिसाजो जे कोई तोड़ी नीं सकदा। तिस तिन्हांजो तदुआं तक तिसा जगह च रखणा तदुआं तक जे न्याय रा सै महान दिन नीं आई जान्दा।

यूहन्ना 12:31

हुण इस संसारा रे लोकां रा न्याय करने रा वगत आईगरा, कने हुण परमेशरा इस संसारा पर राज करने औल़े शैतान्ना रिया शक्तिया जो खत्म करी देणा;

1 पतरस 5:8

खुद अप्पूँजो काबुये च रखा कने सावधान रौआ, काँह्भई तुहांरा दुश्मण शैतान हुरन्गदे हुये शेरा साई इसा तलाशा च रैयां, भई किस जो अपणा शिकार बणाये।

इब्रानियों 2:14

काँह्भई तियां जे परमेशरा रे बच्चे माहणु ये, तियां इ यीशु बी तिन्हां साई माहणु बणया। परमेशरे ये इस खातर कित्या ताकि तिसरिया मौती रे जरिये शैतान्ना जो नाश करी सक्को, तिसले जे मौती रा अधिकार था।

रोमियो 16:20

शान्तिया रे परमेशरा बौहत जल़द शैतान्ना जो तुहांरे पैराँ हेठ कुचल़ी देणा। अहांरे प्रभु यीशु मसीह रा अनुग्रह तुहां सौगी रौ।

यूहन्ना 16:11

न्याय रे बारे च इस खातर काँह्भई तिस लोकां जो इसा सच्चाईया रे बारे च दसणा भई परमेशरा तियां जे इस संसारा पर राज करने औल़े शैतान्ना जो सजा देणी, तियां इ परमेशरा लोकां जो तिन्हांरे पापां रे खातर सजा देणी।

प्रकाशितवाक्य 13:2

सै पशु जे मैं देख्या, सै इक चीते साई था; कने तिसरे पैर भालुये साई, कने मुँह शेरा साई था। अजगरे इस पशुये जो अपणी सामर्थ, कने अपणा सघासण, कने बड्डा अधिकार तिसजो देईत्या।

प्रकाशितवाक्य 12:17

फेरी अजगरा जो जनाना पर गुस्सा आया कने तिसारियां बाकी औल़ादां ते लड़ने जो गया, सै जे परमेशर रे हुक्मा जो मन्नां ये कने यीशुये री सही शिक्षां पर अटल ये।

प्रकाशितवाक्य 12:15

फेरी सर्पे औरता रे सामणे अपणे मुँआं ते नदिया साई पाणी बगाया ताकि तिसाजो इसा नदिया च हड़ाई दो।

प्रकाशितवाक्य 12:13

ताहली जे अजगरे देख्या भई हऊँ धरतिया परा सटी तरा, तां सै तिसा औरता जो तिसे जे बालका जो जणया था, सताणे लगया।

मरकुस 5:7

यीशु तिसने गल्लां था, “बुरीआत्मा, इस माहणुये चते निकल़ी जा!” पर बुरे आत्मे तिसजो जल्दी छड्डया नींआ, सै जोरा ने रड़ान्दे हुये गलाया, “यीशु, हऊँ जाणाँ भई तू महान परमेशरा रा पुत्र आ! तू काँह मिन्जो परेशान करया राँ? तू परमेशरा रे नौआं ते मेरने ये वायदा कर भई तू मिन्जो पीड़ा नीं देंगा।”

मत्ती 8:29

सै दोन्नो अचानक यीशुये पर चिल्लान्दे हुए बोलणे लगे, “हे परमेशरा रे पुत्र, अहांते तुहांजो क्या काम्म आ? क्या तू अहांजो परमेशरा रे तैह कित्तिरे वगता ते पैहले सजा देईने तिसरी अवहेलना नीं करीरां?”

प्रकाशितवाक्य 13:4

तिन्हें अजगरा री पूजा कित्ती, काँह्भई तिने पशुये जो अपणा अधिकार देईत्या था, कने ये बोल्लीने पशुये री पूजा कित्ती, “इस पशुये साई कुण आ? कुण इसने लड़ी सक्कां?”

प्रकाशितवाक्य 9:11

इक अथाह कुण्डा रा दूत तिन्हां पर राजा था; तिसरा नौं इब्रानी भाषा च अबद्योन, कने यूनानी च अपुल्लयोन आ। इन्हां दुईं नौआं रा मतलब नाश करने औल़ा हुया।

मत्ती 19:29

कने तिन्हे जे मेरे खातर अपणा घर-बार, या भाईयां, या बैहणां, या माता-पिता, या बच्चे, या खेतां जो छड्डीतरा, तिसजो सौ गुणा मिलणा, कने परमेशरा तिसजो अनन्त जीवना रा बारस बनाणा।

मरकुस 4:15

किछ लोक येढ़े तिन्हांरी बराबरी जे तिस ब्यूआ ते कित्ती जाई सक्कां इ सै जे बाट्टा च पैईरा। सै परमेशरा रा वचन जरूर सुणां ये, पर शैतान छोड़चा ने जां कने तिन्हांरे मनां ते तिस वचना जो मटाई देआं सै जे तिन्हें सुणया था।

प्रकाशितवाक्य 12:3

इक होर नशाण स्वर्गा च दिख्या; इक बड्डा जेआ लाल रंगा रा अजगर था, तिसरे सात्त सिर कने दस सिंग थे, कने सारयां सिराँ पर इक-इक मुकट था।

प्रकाशितवाक्य 12:4

तिने अपणिया फूंटिया ने अम्बरा रे तारयां रा इक तिहाई खिंज्जी ने धरतिया परा सट्टीत्या। सै अजगर तिसा औरता रे सामणे खड़ा हुईग्या सै जे बच्चे जो जणने औल़ी थी, ताकि ताहली जे सै बच्चा जणे तां अजगर बच्चे जो खाई सक्को।

प्रकाशितवाक्य 20:7

ताहली जे हज़ार साल पूरे हुई जाणे, तां शैतान कैदा ते अजाद कित्या जाणा।

प्रकाशितवाक्य 20:10

कने शैतान सै जे तिन्हांजो धोखे च रक्खां था आग्ग कने गन्धका रिया नदिया च पाया जाणा, तित्थी जे सै पशु कने झूट्ठा भविष्यवक्ता बी हूणा, कने सै रात-दिन युग-युग पीड़ा च तड़फदे रैहणे।