प्रकाशितवाक्य 20:10 - बिलासपुरी नौआं नियम

¹⁰ कने शैतान सै जे तिन्हांजो धोखे च रक्खां था आग्ग कने गन्धका रिया नदिया च पाया जाणा, तित्थी जे सै पशु कने झूट्ठा भविष्यवक्ता बी हूणा, कने सै रात-दिन युग-युग पीड़ा च तड़फदे रैहणे।

प्रकाशितवाक्य 20:10 Referans Kwoze

मत्ती 25:41

“फेरी तिस अपणे सज्जे पासे औल़यां ने बोलणा, शापित लोको, मेरला ते चली जावा, कने सै आग्ग जे परमेशरे शैतान कने तिसरे दूतां खातर त्यार कित्तिरी, तिसा अनन्त अग्गी च जाईने पौआ।

प्रकाशितवाक्य 19:20

सै पशु कने झूट्ठे भविष्यवक्ते जो सै जे तिसरे सामणे येढ़े नशाण दस्से थे, तिन्हांरे जरिये तिने तिन्हांजो भरमाया, तिन्हां पर जे पशुये री छाप थी, कने सै जे तिसरी मूर्तियां री पूजा कराँ थे। इन्हां दुईं जो जीते जी तिसा अग्गी रिया झीला च, सै जे गन्धका ने जल़ां इ, पाये गये।

मत्ती 25:46

फेरी इन्हां बुरयां लोकां अनन्त काल री सजा भुगतणी कने धर्मी लोकां अनन्त काल री जिन्दगी पाणी।”

प्रकाशितवाक्य 20:8

कने तिस तिन्हां जातियां रे लोकां जो सै जे सारिया धरतिया पर हुणे, यनि गोग कने मगोग तिन्हांरी गिणती जे समुद्रा रे रेता रे बराबर हूणी, भरमाई ने लड़ाईया खातर कट्ठा करने जो निकलणा।

प्रकाशितवाक्य 16:13

फेरी मैं तिस अजगरा रे मुँआं ते, कने तिस पशुये रे मुँआं ते, कने तिस झूट्ठे भविष्वक्ते रे मुँआं ते, तिन्नो बुरीआत्मां जो मेनकां रे रुपा च निकल़दे देख्या।

मत्ती 7:15

“झूट्ठे भविष्यवक्तयां ते बचीने रौआ! सै तुहांले आमतौर पर भेड्डां रे रुपा च औआं यें, पर हकीकत च सै खूँखार भेड़िये सै जे लोकां पर हमला करां ये।

प्रकाशितवाक्य 9:17

मिन्जो इस दर्शणा च घोड़े कने तिन्हांरे स्वार इयां दिस्से: सै स्वार कवच पैहनीरे थे सै जे भड़कदी आग्ग, निल्ले कने पील़े रंगा रे थे। कने तिन्हां घोड़यां रे सिर शेराँ रे सिराँ साई थे; कने तिन्हांरे मुँआं ते आग्ग, कने धुआँ कने गन्धक निकल़ां था।

मरकुस 9:44

तिसा जगह पर, सारयां जो खाणे औल़े कीड़े कदीं नीं मरदे कने आग्ग कदीं नीं बुझदी।