Biblia Todo Logo
Bib sou entènèt

- Piblisite -




प्रकाशितवाक्य 2:3 - बिलासपुरी नौआं नियम

3 हऊँ जाणाँ भई तैं मेरे नौआं रे खातर धीरजा ने दुख सैया, फेरी बी तैं विश्वास नीं छड्डया।

Gade chapit la Kopi




प्रकाशितवाक्य 2:3
49 Referans Kwoze  

काँह्भई तुहांजो धैर्य रखणा जरूरी आ, ताकि परमेशरा री इच्छा जो पूरी करी सक्को कने वायदे रा ईनाम पाई सक्को।


इस वजह ते ताहली जे बौहत लोकां रे विश्वासा रियां गवाहीयें अहांजो इतणे बड्डे बद्दल़ा साई घेरीरा ओ, तां औआ, हरेक रोकणे औल़ियां चिज़ां कने उलझाणे औल़यां पापां जो दूर करीने, तिसा दौड़ा च जे अहां दौड़णा तिसाजो धैर्य ने दौड़िये।


इस खातर औआ अहें भलाई करदे कदीं मनी थक्को, काँह्भई जे अहें भलाई करदे इ रैहन्गे, तां सही बगत औणे पर अहांजो तिसरा ईनाम मिलणा।


हऊँ प्राथना कराँ भई परमेशर तुहांजो अपणी महिमा रिया सामर्था ते लगातार मजबूत करदा जाओ, ताकि तुहें धैर्य ने कने खुशिया ने अपणे दुखां जो सही सकगे।


मेरा चेला हुणे रिया वजह ते लोकां तुहांजो ये सब किछ करना, काँह्भई सै नीं जाणदे भई मिन्जो किने भेज्जिरा।


प्यार सब्बीं गल्लां जो सहन करी लेआं, सब्बीं गल्लां जो मन्नी लेआं, सब्बीं गल्लां री आशा रखां, सब्बीं गल्लां च धीरज रखां।


काँह्भई तैं मेरे धीरजा रे वचनां रा पालन कित्तिरा, इस खातर मांह बी तिज्जो परीक्षा रे तिस वगत बचाई रखणा सै जे संसारा रे रैहणे औल़यां रे परखणे खातर सारे संसारा पर औणे औल़ी।


इस खातर अब्राहम तिन्हां वायदयां जो पाणे रे खातर धैर्य ने इन्तजार करदा रैया।


तां तुहें सुस्त नीं बणने। पर तुहें तिन्हांरा अनुशरण करगे सै जे अपणे विश्वास कने धैर्य रिया वजह ने परमेशरा रे वायदयां रे बारस हुणे।


काँह्भई परमेशर अन्याई निआं भई तुहांरे काम्म, कने तिस प्यारा जो भुल्ली जाओ, सै जे तुहें तिसरे लोकां री मदद करने रे जरिये तिसरे खातर दस्या। कने परमेशर याद करगा भई तुहें हुण बी लोकां री मदद करया राँये।


अहें मेहणत कने कोशिश इस इ खातर कराँ ये भई अहांरी आशा तिस जीवते परमेशरा पर इ सै जे सब माहणुआं रा कने खास कर विश्वासियां रा छुटकारा करने औल़ा।


साथी विश्वासियो, कांहभई तुहें निराश हुई चुक्कीरे इस खातर सै जे ठीक आ तिस्सो करना मत छड्डा।


इस खातर अहें निराश नीं हुन्दे: अहांरे बाहरी शरीर कमजोर हुन्दे जाई कराँ ये, तां बी अहांरी अंतरात्मा हर रोज नौंईं त नौंईं हुन्दी जाई कराँ इ।


काँह्भई परमेशरा रिया दया ते तिसरे वचना रा प्रचार करने री सेवा अहांजो मिली, इस खातर अहें निराश नीं हुन्दे।


अपणिया आशा च खुश रौआ; परेशानियां च धैर्य रखा; कने हमेशा प्राथना करदे रौआ।


जे कोई मेरा चेला हुणे रे नाते दुख सैहणे कने मरने रे खातर बी त्यार नींआ, तां सै मेरा चेला बणने रे लायक नींआ।


हऊँ यूहन्ना, तुहांरा साथी विश्वासी आ कने यीशु मसीह रे दुख, कने राज, कने धीरजा च तुहांरे सौगी आ। हऊँ पतमुस नौआं रे टापुये च परमेशरा रे वचना कने यीशुये री गवाही देणे रिया वजह ते कैदी था।


तुहांजो सिर्फ बुद्धिमानिया ने बर्ताव करने रे बारे ची पता नीं हूणा चाहिन्दा, बल्कि तुहांजो अप्पूँजो बी काबुये च करना चाहिन्दा, तुहांजो नां सिर्फ अप्पूँजो काबुये च करना चाहिन्दा बल्कि तुहांजो परेशानिया च बी धीरज रखणा चाहिन्दा, नांई तुहांजो धीरज रखणा चाहिन्दा, बल्कि इस तरिके ने जीणा चाहिन्दा सै जे परमेशरा जो खुश कराँ।


कने ताहली जे अहें अपणे परमेशर कने पिता ने प्राथना कराँ ये तां अहें सदा तुहांरे तिन्हां कम्मां जो आद कराँ ये तिन्हांजो जे तुहें विश्वासा रिया वजह ने कराँ ये। कने तुहें साथी विश्वासियां री मदद करने खातर लगना ने काम्म कराँ ये काँह्भई तुहें तिन्हांने प्रेम कराँ ये, कने तुहें दुख सैया यें काँह्भई अहांरे प्रभु यीशु मसीह रे वापस औणे री आशा रखां ये, इन्हां सारियां गल्लां जो अहें हमेशा याद कराँ ये।


क्या सैई मसीह रे सेवक ये? हऊँ पागला साई बोलां, हऊँ त तिन्हांते बी बड्डा मसीह रा दास आ! मैं तिन्हांते बौहत कठण मेहणत कित्तिरी; हऊँ कई बार जेल्ला गया; मिन्जो अनगिणत बार कुट्टया गया, कने लगातार मिन्जो मौती रा सामना करना पैया।


इस वजह ने अहांरा मकसद येआ भई अहें प्रभुये जो खुश करदे रौ, चाये अहें प्रभुये सौगी स्वर्गा च रौ या इसा धरतिया पर रौ।


सै जे लगातार खरे कर्म करदे हुये महिमा, आदर कने अमरता रिया खोज्जा च रैं, तिन्हौं परमेशरा अनन्त जीवन देणा;


यीशुये अपणे चेलयां जो इस बारे च दस्या भई अहांजो हर बगत प्राथना करने री जरूरत इ कने निराशा च पैईने हिम्मत नीं हारनी चाहिन्दी, फेरी तिन्हांजो ये उदाहरण गलाया :


पर उपजाऊ जमीन, तिस पर जे ब्यू पौआं, सै भले मना रे, ईमानदार लोकां जो दस्सां सै जे परमेशरा रा बचन सुणां ये, कने तिस्सो अपणे जीवना च लागू करी लें, सै लगातार खरी फसल लेईने औयें।


इस खातर औआ, यहूदी रीति-रिवाजां जो छड्डिने यीशुये पर विश्वास करिये कने तिस साई दुख कने निंध्या सैईये।


सै प्राचीन जे कलीसिया रे कम्मां जो ठीक-ढंगा ने कराँ ये, विशेष करीने सै जे वचन सुनाणे कने सखाणे च मेहणत कराँ ये, सै दो गुणा आदरा रे लायक समझे जाओ।


कने किसी ले मुफ्ता च रोटी नीं खाद्दि; बल्कि अहें कड़िया मेहणता ने रात-दिन काम्म करदे रै, ताकि अहांजो अपणियां जरूरतां रे खातर तुहां चते किसी पर बि निर्भर होणा नीं पौ।


परमेशरा रा प्यार कने मसीह रे धीरजा जो समझणे खातर प्रभु तुहांरी अगुवाई करो।


काँह्भई हे भाईयो, तुहें अहांरी कड़ी मेहणता कने कठिनाईयां जो याद रखा सै जे अहें दिन-रात इस खातर किति ताकि अहें परमेशरा रिया खुशखबरिया जो सुणान्दे हुये तुहां पर बोझ नीं बणो।


मेरे सच्चे साथी सन्तुखे तेरेने बी मेरी विनती भई इन्हां जनानां री मदद करयां, ये क्लेमेंस कने मेरे दुज्जे साथियां समेत खुशखबरी फैलाणे च मेरे सौगी जुटी रियां रैईयां, तिन्हांरे नौं जे जीवना रिया कताबा च लिखिरे।


भई ताहली जे मसीह वापस औणा तां मेरा घमण्ड करने री वजह ये हूणा भई मेरी मेहणत कने मेरा प्रयास बेकार नीं हुया।


तुहांजो इक्की दूये री मदद करनी चाहिन्दी ताहली जे तुहां चते कोई दुखां च हो, इस तरिके ने तुहें मसीह री व्यवस्था जो पूरा करगे।


अहें सै काम्म जे दुज्यां कित्तिरा तिसरे बारे च घमण्ड नीं करदे, तियां जे भई अहें खुद सै काम्म कित्तिरे। पर अहांरी आशा येई भई तियां-तियां जे तुहांरा विश्वास बधदा जाणा, तियां इ तुहांरे बिच अहांरे अपणे कम्मां री सीमा बौहत बधणी,


कोड़े खान्दे हुये, जेल्लां च रैहन्दे हुये, अशान्तिया रे बिच, मेहणत करदे हुये, कईं रातीं तक बिणा सोये, उपवासा च,


त्रुफेना कने तिसारी बैहण त्रफोसा जो बी नमस्कार! सै जे दोन्नों जनानां प्रभु रिया सेवा च मेहणती सेबिकां इयां, तिन्हांजो बी मेरा नमस्कार। मेरी प्यारी भैण परसिस जो बी मेरा नमस्कार, तिसे जे प्रभु च खूब मेहणत कित्ती।


जे तुहें सब्र रखीने विश्वासा च बणीरे रैहन्गे तां तुहां सदा जीवित रैहणा।


ताहली जे सै नगरा ते बाहर जाया रां थे, तां शमौन नौवां रा इक माह्णु आस्से-पास्से रे गाँवां ते यरूशलेम नगरा च आया रां था सै कुरेनी नगरा ते था कने सै सिकन्दर कने रुफुस रा पिता था। सपाईयें तिस्सो मजबूर कित्या भई सै क्रूस चक्कीने तिसा जगह तक लेई जाओ तिसा जगह जे यीशुये जो क्रूसा पर चढ़ाया जाणा।


साथी विश्वासियो अहें तिन्हांरा आदर करने खातर तुहांजो विनती कराँ ये सै जे तुहांरे बिच कड़ी मेहणत कराँ ये, कने प्रभुये च तुहांरे अगुवे, कने तुहांजो सखांये।


इस खातर साथी विश्वासियो हऊँ तुहांजो विनती कराँ भई येढ़यां अगुवेयां रे अधीन रौआ, सै जे मेहणत कराँ ये कने सही भगतिया ने सेवा कराँ ये।


शमौने जबाब दित्या, “गुरू जी, अहें पूरी रात इस खातर कड़ी मेहणत किति, पर इक बी मच्छी नीं पकड़ी सक्के, काँह्भई जे तुहें येढ़ा बोलां ये तां तुहांरे बोलणे ते हऊँ जाल़ पाई देआं।”


Swiv nou:

Piblisite


Piblisite