प्रकाशितवाक्य 2:21 - बिलासपुरी नौआं नियम

²¹ मैं तिसाजो तिसारे व्यभिचारा ते मन फिराणे रा वगत दित्तिरा, पर सै मन नीं फिराणा चाहन्दी।

प्रकाशितवाक्य 2:21 Referans Kwoze

2 पतरस 3:9

प्रभु अपणे बायदे पूरा करने च देर नीं लगान्दा, तियां जे भई किछ लोक सोच्चां ये। बल्कि सै अहांरे प्रति धीरज रखां, काँह्भई सै नीं चाहन्दा भई कोई बी माह्णु नाश हो, पर सै त चांह भई सारे लोक पापां ते मन फिराई लो।

प्रकाशितवाक्य 16:11

कने अपणियां पीड़ां कने फोड़यां रिया वजह ते स्वर्गा रे परमेशरा री निंध्या कित्ती; पर अपणे-अपणे बुरे कम्मां ते मन फिराणे रा इन्कार कित्या।

प्रकाशितवाक्य 16:9

माहणु भयंकर गर्मिया ते झुलसिगे, कने तिन्हें परमेशर रे नौआं री निंध्या कित्ती, तिसजो जे इन्हां विपत्तियां पर अधिकार आ; कने तिन्हें मन फिराणे कने तिसरी महिमा करने ते इन्कार कित्या।

2 पतरस 3:15

अहांरे प्रभुये रे धीरजा जो इक मौके रे रुपा च समझा सै जे तुहांजो छुटकारा पाणे रे खातर देईराँ, तियां जे अहांरे प्यारे साथी विश्वासी पौलुसे बी तिसजो परमेशरा रे दित्तिरे ज्ञाना रे मुतावक तुहांजो लिखिरा।

1 पतरस 3:20

ये तिन्हां लोकां रियां आत्मां थिआं तिन्हेंजे बौहत पैहले परमेशरा रा हुक्म नीं मन्नया था ताहली जे नूँह जहाज बणाईराँ था, कने परमेशर धीरजा ने इन्तजार करया राँ था भई सै मन फिराई लो। पर येढ़ा नीं हुया कने जलप्रलय ते बाद सिर्फ आट्ठ माहणु इ बची पाये।

रोमियो 9:22

तां इसच कुण जेई हैरानिया री गल्ल इ? हलाँकि परमेशरा जो अपणा गुस्सा कने अपणी शक्ति दिखाणे रा अधिकार आ, पर सै तिन्हां लोकां सौगी बौहत धैर्य रखां तिन्हांरे ऊपर जे तिसरा गुस्सा पौआं कने सै जे विनाशा रे खातर तैह आ।