प्रकाशितवाक्य 19:7 - बिलासपुरी नौआं नियम

⁷ औआ, अहें खुश कने मगन हुईगे, कने तिसरी स्तुति करिये, काँह्भई मेमने रे ब्याह रा वगत आई गरा, कने तिसरिये दुल्हने अप्पूँजो त्यार करी लरा।

प्रकाशितवाक्य 19:7 Referans Kwoze

प्रकाशितवाक्य 21:9

फेरी तिन्हां सत्तां स्वर्गदूतां ले जे सात्त आखरी मुशीवतां ने भरीरे सात्त कटोरे थे, तिन्हां चते इक मेरले आया कने मेरने गल्लां करीने बोल्या, “येत्थी औ, मांह तिज्जो दुल्हन यनि मेमने री जनाना दसणी।”

प्रकाशितवाक्य 21:2

फेरी मैं पवित्र नगर नये यरूशलेम जो अपणे दुल्हे रे खातर त्यार दुल्हना रे रुपा च स्वर्गा ते परमेशरा रे नेड़े ते थल्ले उतरदे देख्या।

2 कुरिन्थियों 11:2

काँह्भई हऊँ तुहांरे बारे च चिन्तित आ तियां जे परमेशर चिन्ता कराँ। इस खातर मैं तुहांजो अपणे इकलौते पितिये रे रुपा च मसीह जो देणे रा वायदा कित्या था, हऊँ तुहांजो तिसरी पवित्र दुल्हना रे रुपा च देखणा चाँह।

मत्ती 22:2

“परमेशरा रा राज इक राजे साई आ तिने जे अपणे बेटे रे ब्याह च धाम दित्ति।

प्रकाशितवाक्य 19:9

फेरी स्वर्गदूते मेरने गलाया, “ये लिख, भई आशीषित सै ये, तिन्हौं जे मेमने रे ब्याह रिया धाम्मा च सद्दया गया।” फेरी तिने मेरने गलाया, “ये वचन परमेशरा रे सच्चे वचन ये।”

इफिसियां 5:32

ये इक बौहत गैहरा भेत आ; पर ये हऊँ मसीह कने कलीसिया रे बारे च बोलां।

यूहन्ना 3:29

लाड़ा-लाड़ी ब्याह करी लें; पर लाड़े रा मित्र खड़ा हुआं कने तिसजो सुणां, कने सै लाड़े रिया अवाज़ा ते बड़ा खुश हुआं: मेरी खुशी येढ़ि ही हाई कने हुण सै पूरी हुई।

इफिसियां 5:23

काँह्भई पति पत्निया रा सिर आ, तियां जे भई मसीह कलीसिया रा सिर आ, कने सै खुद इस कलीसिया रा छुटकारा करने औल़ा हया, सै जे तिसरा शरीर आ।

लूका 12:36

कने तिन्हां लोकां साई बणा सै जे ब्याह री धाम्मा ते वापस औंदे अपणे मालका रा इन्तजार करया दे ओ, भई सै ब्याह ते वापस आओ कने दरवाजा खड़काये, तां सै इकदम तिस खातर दरवाजा खोल्ली सक्को।

फिलिप्पियां 3:3

काँह्भई सच्चे खतने औल़े माहणु त अहें सै जे परमेशरा रिया आत्मा री अगवाईया ते अराधना कराँ ये कने मसीह यीशुये पर गर्व कराँ ये, कने अपणिया मेहणता पर भरोसा नीं रखदे।

मत्ती 1:20

पर ताहली जे यूसुफ इस बारे च सोच्ची कराँ था, तां परमेशरा रा इक दूत सपने च तिसरे सामणे आया कने तिसने बोलणे लगया, “ओ यूसुफ! तू सै जे दाऊद राजे रे खानदाना ते आ, मरियमा जो अपणी घरा औल़ी बनाणे ते मत डर, काँह्भई सै बच्चा जे तिसारे पेट्टा चा सै पवित्र आत्मा रिया सामर्था ते आ।

प्रकाशितवाक्य 11:13

फेरी तिस इ वगत इक बड्डा हिलण हुआ, कने नगरा रा दसवां हिस्सा टिरीग्या; तिस हिलणा ते सात्त हज़ार माहणु मरीगे, कने बाकी बचीरे लोक डरीगे कने स्वर्गा रे परमेशरा री महिमा कित्ती।