प्रकाशितवाक्य 17:16 - बिलासपुरी नौआं नियम

¹⁶ कने सै जे दस सिंग तैं देक्खे, सै होर पशु तिसा वैश्या ते नफरत करगे, तिन्हां तिसाजो लाचार कने नंगा करी देणा कने तिसरा मांस खाई जाणा कने तिसाजो अग्गी च फुकी देणा।

प्रकाशितवाक्य 17:16 Referans Kwoze

प्रकाशितवाक्य 18:8

इस वजह ते इक इ दिन तिसा परा विपत्तियां आई जाणियां, यनि मौत, बिलाप, कने नकाल़; सै अग्गी च भस्म करी दित्ति जाणी, काँह्भई प्रभु परमेशर सै जे तिसारा न्यायकर्ता शक्तिमान आ।

प्रकाशितवाक्य 18:19

कने अपणे-अपणे सिरा पर धूल पान्गे, कने ऊच्चिया अवाज़ा च रोन्दे हुये कने बिलखदे हुये रड़ाई-रड़ाईने बोलणा, ‘लाणत! लाणत! ये बड्डा नगर तिसारिया धन-दौलता रिया वजह ने जे समुद्रा रे सारे जहाजा रे मालक अमीर हुईगरे थे; इक्की घण्टे च तिसरा सब किछ बर्बाद हुईग्या।’

प्रकाशितवाक्य 19:18

ताकि तुहें राजयां, प्रधानां, कने ताकतवर लोकां, घोड़यां, तिन्हांरे स्वाराँ कने सब तरह रे लोक; क्या अजाद, गुलाम, छोट्टयां कने बड्डयां रा माँस खाई सक्को।”

प्रकाशितवाक्य 17:10

कने सै सात्त राजा बी ये, तिन्हां चते पांज मरी चुक्कीरे, इक राज करी रां, कने इक हूणा तक नीं आईरा; पर ताहली जे सै औणा, तिस सिर्फ किछ बगता खातर राज करना।

प्रकाशितवाक्य 16:12

फेरी छेऊंये स्वर्गदूते जाईने अपणा कटोरा महानदी फरात पर लटीत्या, कने तिसरा पाणी सुक्की गया, ताकि पूरब दिशा रे राजयां खातर रस्ता त्यार हुईजो।

प्रकाशितवाक्य 12:3

इक होर नशाण स्वर्गा च दिख्या; इक बड्डा जेआ लाल रंगा रा अजगर था, तिसरे सात्त सिर कने दस सिंग थे, कने सारयां सिराँ पर इक-इक मुकट था।