प्रकाशितवाक्य 17:1 - बिलासपुरी नौआं नियम

¹ तिन्हां सत्तां स्वर्गदूतां ले जे सै सात्त कटोरे थे, तिन्हां चते इक्की आईने मेरने ये गलाया, “इतखा औ, हऊँ तिज्जो तिसा बड्डी वेश्या री सजा दसगा सै जे बौहत सारे पाणिये रे ऊपर बैठीरी।

प्रकाशितवाक्य 17:1 Referans Kwoze

प्रकाशितवाक्य 19:2

काँह्भई तिसरे न्याय सच्चे कने ठीक ये, इस खातर भई तिने तिसा बड्डिया वेश्या रा न्याय कित्या, सै जे सारिया धरतिया जो अपणे व्यभिचारा ने गुमराह कराँ थी, कने तिसाते अपणे दास्सां रे खून्ना रा बदला लित्या।”

प्रकाशितवाक्य 16:19

इसते तिस बड्डे नगरा रे तिन्न टुकड़े हुईगे, कने जाति-जाति रे नगर नाश हुईगे। परमेशरे बड्डे नगर बेबीलोन जो याद कित्या, ताकि तिसरे गुस्से री मदिरा बेबीलोन रे लोकां जो प्याई जाओ।

प्रकाशितवाक्य 21:9

फेरी तिन्हां सत्तां स्वर्गदूतां ले जे सात्त आखरी मुशीवतां ने भरीरे सात्त कटोरे थे, तिन्हां चते इक मेरले आया कने मेरने गल्लां करीने बोल्या, “येत्थी औ, मांह तिज्जो दुल्हन यनि मेमने री जनाना दसणी।”

प्रकाशितवाक्य 15:1

फेरी मैं स्वर्गा च इक होर बड्डा कने अदभुत नशाण देख्या, यनि सात्त स्वर्गदूत तिन्हांले जे सत्तों आखरी मुशीवतां थिआं, काँह्भई तिन्हांरे हुई जाणे पर परमेशरा रे गुस्से रा अन्त आ।

प्रकाशितवाक्य 21:15

सै जे स्वर्गदूत मेरे सौगी गल्लां करीराँ था, तिसले नगर कने तिसरे फाटकां कने तिसरी शहरपनाह जो नापणे रे खातर इक सोने रा गज था।

प्रकाशितवाक्य 4:1

इन्हां गल्लां ते बाद ताहली जे मैं इक होर दर्शण देख्या, तां क्या देक्खां भई स्वर्गा च इक दरवाजा खुल्हीरा, कने तिस्सो जे मैं पैहले तुरहिया री अवाज़ा साई अप्पूँ ने गल्लां करदे सुणया था, सैई मेरने बोलां, “येत्थी ऊपर आई जा; कने मांह तिज्जो सै गल्लां दसणियां, तिन्हांरा जे इन्हां गल्लां ते बाद हूणा जरूरी आ।”

लूका 24:32

फेरी सै चेले अप्पूँ चियें बोलणे लगे, “तां जे सै रस्ते च अहांने गल्लां कराँ था; कने पवित्रशास्त्रा रा मतलब समझां था, तां क्या अहांरे दिला च आग्ग जेई नीं भड़की जान्दी थी?”

लूका 9:30

फेरी दो माहणु मूसा कने एलिय्याह ऊथी परगट हुये कने यीशुये ने गलाणे लगे।

प्रकाशितवाक्य 1:1

यीशु मसीह रा प्रकाशन, सै जे परमेशरे तिस्सो इस खातर दित्या ताकि सै अपणे सेवकां जो तिन्हां गल्लां जो दिखाओ, तिन्हांरा जे जल्दी हुणे रे खातर परमेशरे तैह कित्तिरा। यीशु मसीहे अपणा स्वर्गदूत भेज्जीने इन्हौं अपणे सेवक यूहन्ने जो दस्या,

प्रकाशितवाक्य 18:1

“इन्हां गल्लां ते बाद मैं इक्की होर स्वर्गदूता जो स्वर्गा ते उतरदे हुये देख्या, तिस्सो जे बड्डा अधिकार मिलीरा था; कने तिसरे तेजा ते धरती चमकीगी।

प्रकाशितवाक्य 19:9

फेरी स्वर्गदूते मेरने गलाया, “ये लिख, भई आशीषित सै ये, तिन्हौं जे मेमने रे ब्याह रिया धाम्मा च सद्दया गया।” फेरी तिने मेरने गलाया, “ये वचन परमेशरा रे सच्चे वचन ये।”