प्रकाशितवाक्य 15:6 - बिलासपुरी नौआं नियम

⁶ कने सै सत्तों स्वर्गदूत तिन्हांले जे सत्तों मुशीवतां थिआं मलमला रे साफ कपड़े पैहनीने कने छातिया पर सोने री पट्टी बन्हीने मन्दरा ते निकल़े।

प्रकाशितवाक्य 15:6 Referans Kwoze

प्रकाशितवाक्य 1:13

कने तिन्हां सात्त दीपदान्नां रे बिच माहणुये साई इक प्राणिये जो देख्या, तिने जे पैराँ तक कपड़ा पैहनीरा था, कने छातिया पर सोने री पट्टी बन्हीरा थी।

प्रकाशितवाक्य 15:1

फेरी मैं स्वर्गा च इक होर बड्डा कने अदभुत नशाण देख्या, यनि सात्त स्वर्गदूत तिन्हांले जे सत्तों आखरी मुशीवतां थिआं, काँह्भई तिन्हांरे हुई जाणे पर परमेशरा रे गुस्से रा अन्त आ।

प्रकाशितवाक्य 14:15

फेरी इक होर स्वर्गदूत स्वर्गा रे मन्दरा चते निकल़ीने तिसने सै जे बद्दल़ां पर बैठिरा था, जोरा रिया अवाज़ा च हाक्क पाईने गलाया, “अपणी डाटी लईने फसल लुणि लै, काँह्भई फसला लुणने रा वगत आई पुज्जीरा इस खातर धरतिया री खेती पक्की चुक्कीरी।”

लूका 24:4

ताहली जे सै परेशानिया च पैई गियां, तां देक्खा, दो माहणु लोई साई चमकदे कपड़े पैहनीरे तिन्हाले आईने खड़ीगे।

प्रकाशितवाक्य 14:17

फेरी इक होर स्वर्गदूत स्वर्गा रे मन्दरा चते बाहर निकल़या, तिसरे हत्था च बी इक तेज़ डाटी थी।

प्रकाशितवाक्य 19:8

पैहनणे रे खातर तिस्सो अच्छिया किस्मा री साफ कने चमकदी मलमल दित्ति गई, काँह्भई अच्छिया किस्मा री मलमल रा मतलब परमेशरा रे लोकां रे धर्मा रे काम्म ये।”