प्रकाशितवाक्य 14:8 - बिलासपुरी नौआं नियम

⁸ फेरी इसते बाद इक होर दुज्जा स्वर्गदूत ये बोलदा हुआ आया, “टिरीग्या, सै बड़ा बेबीलोन नगर टिरी गया, काँह्भई तिसे अपणे व्यभिचारा री तिखी मदिरा सब्बीं जातियां जो प्याईरी।”

प्रकाशितवाक्य 14:8 Referans Kwoze

प्रकाशितवाक्य 16:19

इसते तिस बड्डे नगरा रे तिन्न टुकड़े हुईगे, कने जाति-जाति रे नगर नाश हुईगे। परमेशरे बड्डे नगर बेबीलोन जो याद कित्या, ताकि तिसरे गुस्से री मदिरा बेबीलोन रे लोकां जो प्याई जाओ।

प्रकाशितवाक्य 11:8

तिन्हांरियां लाशां तिस बड्डे नगरा री गल़िया च पई रियां रैहणियां, सै जे प्रतीक तौर पर सदोम नगर कने मिस्र देशा साई आ; तित्थी जे तिन्हांरा प्रभु क्रूसा पर चढ़ाया गईरा था।

प्रकाशितवाक्य 19:2

काँह्भई तिसरे न्याय सच्चे कने ठीक ये, इस खातर भई तिने तिसा बड्डिया वेश्या रा न्याय कित्या, सै जे सारिया धरतिया जो अपणे व्यभिचारा ने गुमराह कराँ थी, कने तिसाते अपणे दास्सां रे खून्ना रा बदला लित्या।”

प्रकाशितवाक्य 17:18

सै औरत, तिसौ जे तैं देखीरा, सै बड्डा नगर आ सै जे इसा धरतिया रे राजयां पर राज कराँ।