प्रकाशितवाक्य 14:5 - बिलासपुरी नौआं नियम

⁵ कने तिन्हांरे मुँआ ते कदीं झूट्ठ नीं निकल़या था, सै निर्दोष ये।

प्रकाशितवाक्य 14:5 Referans Kwoze

इफिसियां 5:27

इस तरिके ने सै कलीसिया जो इक येढ़ि चमचमाती दुलहना रे रुपा च अपणे खातर प्रस्तुत करी सक्कां सै जे निष्कलंक हो, झुरियां ते बगैर हो, या तिसच येढ़ि होर कोई कमी नीं हो, बल्कि सै पवित्र कने निर्दोष हो।

यहूदा 1:24

परमेशर तुहांजो रुढ़णे ते बचाणे च सक्षम आ, सै तुहांजो निर्दोष कने आनन्द दायक बनाणे च सक्षम आ, ताहली जे सै तुहांजो अपणिया महिमा च तिसरे सामणे खड़ा हुणे खातर ल्यौआं। तिने अहांरे प्रभु यीशु मसीह रे जरिये अहांरा छुटकारा कित्तिरा। महिमा, गौरव, प्राक्रम कने अधिकार वगता रे शुरु ते तिसरा इ हाया कने हुण बी तिसरा इ हाया कने जुगां-जुगां तक तिसरा इ रैहणा। आमीन।

यूहन्ना 1:47

यीशुये नतनएला जो अपणी तरफ औन्दे देखीने तिसरे बारे च गलाया, “येआ इक सच्चा इस्राएली वंशज तिस्च जे कोई खोट निआं।”

कुलुस्सियां 1:22

पर तां जे मसीह अपणे संसारिक शरीरा च था, तां मसीह रिया मौती रे जरिये हुण परमेशरे तुहांरा बी मेल करी लरा, ताकि तुहांजो अपणे सामणे पवित्र, निष्कलंक, कने निर्दोष बणाईने हाजर करो।

लूका 23:4

फेरी पिलातुस मुखियायाजकां कने लोकां खा मुड़ीने गलाया, “मिन्जो इस माहणुये च कोई बी दोष नीं दिखदा।”

1 पतरस 3:10

काँह्भई पवित्रशास्त्र बोलां, “सै जे कोई अपणिया जिन्दगिया री मौज लेणा चांह कने अच्छे दिन देखणा चांह, सै अपणिया जीभा जो बुराईया ते, कने होंठां जो झूट्ठा ते बचाओ।

मत्ती 12:34

तुहें जहरीले सप्पा रे बच्चयां साई ये, तां जे तुहें बुरे तां खरियां गल्लां कियां बोल्ली सक्कां ये? काँह्भई सै जे मना च भरोईरा, सैई मुँआं ते निकल़ां।

इब्रानियों 9:14

तां मसीह रा खून तिने जे अप्पूँजो अनन्त आत्मा रे जरिये परमेशरा रे सामणे निर्दोष बल़िया रे रुपा च चढ़ाया, तां अहां रिया अन्तरात्मा जो पापी कम्मां ते काँह नीं शुद्ध करगा? ताकि अहें जिऊंदा परमेशरा री सेवा करी सक्को।

1 पतरस 1:19

पर निर्दोष कने कलंक रहित मेमने यनि मसीह रे कीमती खून्ना ते हुई।

1 पतरस 2:22

पवित्रशास्त्र बोलां, मसीहे कदी कोई पाप नीं कित्या, कने तिने कदीं कोई झूठ नीं बोल्या।