प्रकाशितवाक्य 14:3 - बिलासपुरी नौआं नियम

³ कने सै संघासणा रे सामणे कने चऊँ जिऊंदे प्राणियां कने प्राचीनां रे सामणे मन्नो इक नया गीत गाया राँ थे, कने सै जे धरतिया ते कीमत देईने छडवाईरे थे, तिन्हां इक लाख चौताली हज़ार लोकां जो छड्डिने कोई तिस गीता जो सिक्खी नीं सकदा था।

प्रकाशितवाक्य 14:3 Referans Kwoze

प्रकाशितवाक्य 5:9

कने सै ये नया गीत गाणे लगे भई, “तू इसा कताबा जो लेणे, कने इस रियां सीलां खोलणे लायक आ; काँह्भई तैं बध हुईने अपणे खून्ना ने हरेक कुल़, भाषा, लोक कने जातियां चते परमेशरा खातर लोकां जो खरीदी लरा,

प्रकाशितवाक्य 14:1

फेरी मैं देख्या भई सै मेमना सिय्योन पहाड़ा पर खढ़िरा, कने तिस सौगी इक लाख चौताली हज़ार लोक थे, तिन्हांरे मत्थे पर मेमने रा कने तिसरे पिता रा नौं लिखिरा था।

प्रकाशितवाक्य 15:3

कने सै परमेशर रे दास मूसा रा गीत, कने मेमने रा गीत गां थे, “हे सर्वशक्तिमान प्रभु परमेशर, तेरे काम्म महान कने अदभुत ये; हे युग-युग रे राजा, तेरी चाल ठीक कने सच्ची।”

प्रकाशितवाक्य 2:17

सै जे मेरी गल्ल समझणा चाँह सै ध्यान देईने सुणो, भई परमेशरा रा आत्मा कलीसियां ने क्या बोलणा चांह। सै जे जय पाओ, तिस्सो मांह गुप्त मन्ने चते देणा कने तिस्सो इक सफेद पत्थर बी देणा कने तिस पत्थरा पर इक नौं लिखिरा हूणा, तिसजो जे पाणे औल़े ते इलावा होर कोई नीं जाणी पांगा।”

1 कुरिन्थियों 2:14

पर तिस माहणुये ले जे पवित्र आत्मा नींआ सै परमेशरा रे आत्मा रियां गल्लां ग्रहण नीं करदा, काँह्भई सै तिसरियां नज़राँ च मूर्खता रियां गल्लां इयां, कने सै तिन्हांजो नीं जाणी सक्कां, काँह्भई तिन्हांरी परख आत्मिक रितिया ने हुआं इ।

1 कुरिन्थियों 1:18

काँह्भई क्रूसा रा सन्देश नाश हुणे औल़यां रे खातर मूर्खता इ, पर अहां छुटकारा पाणे औल़यां रे खातर ये परमेशरा री सामर्थ इ।

प्रकाशितवाक्य 7:4

तिन्हां पर जे सील लाईती, मैं तिन्हांरी गिणती सुणी, भई इस्राएल रियां सन्तानां रे सब्बीं गोत्रा चते इक लाख चौताली हज़ार पर मोहर लाई गई: