प्रकाशितवाक्य 14:12 - बिलासपुरी नौआं नियम

¹² इस खातर ये जरूरी आ भई परमेशरा रे लोकां जो धीरज रखणा चाहिन्दा, सै जे परमेशरा रे हुक्मा जो मन्नांये कने प्रभु यीशुये पर विश्वास रखां ये।

प्रकाशितवाक्य 14:12 Referans Kwoze

प्रकाशितवाक्य 13:10

तिस्सो जे कैदी हुणे रे खातर तैह कित्या गया, सै जेल्ला च पाया जाणा; तिस्सो जे तलवारा ने मरने खातर तैह कित्या गया, जरूर सै तलवारा ने मारया जाणा। इसरा मतलब परमेशरा रे लोकां जो ईमानदारिया ने सैहण करना चाहिन्दा।

प्रकाशितवाक्य 12:17

फेरी अजगरा जो जनाना पर गुस्सा आया कने तिसारियां बाकी औल़ादां ते लड़ने जो गया, सै जे परमेशर रे हुक्मा जो मन्नां ये कने यीशुये री सही शिक्षां पर अटल ये।

प्रकाशितवाक्य 3:10

काँह्भई तैं मेरे धीरजा रे वचनां रा पालन कित्तिरा, इस खातर मांह बी तिज्जो परीक्षा रे तिस वगत बचाई रखणा सै जे संसारा रे रैहणे औल़यां रे परखणे खातर सारे संसारा पर औणे औल़ी।

प्रकाशितवाक्य 3:8

हऊँ तेरे कम्मां जो जाणाँ; देख, मैं तेरे सामणे इक दरवाजा खोल्हीरा, तिस्सो जे कोई बन्द नीं करी सकदा। हऊँ जाणाँ भई तेरी सामर्थ थोड़ी, फेरी बी तैं मेरे वचनां रा पालन कित्तिरा कने मेरे नौआं रा इन्कार नीं कित्या।

2 तिमुथियुस 4:7

मैं मसीह रे खातर कड़ी मेहणत कित्तिरी तियां जे भई मैं ठीक ढंगा ने कुश्ती लड़ीरी कने हऊँ सै काम्म पूरा करी चुक्कीरा सै जे यीशु मसीह मिन्जो करने खातर दित्या कने हऊँ आखिर तक बफादार रैया।

1 यूहन्ना 2:3

जे अहें परमेशरा रे हुक्मा रा पालन करगे, येई सै रस्ता तिसते जे अहांजो निश्चा भई अहांरा तिसने अच्छा सम्बन्ध आ।

प्रकाशितवाक्य 2:13

हऊँ येत जाणाँ, भई तू ओत्थी रैआं तित्थी जे शैतान राज कराँ; कने तू मांह पर लगातार मजबूतिया ने विश्वास कराँ कने तैं तिन्हां दिनां च बी मांह पर विश्वास करना नीं छड्डया, ताहली जे मेरा बफादार गवाह अन्तिपास तिसा जगह मारया गया, तित्थी जे शैतान वास कराँ।