प्रकाशितवाक्य 13:3 - बिलासपुरी नौआं नियम

³ मैं तिसरे सिराँ चते इक्की सिरा पर बड्डा जख्म देख्या, येढ़ा लगया सै मरने औल़ा; फेरी तिसरा जानलेवा जख्म ठीक हुईग्या, कने सारी धरतिया रे लोक हैरान हुईने इस पशुये जो मनणे लगीगे।

प्रकाशितवाक्य 13:3 Referans Kwoze

प्रकाशितवाक्य 17:8

सै पशु जे तैं देख्या, ये पैहले त था, पर हुण निआं; सै अथाह कुण्डा ते निकल़ीने विनाशा च पैई जाणा। धरतिया रे रैहणे औल़े तिन्हांरे नौं जे संसारा रिया सृष्टिया रे वगता ते जीवना रिया कताबा च नीं लखोईरे, सै इस पशुये री ये दशा देखीने चम्भा करगे, काँह्भई सै पैहले था कने हुण नींआ, पर औणे औल़ा।

प्रकाशितवाक्य 13:14

तिन्हां चमत्काराँ रिया वजह ते, तिन्हौं जे तिस पशुये रे सामणे दसणे रा अधिकार तिस्सो मिलीरा था, सै धरतिया पर रैहणे औल़यां जो इस तरिके ने धोखा देआं था। सै तिन्हांजो ये हुक्म देआं था भई तिस पशुये री मूर्ति बणावा, तिसरे शरीरा पर जे तलवारा रा घाव था कने सै जे फेरी भीं जिऊंदा हुईगरा था।

प्रकाशितवाक्य 17:17

काँह्भई परमेशरे अपणे मकसदा जो पूरा करने खातर तिन्हांजो इक मन दित्या, ताकि तदुआं तक जे परमेशरा री बोल्ली री गल्ल पूरी नीं हुईजो तदुआं तक इक मन हुईने अपणा-अपणा राज पशुये जो देई देआ।

प्रकाशितवाक्य 17:10

कने सै सात्त राजा बी ये, तिन्हां चते पांज मरी चुक्कीरे, इक राज करी रां, कने इक हूणा तक नीं आईरा; पर ताहली जे सै औणा, तिस सिर्फ किछ बगता खातर राज करना।

प्रकाशितवाक्य 17:13

इन्हां राजयां रा इक इ मकसद आ; तिन्हां अपणी सामर्थ कने अधिकार पशुये जो देणा।

प्रकाशितवाक्य 13:12

ये तिस पैहले पशुये रा सारा अधिकार तिसरे सामणे कम्मां च ल्यौआं था; कने धरती कने तिसरे रैहणे औल़यां ते तिस पैहले पशुये री, तिस राजे खतरनाक जख्म ठीक हुई चुक्कीरा था, पूजा कराँ था।

प्रेरितां 8:13

तां शमौने अपणे आप बी फिलिप्पुसा रे सन्देशा पर विश्वास कित्या कने बपतिस्मा लईने फिलिप्पुसा ने सौगी रैहणे लगया। सै चमत्कारी नशाण कने बड़े-बड़े सामर्था रे काम्म हुंदे देखीने हैरान हुआं था।

लूका 2:1

जिस बगत रोम देशा रा बादशाह औगस्तुस था, तिस बगत तिने ये हुक्म दित्या भई तिसरे राज्जा च औणे औल़े सारे लोकां री गिणती करीने तिन्हारे नौं लिखे जायें।

प्रकाशितवाक्य 17:6

मैं तिसा औरता जो परमेशरा रे लोकां कने यीशुये रे गवाहां रा खून पीणे ते मतवाली हुईरी देख्या; कने ताहली जे मैं तिसाजो देख्या हऊँ हैरान हुईग्या।

यूहन्ना 12:19

तां फरीसी अप्पूँ चियें बोलणे लगे, “सोच्चा अहें किछ मनी करी सकदे। देक्खा, संसारा रे सारे लोक इसरे इ पिच्छे चली परे।”

प्रकाशितवाक्य 17:11

सै पशु जे पैहले था, कने हुण निआं, सै खुद अठवां राजा; कने तिन्हां सत्तां चते इक आ, सै जे नाश हुणे औल़ा।