प्रकाशितवाक्य 13:2 - बिलासपुरी नौआं नियम

² सै पशु जे मैं देख्या, सै इक चीते साई था; कने तिसरे पैर भालुये साई, कने मुँह शेरा साई था। अजगरे इस पशुये जो अपणी सामर्थ, कने अपणा सघासण, कने बड्डा अधिकार तिसजो देईत्या।

प्रकाशितवाक्य 13:2 Referans Kwoze

प्रकाशितवाक्य 20:2

कने तिने तिस अजगरा, यनि पुराणे सर्पा जो, सै जे इबलिश या शैतान आ; पकड़ीने इक हज़ार साल्लां तक बन्हीत्या।

प्रकाशितवाक्य 17:12

दस सिंग सै जे तैं देखीरे, सै दस राजा ये तिन्हौं जे हुण तक राज नीं मिलीरा, पर इन्हां राजयां जो इक्की घण्टे रे खातर पशुये सौगी राजयां साई राज करने रा अधिकार मिलणा।

प्रकाशितवाक्य 12:9

कने बड्डा अजगर यनि सैई पुराणा सर्प तिस्सो जे इबलिश कने शैतान बोलां ये कने सै जे सारे संसारा रा भरमाणे औल़ा। सै धरतिया पर तिसरे दूतां समेत सट्टि दित्या गया।

1 पतरस 5:8

खुद अप्पूँजो काबुये च रखा कने सावधान रौआ, काँह्भई तुहांरा दुश्मण शैतान हुरन्गदे हुये शेरा साई इसा तलाशा च रैयां, भई किस जो अपणा शिकार बणाये।

प्रकाशितवाक्य 19:20

सै पशु कने झूट्ठे भविष्यवक्ते जो सै जे तिसरे सामणे येढ़े नशाण दस्से थे, तिन्हांरे जरिये तिने तिन्हांजो भरमाया, तिन्हां पर जे पशुये री छाप थी, कने सै जे तिसरी मूर्तियां री पूजा कराँ थे। इन्हां दुईं जो जीते जी तिसा अग्गी रिया झीला च, सै जे गन्धका ने जल़ां इ, पाये गये।

प्रकाशितवाक्य 13:4

तिन्हें अजगरा री पूजा कित्ती, काँह्भई तिने पशुये जो अपणा अधिकार देईत्या था, कने ये बोल्लीने पशुये री पूजा कित्ती, “इस पशुये साई कुण आ? कुण इसने लड़ी सक्कां?”

प्रकाशितवाक्य 12:15

फेरी सर्पे औरता रे सामणे अपणे मुँआं ते नदिया साई पाणी बगाया ताकि तिसाजो इसा नदिया च हड़ाई दो।

प्रकाशितवाक्य 12:13

ताहली जे अजगरे देख्या भई हऊँ धरतिया परा सटी तरा, तां सै तिसा औरता जो तिसे जे बालका जो जणया था, सताणे लगया।

प्रकाशितवाक्य 16:10

फेरी पंजवें स्वर्गदूते जाईने कटोरा तिस पशुये रे संघासणा पर लटीत्या, कने तिसरे राज्जा पर अन्धेरा छाई गया। कने लोक पीड़ा रे मारे अपणी-अपणी जीभ चबाणे लगे,

2 तिमुथियुस 4:17

पर प्रभुये मेरा साथ दित्या कने मिन्जो सामर्थ दित्ति, ताकि मेरे जरिये साफ तौर पर खुशखबरिया रा प्रचार हुई सक्को कने सब अन्यजातियां रे लोक सुणी सक्को; कने प्रभुये मिन्जो मौती ते बचाया।

प्रकाशितवाक्य 2:13

हऊँ येत जाणाँ, भई तू ओत्थी रैआं तित्थी जे शैतान राज कराँ; कने तू मांह पर लगातार मजबूतिया ने विश्वास कराँ कने तैं तिन्हां दिनां च बी मांह पर विश्वास करना नीं छड्डया, ताहली जे मेरा बफादार गवाह अन्तिपास तिसा जगह मारया गया, तित्थी जे शैतान वास कराँ।

प्रकाशितवाक्य 13:12

ये तिस पैहले पशुये रा सारा अधिकार तिसरे सामणे कम्मां च ल्यौआं था; कने धरती कने तिसरे रैहणे औल़यां ते तिस पैहले पशुये री, तिस राजे खतरनाक जख्म ठीक हुई चुक्कीरा था, पूजा कराँ था।