प्रकाशितवाक्य 13:17 - बिलासपुरी नौआं नियम

¹⁷ ताकि तिस पर जे ये छाप यनि तिस पशुये रा नौं या अंक हो, सैई लेण-देण करी पाओ, जबकि होर कोई बगैर इसा छापा ते लेण-देण नीं करी पाओ।

प्रकाशितवाक्य 13:17 Referans Kwoze

प्रकाशितवाक्य 15:2

फेरी मैं अग्गी च मिस्से शीशे साई इक समुद्र देख्या; सै लोक जे तिस पशुये पर कने तिसरिया मूर्तिया पर, कने तिसरे नौंआं रे अंका पर जयवन्त हुये थे, तिन्हांजो तिस कच्चा रे समुद्रा ले परमेशर रियां वीणां जो लईने खढ़िरे देख्या।

प्रकाशितवाक्य 14:11

तिन्हां रिया पीड़ा रा धुआं युग-युग उठदा रैहणा, कने सै लोक जे तिस पशुये कने तिसरिया मूरता री पूजा करगे कने तिसरे नौआं री छाप लेंगे, तिन्हांजो रात-दिन चैन नीं मिलणा।”

प्रकाशितवाक्य 13:16

तिने छोट्टे-बड्डे, अमीर-गरीब, अजाद-गुलाम, सब्बीं रे सज्जे हत्था या मत्थे पर इक-इक छाप लगवाणे पर मजबूर कित्या,

प्रकाशितवाक्य 22:4

तिन्हां तिसरा मुँह देखणा, कने तिसरा नौं तिन्हांरे मत्थे पर लिखिरा हूणा।

प्रकाशितवाक्य 14:9

फेरी इन्हांते बाद इक होर, तिज्जा स्वर्गदूत ऊच्चिया अवाज़ च ये बोलदा हुआ आया, “सै जे कोई तिस पशुये कने तिसरिया मूर्तिया री पूजा करो, कने अपणे मत्थे या अपणे हत्था पर तिसरी छाप लाओ,

प्रकाशितवाक्य 13:18

इसरे खातर ज्ञान जरूरी आ: तिसच जे समझ इ सै तिस पशुये रा अंक जोड़ी लो, काँह्भई सै माहणुआं रा अंक आ, कने तिसरा अंक छे सौ छयाह्ट आ।

प्रकाशितवाक्य 3:12

सै जे जय पाओ तिस्सो मांह अपणे परमेशरा रे मन्दरा च इक खम्भा बनाणा, तित्थी ते तिस कदीं बाहर नीं निकल़णा। कने मांह अपणे परमेशर रा नौं कने अपणे परमेशर रे नगर यनिके नये यरूशलेम रा नौं, सै जे मेरे परमेशरा रिया तरफा ते स्वर्गा ते उतरने औल़ा, कने मांह अपणा नया नौं बी तिस पर लिखणा।

प्रकाशितवाक्य 17:5

तिसरे मत्थे पर ये नौं लिखिरा था; “भेत बड्डा बेबीलोन, धरतिया रियां वैश्यां कने गन्दियां चिज़ां री मौ।”

गलातियां 6:17

चिट्ठिया जो खत्म करदे हुये हऊँ तुहांजो विनती कराँ भई हुण मिन्जो कोई होर दुख मता देन्दे, काँह्भई सै दाग जे मेरे शरीरा पर ये सै ये दस्सां ये भई हऊँ यीशुये रा दास आ।

प्रकाशितवाक्य 7:3

“तदुआं तका जे अहें अपणे परमेशरा रे दास्सां रे मत्थे पर सील नीं लाई लेईये, तदुआं तक धरती कने समुद्र कने डाल़ां रा नुक्शान नीं करना।”

प्रकाशितवाक्य 20:4

फेरी मैं संघासण देक्खे, कने तिन्हां पर सै जे लोक बैठिरे थे तिन्हांजो न्याय करने रा अधिकार दित्या गया। कने मैं तिन्हांरियां आत्मां जो बी देख्या तिन्हांरे सिर जे यीशुये री गवाही देणे कने परमेशरा रे वचनां रिया वजह ते धड़ा ते लग कित्ते गईरे थे। तिन्हें पशु या मूर्तियां री पूजा नीं कित्ती थी, नांई अपणे मत्थे कने हत्था पर तिसरी छाप लई थी। सै जिऊंदा हुईने मसीह ने सौगी हज़ार साल्लां तक राज करदे रै।