प्रकाशितवाक्य 12:4 - बिलासपुरी नौआं नियम

⁴ तिने अपणिया फूंटिया ने अम्बरा रे तारयां रा इक तिहाई खिंज्जी ने धरतिया परा सट्टीत्या। सै अजगर तिसा औरता रे सामणे खड़ा हुईग्या सै जे बच्चे जो जणने औल़ी थी, ताकि ताहली जे सै बच्चा जणे तां अजगर बच्चे जो खाई सक्को।

प्रकाशितवाक्य 12:4 Referans Kwoze

प्रकाशितवाक्य 12:9

कने बड्डा अजगर यनि सैई पुराणा सर्प तिस्सो जे इबलिश कने शैतान बोलां ये कने सै जे सारे संसारा रा भरमाणे औल़ा। सै धरतिया पर तिसरे दूतां समेत सट्टि दित्या गया।

यूहन्ना 8:44

तुहें अपणे पिता शैतान्ना री सन्तान ये कने अपणे पिता रियां इच्छां जो पूरा करना चाँये। सै त शुरु ते खूनी आ कने तिने कदीं सच्चाईया रा पक्ष नीं लेआ, काँह्भई सच्च तिसच हाया इ निआं। झूट्ठ बोलणा त तिसरे स्वाभावा ची हाया; काँह्भई सै झूट्ठा कने सारयां झूट्ठां जो जन्म देणे औल़ा पिता।

प्रकाशितवाक्य 9:19

तिन्हां घोड़यां री ताकत तिन्हांरे मुँआं कने फूंटिया च थी; काँह्भई तिन्हांरी फूंट सर्पां साई थी, तिन्हां च जे सिर थे; इन्हां तेई सै पीड़ देआं थे।

प्रकाशितवाक्य 9:10

तिन्हांरी फूंटी बिच्छुआं साई थी, तिन्हां च येढ़े डंग थे, तिन्हां डंगा ते लोकां जो पँज्जां महीनयां तका पीड़ा देणे री ताकत थी, सै तिन्हां रिया फूंटीयां च थी।

प्रकाशितवाक्य 8:7

पैहले स्वर्गदूते अपणी तुरही बजाई, कने खून मिलीरे ओल़े कने आग्ग धरतिया पर सट्टि गई; इसते धरतिया रा इक तिहाई हिस्सा फुखीग्या, कने इक तिहाई डाल़ कने सारा हरा घा बी फुखीग्या।

1 पतरस 5:8

खुद अप्पूँजो काबुये च रखा कने सावधान रौआ, काँह्भई तुहांरा दुश्मण शैतान हुरन्गदे हुये शेरा साई इसा तलाशा च रैयां, भई किस जो अपणा शिकार बणाये।

प्रकाशितवाक्य 17:18

सै औरत, तिसौ जे तैं देखीरा, सै बड्डा नगर आ सै जे इसा धरतिया रे राजयां पर राज कराँ।

प्रकाशितवाक्य 8:8

दुज्जे स्वर्गदूते अपणी तुरही बजाई, तां मन्नो अग्गी साई जल़दा हुआ इक बड्डा पहाड़ समुद्रा च पाई दित्या गया; तिसते जे समुद्रा रा इक तिहाई हिस्सा खून बणीग्या,

प्रकाशितवाक्य 8:9

कने समुद्रा रे इक तिहाई हिस्से रे सारे जिऊंदा प्राणी मरीगे, कने इक तिहाई पाणिये रे जहाज बी नाश हुईगे।

प्रकाशितवाक्य 8:10

तिज्जे स्वर्गदूते अपणी तुरही बजाई, कने इक बड्डा तारा सै जे मशाला साई जल़या राँ था स्वर्गा ते टुट्टया, तिसते जे नदियां रे इक तिहाई हिस्से पर कने पाणिये रे झरनयां पर पईग्या।

प्रकाशितवाक्य 8:11

कने तारे रा नौं नागदौणा; इसते पाणिये रा इक तिहाई हिस्सा नागदौणे साई कौड़ा हुईग्या, कने मते सारे लोकां री तिस पाणिये रे कौड़े हुणे ते मौत हुईगी।

प्रकाशितवाक्य 8:12

चौथे स्वर्गदूते अपणी तुरही बजाई, कने सूरजा रा इक तिहाई, कने चन्द्रमे रा इक तिहाई कने तारयां रा बी इक तिहाई नष्ट हुईग्या, येत्थी तक भई तिन्हांरा इक तिहाई हिस्सा अन्धेरा हुईग्या कने दिना रे इक तिहाई च रौशनी नीं रैई कने तियां इ राति रा बी।

प्रकाशितवाक्य 12:7

फेरी स्वर्गा च इक लड़ाई हुई, मीकाईल कने तिसरे स्वर्गदूत अजगरा ने लड़ने जो निकले; कने अजगर कने तिसरे दूत तिन्हांने लड़े,

प्रकाशितवाक्य 13:2

सै पशु जे मैं देख्या, सै इक चीते साई था; कने तिसरे पैर भालुये साई, कने मुँह शेरा साई था। अजगरे इस पशुये जो अपणी सामर्थ, कने अपणा सघासण, कने बड्डा अधिकार तिसजो देईत्या।

प्रकाशितवाक्य 13:4

तिन्हें अजगरा री पूजा कित्ती, काँह्भई तिने पशुये जो अपणा अधिकार देईत्या था, कने ये बोल्लीने पशुये री पूजा कित्ती, “इस पशुये साई कुण आ? कुण इसने लड़ी सक्कां?”

प्रकाशितवाक्य 16:13

फेरी मैं तिस अजगरा रे मुँआं ते, कने तिस पशुये रे मुँआं ते, कने तिस झूट्ठे भविष्वक्ते रे मुँआं ते, तिन्नो बुरीआत्मां जो मेनकां रे रुपा च निकल़दे देख्या।

प्रकाशितवाक्य 20:2

कने तिने तिस अजगरा, यनि पुराणे सर्पा जो, सै जे इबलिश या शैतान आ; पकड़ीने इक हज़ार साल्लां तक बन्हीत्या।