प्रकाशितवाक्य 12:2 - बिलासपुरी नौआं नियम

² कने सै भारहत्थी थी; कने अपणे बच्चे जो जणने औल़ी थी कने बौहत पीड़ा रिया वजह ते रड़ाया राँ थी।

प्रकाशितवाक्य 12:2 Referans Kwoze

प्रकाशितवाक्य 12:4

तिने अपणिया फूंटिया ने अम्बरा रे तारयां रा इक तिहाई खिंज्जी ने धरतिया परा सट्टीत्या। सै अजगर तिसा औरता रे सामणे खड़ा हुईग्या सै जे बच्चे जो जणने औल़ी थी, ताकि ताहली जे सै बच्चा जणे तां अजगर बच्चे जो खाई सक्को।

गलातियां 4:19

मेरे प्यारे बच्चो, तियां जे इक औरत बच्चा जणने रे वगत पीड़ा जो अनुभव कराँ इ, तियां इ हऊँ भीं तुहांरे खातर इक बार पीड़ सैईराँ। मांह तिसा पीड़ा च तदुआं तक रैहणा तदुआं तक जे तुहें पूरे तरिके ने मसीह साई नीं बणी जान्दे।

यूहन्ना 16:21

ताहली जे जनाना बच्चा जणने लगां इ, तां तिसाजो बौहत पीड़ हुआं इ, काँह्भई तिसारी दर्दां लगणे री घड़ी आई गरी हुआं इ, पर ताहली जे सै तिस बच्चे जो जणी देईं, कने तिसाते संसारा च इक माहणुये रे औणे री खुशिया च सै इतणी खुश हुई जाईं भई सै सारियां पीड़ा जो भुल्ली जाईं।

गलातियां 4:27

काँह्भई पवित्रशास्त्रा च लिखिरा : “अरे बांझ औरत, खुशी मना, तैं किसी बच्चे जो नीं जणया, खुशिया ने चीख, तैं बच्चा जणने री पीड़ नीं अनुभव कित्ती, काँह्भई सुहागणां रिया अपेक्षा छड्डी रिया जनाना रे बच्चे जादा हुणे।”

मत्ती 24:8

ये गल्लां पैहले हुणियां, पर ये तियां हुणियां तियां जे इक औरत बच्चा जणने ते पैहले दर्द सैंई फेरी बच्चे जो जन्म देईं।