प्रकाशितवाक्य 11:9 - बिलासपुरी नौआं नियम

⁹ कने सरयां राष्ट्राँ, कुल़ां, भाषां कने जातियां चते लोक साढे तिन्नां दिनां तक तिन्हांरियां लाशां जो देखदयां रैहणा, पर तिन्हांरियां लाशां जो कब्राँ च रखणे री किसी जो इजाज़त नीं देणी।

प्रकाशितवाक्य 11:9 Referans Kwoze

प्रकाशितवाक्य 17:15

फेरी स्वर्गदूते मेरने गलाया, “जिस पाणिये पर तैं वैश्या जो बैठीरी देख्या, सै लोक, कुल़, जातियां कने भाषां इ।

प्रकाशितवाक्य 11:11

पर साढे तिन्नां दिनां ते बाद परमेशरे तिन्हांजो भीं ते जिऊंदा कित्या। सै अपणे पैराँ पर खड़े हुईगे, कने तिन्हांरे देखणे औल़यां पर बौहत सारा डर छाईग्या।

प्रकाशितवाक्य 10:11

फेरी माहने बोल्या गया भई, “तिज्जो बौहत सारयां लोकां, जातियां, भाषां कने राजयां रे बारे च फेरी भविष्यवाणी करने पौणी।”

प्रकाशितवाक्य 13:7

तिस पशुये जो ये अधिकार दित्या गया भई सै परमेशरा रे लोकां रे खलाफ लड़िये कने तिन्हां पर जय पाओ। तिस पशुये जो हरेक कुल़ कने लोकां कने भाषा कने जातिया पर राज करने रा अधिकार दित्या गया।

प्रकाशितवाक्य 5:8

ताहली जे तिने कताब लेई ली, तां सै चारों प्राणी कने चौबी प्राचीनें तिस मेमने रे सामणे धरतिया पर मुँआ रे भार पैईने प्रणाम कित्या। तिन्हां चते हरेक रे हत्था च वीणा कने धूपा ने भरीरे सोने रे कटोरे थे, ये परमेशरा रे लोकां रियां प्राथनां इयां।

मत्ती 7:2

काँह्भई जिस तरिके ने तुहें इल्जाम लगां ये, तियां इ परमेशरा तुहांरा बी न्याय करना; कने तियां जे तुहें दुज्जेयां रा न्याय कराँ ये, तियां इ तुहांरा बी न्याय हूणा।”

प्रकाशितवाक्य 5:9

कने सै ये नया गीत गाणे लगे भई, “तू इसा कताबा जो लेणे, कने इस रियां सीलां खोलणे लायक आ; काँह्भई तैं बध हुईने अपणे खून्ना ने हरेक कुल़, भाषा, लोक कने जातियां चते परमेशरा खातर लोकां जो खरीदी लरा,