प्रकाशितवाक्य 11:3 - बिलासपुरी नौआं नियम

³ मांह अपणयां दुईं गवांह जो ये अधिकार देणा कने तिन्हां बिलाप करने औल़ा कपड़ा यनि टाट ओडीने इक हज़ार दो सौ साट्ठ दिनां तका भविष्यवाणी करनी।

प्रकाशितवाक्य 11:3 Referans Kwoze

प्रकाशितवाक्य 12:6

कने सै औरत तिस सुनसान जगह पर नट्ठीने चलीगी तित्थी जे परमेशरा रिया तरफा ते तिसा खातर इक जगह त्यार कित्ती गई थी, ताकि तित्थी सै बारा सौ साठ दिनां तका पाल़ी जाओ।

प्रकाशितवाक्य 11:2

पर मन्दरा रे बाहरा रे अंगणा जो छड्डी देयां; तिस्सो देखां नापदा, काँह्भई सै अन्यजातियां रे खातर दित्या गईरा, तिन्हां बताल़ियां महीनयां तक पवित्र नगरा जो रौंदणा।

प्रकाशितवाक्य 13:5

बड्डे बोल बोलणे कने निंध्या करने खातर तिसजो इक मुँह दित्या गया, कने तिस्सो बताल़ियां महीनयां तक काम्म करने रा अधिकार दित्या गया।

प्रेरितां 13:31

कने सै तिन्हांजो सै जे तिसने सौगी गलील प्रदेशा ते यरूशलेम नगरा जो आईरे थे, बौहतीं दिनां तक तिसरे चेलयां जो दुसदा रैया; लोकां रे सामणे हुण सैई तिसरे गवाह ये।

प्रेरितां 1:8

पर तां जे पवित्र आत्मा तुहांले औणा तां तुहांजो सामर्थ मिलणी; कने यरूशलेम नगर कने सारे यहूदिया कने सामरिया प्रदेशा च कने सारे संसारा च मेरे गवाह हुणे।”

लूका 24:48

तुहें इन्हां सारियां गल्लां रे गवाह ये।

2 कुरिन्थियों 13:1

हुण हऊँ तिज्जी बार तुहांले आईराँ; तियां जे पवित्रशास्त्रा च लिखिरा भई दो या तिन्न गबाहां रे मुँआं ते हर इक्की गल्ला री सच्चाई साबित कित्ती जाणी।

प्रेरितां 2:32

इस इ यीशुये जो परमेशरे जिऊंदा कित्या, तिसरे जे अहें सारे गवाह ये।

यूहन्ना 15:27

कने तुहांजो बी मेरे बारे च दुज्यां जो दसणा चाहिन्दा काँह्भई तुहें शुरु ते ही मेरने सौगी रै।

मत्ती 18:16

पर जे सै तेरी नीं सुणो, तां इक या दो माहणु अपणिया सौगी जो लेईजा, काँह्भई मूसा रिया व्यवस्था रे मुतावक ‘हर शकैता रियां तिन्न गवाहियां हुई जाओ।’

प्रकाशितवाक्य 19:10

फेरी तिसरी अराधना करने खातर हऊँ तिसरे पैराँ पर पैईग्या। तिने मेरने गलाया, “देख, येढ़ा मत करा! हऊँ तेरा कने तेरे साथी विश्वासियां साई इक दास इ हाया, सै जे यीशुये री गवाही देणे पर मजबूत आ। परमेशरा री अराधना कर; काँह्भई यीशु मसीह री गवाही भविष्यवाणिया री आत्मा इ।”

प्रकाशितवाक्य 1:5

कने यीशु मसीह रिया तरफा ते सै जे बफादार गवाह कने मूईरेयां चते जी उठणे औल़यां च पैहला कने धरतिया रे सारे राजयां रा प्रधान आ, तुहांजो अनुग्रह कने शान्ति मिलदी रौ। सै अहांने प्यार कराँ, कने तिने अपणे खून्ना ने अहांजो पापां ते छडवाईरा।

प्रेरितां 3:15

कने तुहें अनन्त जीवन देणे औल़े जो मारीत्या, तिस्सो जे परमेशरे मूईरेयां चते ज्यूंदा कित्या, कने अहें इसा गल्ला रे गवाह थे।

प्रकाशितवाक्य 20:4

फेरी मैं संघासण देक्खे, कने तिन्हां पर सै जे लोक बैठिरे थे तिन्हांजो न्याय करने रा अधिकार दित्या गया। कने मैं तिन्हांरियां आत्मां जो बी देख्या तिन्हांरे सिर जे यीशुये री गवाही देणे कने परमेशरा रे वचनां रिया वजह ते धड़ा ते लग कित्ते गईरे थे। तिन्हें पशु या मूर्तियां री पूजा नीं कित्ती थी, नांई अपणे मत्थे कने हत्था पर तिसरी छाप लई थी। सै जिऊंदा हुईने मसीह ने सौगी हज़ार साल्लां तक राज करदे रै।

इफिसियां 4:11

तिने खुद इ किसी जो प्रेरित हुणे रा बरदान दित्या, तां किसी जो भविष्यवक्ता हुणे रा, किसी जो खुशखबरिया रे प्रचारक हुणे रा, किसी जो परमेशरा रे लोकां री हिफाज़त करने कने सखाणे रा।

1 कुरिन्थियों 12:28

कने परमेशरे कलीसिया च लग-लग माहणु नियुक्त कित्तिरे : पैहले प्रेरित, दुज्जे भविष्यवक्ता, तिज्जे सखाणे औल़े, फेरी सामर्था रा काम्म करने औल़े, चंगा करने औल़े, मदद करने औल़े, प्रबन्ध करने औल़े, लग-लग किस्मा री भाषायें बोलणे औल़े।

यूहन्ना 3:27

यूहन्ने जबाब दित्या, ताहलुआं तक जे किसी माहणुये जो स्वर्गा ते नीं दित्या जाओ, ताहलुआं तक सै किछ नीं पाई सकदा।

मत्ती 11:21

“खुराजीन कने बैतसैदा नगरा रे लोकां जो परमेशरा भयानक सजा देणी! काँह्भई तुहां च सै जे सामर्था रे काम्म कित्ते गये, जे सैई काम्म सूर कने सैदा रे नगराँ च कित्तिरे हुन्दे, तां उत्थीरे लोक बौहत पैहले टाट ओडीने, कने अपणे जिस्मा पर धूड़ मल़ीने, खेद मनान्दे हुये मन फिराई चुक्कीरे हुन्दे।

लूका 10:13

“ओ खुराजीन शहर कने बैतसैदा नगरा रे लोको, तुहांजो भयानक सजा भुगतणे पौणी! काँह्भई सै चमत्कारा रे काम्म जे मैं तुहांरे नगराँ च कित्ते, जे मैं सै वेई चमत्कार सूर कने सैदा साई बुरे नगरा च कित्ते हुन्दे तां ऊथी रे दुष्ट लोक बोरियां ने बणीरे कपड़े पहनीने कने अपणे जिस्मा पर राख मल़ीने कधकयां अपणयां पापां रा दुख परगट करी लेया हुंदा।

प्रकाशितवाक्य 11:6

तिन्हौं ये अधिकार आ भई अम्बरा जो बन्द करे, ताकि तिन्हांरी भविष्यवाणिया रे वगत बरसात नीं हो; तिन्हांजो सारे पाणिये पर अधिकार आ भई तिस्सो खून्ना च बदली दो, ये बी भई ताहली जे चाओ तां धरतिया पर हर किस्मा री महामारी ल्याओ।