प्रकाशितवाक्य 11:15 - बिलासपुरी नौआं नियम

¹⁵ ताहली जे सतवें स्वर्गदूते अपणी तुरही बजाई, तां स्वर्गा च बड़ियां आवाज़ां हुणे लगियां; “संसारा रा राज अहांरे प्रभुये रा कने तिसरे मसीह रा बणीग्या कने तिस युग-युग राज करना।”

प्रकाशितवाक्य 11:15 Referans Kwoze

प्रकाशितवाक्य 12:10

फेरी मैं स्वर्गा च ऊच्चिया अवाज़ा च किसी जो ये बोलदे सुणया, “हुण अहांरे परमेशर रा छुटकारा, सामर्थ, राज कने तिसरे मसीह रा अधिकार प्रगट हुईरा; काँह्भई अहांरे साथी विश्वासियां पर दोष लगाणे औल़ा, सै जे अहांरे परमेशरा रे सामणे रात-दिन तिन्हां परा दोष लगान्दा रैआं था, थल्ले सट्टीत्या गईरा।

प्रकाशितवाक्य 10:7

पर सतवें स्वर्गदूता ताहली जे अपणी तुरही बजाणे लगणा, तां तिसरिया अवाज़ा ते परमेशरा रा सै रहस्य पूरा हुई जाणा, तियां जे भई तिने अपणे दास्सां यनि भविष्यवक्तयां जो घोषणा कित्ती थी।”

प्रकाशितवाक्य 19:1

इसते बाद मैं स्वर्गा च मन्नो बडिया भीड़ा जो ऊच्चिया अवाज़ा ते ये बोलदे सुणया, “हालेलूय्याह! छुटकारा, महिमा कने सामर्थ सिर्फ अहांरे परमेशरा री हई।

लूका 1:33

कने तिस इस्राएली लोकां रे राजा हूणा कने याकूब रे घराने पर सदा खातर राज करना; कने तिसरा राज कदीं खत्म नीं हूणा!”

प्रकाशितवाक्य 16:17

फेरी सतवें स्वर्गदूते जाईने अपणा कटोरा हवा च लटीत्या, कने मन्दरा रे संघासणा ते ये जोरा री अवाज़ आई, “सब किछ पूरा हुईग्या!”

इब्रानियों 1:8

पर परमेशर पुत्रा रे बारे च बोलां, “परमेशर, तेरा संघासण युगां-युगां तकौ रैहणा: कने तुहां न्याय ने राज करना।

प्रकाशितवाक्य 19:6

फेरी मिन्जो बौहत भीड़ा साई कने मते पाणिये रे बगणे साई अवाज़, कने गर्जना साई बौहत अवाज़ सुणी, “हालेलूय्याह! काँह्भई प्रभु अहांरा सर्वशक्तिमान परमेशर राज कराँ।

प्रकाशितवाक्य 15:4

“हे प्रभु, कुण तेरते नीं डरगा? कने तेरे नौआं री महिमा नीं करगा? काँह्भई सिर्फ तूई पवित्र आ। सारियां जातियां आईने तेरी अराधना करनी, काँह्भई तेरे न्याय रे काम्म प्रगट हुई चुक्कीरे।”

लूका 15:10

इस इ तरिके ने, जे इक पापी बी अपणे पापां ते मन फिराओ, तां स्वर्गा च परमेशरा रे स्वर्गदूतां तिसरे खातर खुशी मनाणी।”

प्रकाशितवाक्य 20:4

फेरी मैं संघासण देक्खे, कने तिन्हां पर सै जे लोक बैठिरे थे तिन्हांजो न्याय करने रा अधिकार दित्या गया। कने मैं तिन्हांरियां आत्मां जो बी देख्या तिन्हांरे सिर जे यीशुये री गवाही देणे कने परमेशरा रे वचनां रिया वजह ते धड़ा ते लग कित्ते गईरे थे। तिन्हें पशु या मूर्तियां री पूजा नीं कित्ती थी, नांई अपणे मत्थे कने हत्था पर तिसरी छाप लई थी। सै जिऊंदा हुईने मसीह ने सौगी हज़ार साल्लां तक राज करदे रै।

प्रकाशितवाक्य 17:14

“तिन्हां सारयां मेमने ने लड़ना, पर मेमने तिन्हां पर जय पाणी; काँह्भई सै प्रभुआं रा प्रभु कने राजयां रा राजा, सै जे सद्दीरे, चुणीरे कने बफादार ये, तिस सौगी ये, तिन्हां बी जय पाणी।”

प्रकाशितवाक्य 9:13

ताहली जे छेऊँये स्वर्गदूते अपणी तुरही बजाई, तां सै जे सोने री बेदी परमेशरा रे सामणे इ तिसारे चार कुणयां रे सिंगां चते मैं येढ़ि अवाज़ सुणी,

प्रकाशितवाक्य 9:1

ताहली जे पँजवें स्वर्गदूते अपणी तुरही बजाई, तां मैं स्वर्गा ते धरतिया परा इक तारा टिरदा देख्या, कने तिस्सो अथाह कुण्डा री चाबियां दित्तियां गईयां।

प्रकाशितवाक्य 8:12

चौथे स्वर्गदूते अपणी तुरही बजाई, कने सूरजा रा इक तिहाई, कने चन्द्रमे रा इक तिहाई कने तारयां रा बी इक तिहाई नष्ट हुईग्या, येत्थी तक भई तिन्हांरा इक तिहाई हिस्सा अन्धेरा हुईग्या कने दिना रे इक तिहाई च रौशनी नीं रैई कने तियां इ राति रा बी।

मत्ती 6:13

कने अहांजो परीक्षा च नीं पा, पर शैतान्ना ते बचा; [काँह्भई राज कने सामर्थ कने महिमा सदा खातर तेरे इ हाये। आमीन।]’ ”

लूका 15:6

कने ताहली जे सै अपणे घरें पुज्जी जां तां तिस अपणे मित्राँ कने पड़ेसियां जो बोलणा मेरे सौगी नन्द मनावा, काँह्भई मिन्जो मेरी गवाच्छी री भेड मिली गरी!

मत्ती 24:31

तिस जोरा रिया अवाज़ा च बजणे औल़े बाजयां सौगी अपणे स्वर्गदूत भेजणे, कने तिन्हां सारिया धरतिया परा ते अपणे चुणीरे लोक कट्ठे करने।

प्रेरितां 4:26

प्रभु कने तिसरे मसीह रे बरोधा च धरतिया रे राजे खड़े हुये, कने हाकम सौगी कट्ठे हुईगे।’