फिलिप्पियां 3:9 - बिलासपुरी नौआं नियम

⁹ कने हऊँ तिस सौगी पूरी तरह ते इक हुई सक्कूं; कने ये इस खातर नींआ भई मैं व्यवस्था रा पालन कित्या तां परमेशर मेरे धर्मी हुणे री घोषणा कराँ, पर ये मसीह च विश्वास करने रिया वजह ते आ, कने सिर्फ मेरे मसीह च विश्वास करने रिया वजह नेई परमेशरे ये घोषणा कित्ती भई हऊँ धर्मी आ।

फिलिप्पियां 3:9 Referans Kwoze

2 कुरिन्थियों 5:21

परमेशरे मसीह जो अहांरे पापां रे खातर पाप बल़ि बणाया तिने जे कदीं पाप नीं कित्या, ताकि अहें तिसरे जरिये परमेशरा रे सामणे धर्मी समझे जायें।

1 कुरिन्थियों 1:30

पर तिसरिया वजह ने तुहें मसीह यीशुये चे सै जे परमेशरा रिया तरफा ते अहांरे खातर ज्ञान, यनि धार्मिकता कने पवित्रता, कने छुटकारा बणीग्या।

गलातियां 2:16

फेरी भीं अहें ये जाणाँ ये भई कोई माहणु व्यवस्था रे कम्मां ते नीं, पर सिर्फ यीशु मसीह पर विश्वास करने रिया बजह ने धर्मी बणां, अहें खुद बी इस खातर यीशु मसीह पर विश्वास कित्या भई अहें व्यवस्था रे कम्मां ते नीं, पर मसीह पर विश्वास करने ते धर्मी बणो; काँह्भई व्यवस्था रे कम्मां ते कोई बी माहणु धर्मी नीं हूणा।

रोमियो 8:1

इस खातर हुण सै जे मसीह यीशु पर विश्वास कराँ ए, तिन्हां पर सजा रा कोई हुक्म निआं।

रोमियो 1:17

काँह्भई खुशखबरी अहांजो ये दस्सां इ भई परमेशर कियां माहणुये जो अपणिया नज़राँ च धर्मी बणाँ; सै शुरु ते लेईने आखिर तक विश्वासा पर टिकिरा; तियां जे भई पवित्रशास्त्रा च लिखिरा, “धर्मी माहणु विश्वासा ते जिऊंदा रैहणा।”

तीतुस 3:5

तां तिने अहांरे पापां रिया सजा ते अहांजो बचाया; कने ये भलयां कम्मां रिया वजह ते नीं, सै जे अहें अप्पूँ कित्ते थे, पर अपणी दया रिया वजह ते। परमेशरे अहांजो नया जीवन दित्या कने तिने अहांरे पापां जो अहांते दूर करीने इक नये तरिके ने बर्ताव करने खातर अहांरी मदद कित्ती; तिने अहांरे अन्दर पवित्र आत्मा जो रखणे रे जरिये ये कित्या।

2 तिमुथियुस 1:9

तिने इ अहांरा छुटकारा कित्तिरा कने पवित्र जीवना खातर अहांजो सद्दीरा, ये अहांरे भले कम्मां रिया वजह ने नीं, पर तिसरी अपणी योजना कने अनुग्रह रिया वजह नेआ। ये अनुग्रह परमेशरे यीशु मसीह च अहांजो सृष्टिया ते पैहले दित्या,

2 कुरिन्थियों 5:17

इस खातर जे कोई मसीह पर विश्वास कराँ, तां हुण सै नया माहणु आ; पुराणा जीवन गुजरिग्या; कने नया जीवन शुरु हुईग्या।

फिलिप्पियां 3:6

हऊँ इतणा बफादार था भई मैं मसीह विश्वासियां जो बौहत सताया, कने यहूदी व्यवस्था रा पालन करने च हऊँ धर्मी था काँह्भई मैं सारे हुक्मां रा पालन कित्या।

रोमियो 10:10

काँह्भई अहांरे विश्वासा रे जरिये माहणु परमेशरा रियां नज़राँ च धर्मी बणां कने अपणे मुँआं ते स्वीकार करने रे जरिये अहें छुटकारा पाया।

रोमियो 8:3

काँह्भई सै काम्म जे मूसा री व्यवस्था हमारे पापी स्वभावा रिया वजह ने कमजोर हुईने नीं करी सक्की, तिसजो परमेशरे कित्या, यनिके अपणे इ पुत्रा जो अहां पापियां साई हुणे रे खातर कने अहांरे पापा रा बलिदान हुणे रे खातर भेज्जीने, मसीह रे शरीरा रे जरिये परमेशरे पापा रिया सामर्था जो तोड़या।

मत्ती 9:13

इस खातर तुहें जाईने इसरा मतलब सिक्खी लौआ, भई हऊँ बलिदान नीं चाहन्दा पर दया चाँह; काँह्भई हऊँ धर्मियां जो नीं, पर पापियां जो सदणे आईरा।”

1 यूहन्ना 3:4

सै जे कोई पाप कराँ, सै परमेशरा रिया व्यवस्था जो तोड़ां, काँह्भई व्यवस्था जो तोड़ना इ पाप आ।

2 पतरस 1:1

हऊँ शमौन पतरस, यीशु मसीह रा सेबक कने प्रेरित आ। हऊँ ये चिट्ठी तुहां सब्बीं जो लिखया राँ तिन्हें जे अहांरे परमेशर कने छुटकारा करने औल़े यीशु मसीह रिया धार्मिकता रे जरिये अहां साई बौहत कीमती विश्वास पाईरा।

याकूब 3:2

अहें सारे बौहत गल़तियां कराँ ये, पर सै माहणु जे अपणिया जुबाना जो बशा च करी सक्कां, सै खरा माहणु आ; कने हरेक हालाता च अप्पूँजो बशा च करी सक्कां।

इब्रानियों 6:18

तां फेरी येत्थी दो गल्लां ईं-परमेशरा रा वायदा कने तिसरी कसम-सै जे कदीं नीं बदली सकदियां कने तिन्हांरे बारे च जे परमेशर कदीं झूट्ठ नीं बोल्ली सकदा। इस खातर अहें सै जे परमेशरा ले सुरक्षा पाणे जो आईरे कने सै आशा जे तिने अहांजो दित्तिरी, तिसाजो थम्मीरे हुये, बौहत जोशा चे।

रोमियो 16:7

मेरे रिश्तेदार अन्द्रनीकुस कने यूनियास जो बी मेरा नमस्कार, सै जे मेरे सौगी जेल्ला च थे, कने नाम्मी-ग्रामी प्रेरित थे, कने सै माहते बी पैहले मसीह च आई चुक्कीरे थे।

रोमियो 5:21

भई तियां जे सारयां लोकें पाप कित्या कने सै सारे मरीगे, तियां इ परमेशरा रा अनुग्रह अहां पर राज कराँ कने परमेशरे अहांजो अहांरे प्रभु यीशु मसीह रिया वजह ते धर्मी बणाया। इसरा मतलब अहांजो अनन्त जीवन मिलणा।