फिलिप्पियां 3:19 - बिलासपुरी नौआं नियम

¹⁹ अन्त च परमेशरा तिन्हांरा नाश करना, सै लोक सिर्फ अपणी शारीरिक इच्छां जो पूरा करने रे खातर जीआं ये, कने सै अपणी बेशर्म गल्लां पर घमण्ड कराँ ये कने संसारा रिया चीजां पर मन लाई रखां ये।

फिलिप्पियां 3:19 Referans Kwoze

रोमियो 16:18

काँह्भई येढ़े लोक अहांरे प्रभु यीशु मसीह री नीं बल्कि अपणे पेट्टा री सेवा कराँ ये; कने अपणी चिकनी चुपड़ी गल्लां ते सिधे-साधे मना रे लोकां जो बहकायें।

2 पतरस 2:3

सै बौहत लालची हुणे कने तुहांते पैसा लेणे रे खातर अपणी मन-घड़न्त कहाणियां सुणाईने तुहांजो धोखा देणा। परमेशर बौहत पैहले ते ये तैह करी चुक्कीरा भई तिस तिन्हांजो सजा देणी कने सै ये करने खातर त्यार आ। तिस पक्का तिन्हांरा नाश करना।

कुलुस्सियां 3:2

स्वर्गा रियां चिज़ां रे बारे च लगातार सोचदे रौआ, पर धरतिया री चिज़ां रे बारे च मता सोचदे,

2 पतरस 2:1

तियां जे एस्राइली लोकां च झूट्ठे भविष्यवक्ता थे, विल्कुल तियां इ तुहां च बी झूट्ठे शिक्षक परगट हुणे, कने छिपिने झूट्ठी शिक्षा देणी, तिसते जे लोकां मसीह पर विश्वास करना छडी देणा। इन्हां झूट्ठे शिक्षकां बी मसीह जो अपणे स्वामिये रे रुपा च ग्रहण करने ते इन्कार करना तिने जे तिन्हांजो पापां ते अजाद कित्तिरा। येढ़ा करीने तिन्हां खुद अचानक अपणा नाश करना।

2 कुरिन्थियों 11:15

इस खातर जे शैतान्ना रा सेवक बी भले काम्म करने औल़े सेवकां रा रुप धारण करी लो, तां इसच बड़ी गल्ल क्या इ? पर आखिर च तिन्हांजो अपणिया करनिया रे मुतावक सजा मिलणी।

2 कुरिन्थियों 11:12

पर सै जे हऊँ करी रां तिसजो त माह करदे इ रैहणा, ताकि सै लोक सैई काम्म करने रे बारे च घमण्ड करने च सक्षम नीं हुणे सै जे अहे करी राँये।

2 पतरस 2:13

तिन्हांजो बुराईया रा बदला बुराईया तेई मिलणा। दिना रे उजाले च भोग-विलास करना तिन्हांजो ठीक लगां, ये लोक तुहांरे बिच कलंक कने धब्बा ये। ये लोक दुज्यां लोकां जो धोखा देणे च खुश हुआं ये ताहली जे तुहां सौगी संगतिया रा भोज खांये।

गलातियां 6:13

काँह्भई सै खुद बी तिन्हांरा जे खतना हुई चुक्कीरा, व्यवस्था रा पालन नीं करदे, पर फेरी बी सै चाँये भई तुहें खतना कराओ ताकि सै इसा गल्ला पर घमण्ड करी सक्को भई तुहांरा खतना तिन्हां रिया वजह ने हुईरा।

प्रकाशितवाक्य 21:8

पर डरपोकां, अविश्वासियां, घिनौनयां, हत्यारयां, व्यभिचारियां, जादूगराँ, मूर्तीपूजकां, कने सब्बीं झुट्ठयां रा हिस्सा तिसा नदिया च मिलणा, सै जे अग्गी कने गन्धका ते भखदी रैयांई: ये दुज्जी मौत इ।”

1 कुरिन्थियों 3:3

काँह्भई तुहें हुण बी अपणे पापी स्वभावा रे मुतावक जींआं ये। हऊँ ये जाणाँ काँह्भई तुहां चते बौहत सारे हिरखल़े कने इक दूये ने लड़ां-झगड़ां ये, तां क्या ये साबित नीं करदा भई तुहें अपणे पापी स्वभावा रे मुतावक जी राँये? कने क्या तुहें इस संसारे रे लोकां साई नीं जीआ राँये?

प्रकाशितवाक्य 22:15

पर कुत्ते, जादूगर, व्यभिचारी, हत्यारे, मूर्त्तिपूजक, कने हरेक झूट्ठा रा चाहणे औल़ा कने झुट्ठियां गल्लां बनाणे औल़ा बाहर रैहणा।

यहूदा 1:16

ये लोक लगातार कुड़कुड़ां ये कने शिकायत कराँ ये; सै अपणियां बुरियां इच्छां रे मुतावक चलां ये कने सै अपणे बारे च घमण्ड कराँ ये कने अपणे फायदे रे खातर लोकां री चापलुसी कराँ ये।

2 तिमुथियुस 3:4

विश्वासघाती, लापरवाह, घमण्डी कने सै परमेशरा ने प्यार करने री बजाय सुखा जो चाहणे औल़े हुणे।

1 तिमुथियुस 6:5

कने इक्की दूये ने नीं खत्म हुणे औल़े झगड़े, कने तिन्हांरी बुद्धि भ्रष्ट हुईगरी, कने सै सच्चाईया जो नीं समझी सकदे, सै समझां ये भई परमेशरा री सेवा करना इ अमीर हुणे रा जरिया।

2 थिस्सलुनीकियां 2:12

ताकि जितणयां लोकें सच्चाईया पर विश्वास नीं कित्या, पर पापां ते खुश हुये, सै सब सजा पाओ।

फिलिप्पियां 2:21

काँह्भई यीशु मसीह क्या चाँह इस बारे च सोचणे रे वजाये हरेक माहणु सिर्फ येई सोच्चां भई सै खुद क्या चाँह।

1 कुरिन्थियों 5:6

तुहांरा घमण्ड करना ठीक निआं; क्या तुहें नीं जाणदे, भई थोड़ा जेआ खमीर पूरे गुन्हीरे आट्टे जो खमीर करी देआं? तियां इ ये पाप खमीरा साई दुज्या लोकां च बी फैल्ली सक्कां।

1 कुरिन्थियों 5:2

कने तुहें इसा गल्ला पर दुख नीं मनान्दे, पर इस पर गर्व कराँ ये! येढ़ा कुकर्म करने औल़े माहणुये जो तुहांरे बिच्चा ते बाहर कड्डया जाणा चाहिन्दा था।

प्रकाशितवाक्य 19:20

सै पशु कने झूट्ठे भविष्यवक्ते जो सै जे तिसरे सामणे येढ़े नशाण दस्से थे, तिन्हांरे जरिये तिने तिन्हांजो भरमाया, तिन्हां पर जे पशुये री छाप थी, कने सै जे तिसरी मूर्तियां री पूजा कराँ थे। इन्हां दुईं जो जीते जी तिसा अग्गी रिया झीला च, सै जे गन्धका ने जल़ां इ, पाये गये।

याकूब 4:16

पर हुण तुहें अपणिया योजना रे बारे च घमण्ड कराँ ये; सै सारा घमण्ड बुरा हुआं।

2 थिस्सलुनीकियां 2:8

फेरी तिस दुष्ट माहणुये प्रगट हूणा, तिस्सो जे प्रभु यीशुये अपणे मुँआं रे साह ने मारी देणा, कने अपणे औणे रे तेजा ते भस्म करना।

लूका 18:4

तिने न्यायिये बौहत दिनां तक तिसा विधवा रिया गल्ला री परवाह नीं किति, पर बाद बिच तिने मना च बिचार कित्या, हलांकि हऊँ नांत परमेशरा ते डराँ, कने नांई माहणुआं री कोई परवाह कराँ।

लूका 16:19

यीशुये फेरी भीं ते ये उदाहरण दित्या, “इक अमीर माहणु था सै जे बड़े मंहगे कपड़े पैहनां था, कने रोज सब्बीतें स्वादिष्ट रोटी खाईने मौज कराँ था।

लूका 12:19

तिसते बाद माह चैना ने बैठणा कने अप्पूँजो बोलणा, मेरे मन, औणे औल़े कईयां साल्लां तक तेरले काफी अनाज हुईग्या; हुण आराम कर, खा-पी, कने मौज कर!’

मत्ती 25:41

“फेरी तिस अपणे सज्जे पासे औल़यां ने बोलणा, शापित लोको, मेरला ते चली जावा, कने सै आग्ग जे परमेशरे शैतान कने तिसरे दूतां खातर त्यार कित्तिरी, तिसा अनन्त अग्गी च जाईने पौआ।

मत्ती 16:23

यीशु तिसरी तरफ मुड़या कने गलाया, “पतरस, मेरे रस्ते ते हटि जा! अरे शैतान! तू मेरे खातर इक अड़चन ई: काँह्भई तू परमेशरा साई नीं, पर माहणुआं साई सोच्चां।”

प्रकाशितवाक्य 18:7

जितणी तिने अपणी बडयाई कित्ती कने सुख-बलास कित्या, तितनी इ तिस्सो पीड़ कने दुख देओ; काँह्भई सै अपणे मनां च बोलां इ, ‘हऊँ राणिया साई बैठीरी कने विधवा नीं; मिन्जो कदीं बी किछ दुख नीं हूणा।’

यहूदा 1:4

काँह्भई किछ लोक सै जे परमेशरा जो नीं मनदे कने झूट्ठी शिक्षा देआंये, अहां रिया जानकारिया बगैर चुपचाप अहांरे बिच घुसी चुक्कीरे। ये सै लोक ये तिन्हांजो जे परमेशरे बौहत पैहले पवित्रशास्त्रा च बोल्या था भई तिस तिन्हांजो सजा देणी। ये लोक विश्वास कराँ ये भई सै अनैतिक जीवन जी सक्कां ये, काँह्भई अहांरा परमेशर अनुग्रहकारी आ कने सै अहांरे इकलौते शासक कने प्रभु यीशु मसीह रा इन्कार कराँ ये।

रोमियो 6:21

तुहांरिया पुराणिया जिन्दगिया ते तुहांजो क्या फायदा हुया? तुहें सिर्फ इसते शर्मिन्दा ये, काँह्भई तिन्हां कम्मां रा नतीजा मौत इ।

2 थिस्सलुनीकियां 1:9

सै प्रभुये रिया मौजूदगिया ते हमेशा खातर लग हुई जाणे कने तिसरिया तेजोमय सामर्था च भागी नीं हुणे, कने तिस तिन्हांजो अनन्त विनाशा री सजा देणी।

यहूदा 1:10

पर ये लोक तिन्हांरे बारे च बुरा बोलां ये तिसरे बारे च जे सै किछ नीं जाणदे। कने जो किछ सै जाणाँ ये सै आमतौर पर नासमझ जानबरा साई कराँ ये, कने ये करने रे जरिये सै खुद अप्पूँजो नाश कराँ ये।