फिलिप्पियां 3:16 - बिलासपुरी नौआं नियम

¹⁶ इस खातर अहांजो सच्चाईया रे मुतावक जीणा चाहिन्दा तिस्सो जे परमेशरे अहां पर पैहले तेई परगट करी तरा।

फिलिप्पियां 3:16 Referans Kwoze

कुलुस्सियां 2:6

इस खातर तियां जे तुहें यीशुये जो मसीह कने प्रभुये रे रुपा च ग्रहण कित्तिरा, तियां इ हुण लगातार तिसरा अनुशरण करदे रौआ,

प्रकाशितवाक्य 3:3

इस खातर याद कर भई तैं किस तरिके री शिक्षा पाई कने सुणी थी, तिस्सो मनदा रै कने मन फिरा। पर जे तू नीं जाग्या, तां मांह चोरा साई औणा, कने तू जाणी बी नीं पाणा भई मांह किस वगत तेरे लौ आई जाणा।

गलातियां 6:16

कने जितने लोक इस नियमा रा पालन कराँ ये तिन्हां सब्बीं जो परमेशरा शान्ति देणी कने आशीषित करना। सै परमेशरा रे लोक ये।

रोमियो 15:5

धीरज कने हौंसला देणे औल़ा परमेशर तुहांजो ये बरदान देओ, ताकि तुहें अप्पूँ चियें इक मन हुईने रौ, तियां जे मसीह यीशुये रा तुहें अनुशरण करी राँये।

फिलिप्पियां 4:2

हऊँ यूओदिया ने बी कने सुन्तुखे ने बी विनती कराँ, भई सै प्रभु च इक जुट हुईने रौ।

फिलिप्पियां 2:2

तां इक मन रैईने कने इक इ प्रेम, कने मना च इक हुईने कने इक इ मकसद रखीने मेरा ये आनन्द पूरा करा।

फिलिप्पियां 1:27

सिर्फ इतणा करा भई तुहांरा चाल-चल़ण मसीह रिया खुशखबरिया रे लायक हो। भई चाये हऊँ आईने तुहांजो देखूँ, या नीं बी आऊँ, पर तुहांरे बारे च ये सुणुं भई तुहें इक्की मना च अटल कने इक जुट हुईने खुशखबरिया रे विश्वासा खातर खूब मेहणत करया राँये।

रोमियो 12:16

इक दूये ने मेल-जोल रखा, घमण्डी नीं बणा, पर गरीब लोकां ने बी संगती रक्खा; येढ़ा नीं समझा भई तुहें इ बौहत समझदार ये।

गलातियां 5:7

तुहें त बौहत अच्छे ढंगा ने अपणे आत्मिक जीवना च बधया राँ थे, हुण तुहांजो किने रोकील्या ताकि तुहें सच्चाईया जो नीं मन्नो?

कुलुस्सियां 4:2

हमेशा प्राथना च लगीरे रौआ, कने ताहली जे तुहें प्राथना करो तां सावधान रौआ कने परमेशरा रा धन्यवाद करदे रौआ;