फिलिप्पियां 3:15 - बिलासपुरी नौआं नियम

¹⁵ ताकि तिन्हां लोकां जो, सै जे अहां चते आत्मिक तौर पर परिपक्व ये, इस तरिके ने सोचणा चाहिन्दा, पर जे तुहां चते कोई बी इसते अलग सोच्चां, तां परमेशर तिसजो समझणे च तुहांरी मदद करगा।

फिलिप्पियां 3:15 Referans Kwoze

यूहन्ना 7:17

जे कोई परमेशरा रिया मर्जिया पर चलना चाओ, तां सै इस उपदेशा रे बारे च समझी जांगा भई जो उपदेश हऊँ देआं सै परमेशरा रिया तरफा ते आया या हऊँ अपणिया तरफा ते देई कराँ।

गलातियां 5:10

हऊँ प्रभु पर तुहांरे बारे च भरोसा रक्खां भई तुहांरा होर कोई विचार नीं हूणा; पर तुहांजो विचलित करने औल़ा चाये कोई बी हो, परमेशरा तिस्सो सजा देणी।

1 कुरिन्थियों 2:6

फेरी भीं परिपक्व विश्वासियां च अहें ज्ञाना रा सन्देश सणवांयें, पर इस संसारा रे हाक्मां रा ज्ञान नीं; सै जे नाश हुणे औल़े;

कुलुस्सियां 4:12

इपफ्रास रा बी तुहांजो नमस्कार हो, सै जे तुहांरे नगरा चते इक आ कने यीशु मसीह रा दास आ, कने सदा तुहांरे खातर लगना ने प्राथनां च कोशिश करदा रैयां, ताकि तुहें सिद्ध हुईने पूरे विश्वासा सौगी परमेशरा रिया इच्छा च टिक्कीरे रौओ।

1 कुरिन्थियों 14:20

अरे साथी विश्वासियो, तुहें अपणिया समझा च बालकां साई नीं बणा। फेरी बी बुराईया च त बालक रौआ, पर समझा च सयाणे बणा।

मत्ती 5:48

तुहौं तिन्हां लोकां ने प्रेम करने री जरूरत इ सै जे तुहांजो प्यार नीं करदे, इस इ तरिके ने तुहां सिद्ध हूणा तियां जे स्वर्गा च रैहणे औल़ा तुहांरा पिता परमेशर सिद्ध आ।”

इब्रानियों 5:14

पर रोटी तिन्हां लोकां रे खातर इ सै जे विश्वासा च परिपक्व ये, कने सै जे अनुभवा रे जरिये सही कने गल़ता च फर्क करना जाणाँ ये।

कुलुस्सियां 1:28

तिसरा प्रचार करीने अहें हर इक माहणुये जो मसीह जो ग्रहण करने रे बारे सावधान कराँ ये कने सारे ज्ञाना ते हरेक माहणुये जो सखां ये, भई अहें हरेक माहणुये जो मसीह च सिद्ध करीने परमेशरा रे सामणे हाजर करिये।

रोमियो 15:1

अहें जे विश्वासा च मजबूत ये, तां अहांजो तिन्हांरियां कमजोरियां च मदद करनी चाहिन्दी सै जे विश्वासा च मजबूत नींये, नां भई सिर्फ खुद अप्पूँ जोई खुश रखिये।

लूका 11:13

जे तुहें बुरे हुईने अपणयां बच्चयां जो खरियां चिज़ां देणा जाणाँ ये, तां स्वर्गीय पिता अपणे मंगणे औल़यां जो पवित्र आत्मा काँह नीं देंगा।”

1 यूहन्ना 2:5

पर जे कोई परमेशरा रे वचना रा पालन करो, तां तिसच परमेशरा रा प्यार साबित हुईरा, अहांजो इसते पता चलां, भई अहें तिस सौगी संगती रक्खां ये।

2 तिमुथियुस 3:17

ताकि परमेशरा रा माहणु हर तरिके रा भला काम्म करने रे खातर पूरा त्यार कने लायक बणी जाओ।

यूहन्ना 6:45

भविष्यवक्तयां रे लेक्खां च ये लिखिरा : भई ‘सै सारे परमेशरा रे सखाईरे हुणे।’ तिन्हे किन्हिये जे पिता ते सुणया कने सिक्खया सै मेरले औआं।

इफिसियां 1:17

हऊँ प्राथना कराँ भई अहांरे प्रभु यीशु मसीह रा परमेशर सै जे महिमा रा पिता, तुहांजो ज्ञान कने प्रकाशा रा आत्मा देओ तिसते जे तुहें परमेशरा जो अच्छे तरिके ने जाणी सक्को।

1 थिस्सलुनीकियां 4:9

पर अहौं तुहांजो इक दूये विश्वासी भाईयां ने प्रेम करने रे महत्व रे बारे च लिखणे री जरूरत नीं, काँह्भई परमेशरे खुद इक दूये ने प्रेम करने रे खातर तुहांजो सखाईरा।