फिलिप्पियां 2:13 - बिलासपुरी नौआं नियम

¹³ काँह्भई परमेशर इ तुहां च काम्म करया राँ कने सैई तुहौं परमेशरा जो खुश करने री इच्छा कने शक्ति देईराँ।

फिलिप्पियां 2:13 Referans Kwoze

इब्रानियों 13:21

तुहांजो हरेक भले कम्मां च सिद्ध करो, तिसते जे तुहें परमेशरा री इच्छा जो पूरा करी सक्को, सै जे किछ परमेशरा जो खुश कराँ तिस्सो यीशु मसीह रे जरिये अहां च करो। कने मसीह री महिमा युगां-युगां तकौ हुन्दी रौ। आमीन।

2 कुरिन्थियों 3:5

अहें ये नीं बोलां ये भई किछ बी करने खातर अहें खुद काविल ये। पर सिर्फ परमेशर इ हाया सै जे अहांजो ये काम्म करने रे काविल बणां,

2 तिमुथियुस 1:9

तिने इ अहांरा छुटकारा कित्तिरा कने पवित्र जीवना खातर अहांजो सद्दीरा, ये अहांरे भले कम्मां रिया वजह ने नीं, पर तिसरी अपणी योजना कने अनुग्रह रिया वजह नेआ। ये अनुग्रह परमेशरे यीशु मसीह च अहांजो सृष्टिया ते पैहले दित्या,

रोमियो 9:16

इस खातर ये नांत किसी माहणुये रिया इच्छा पर निर्भर कराँ कने नां किसी रे कोशिश करने पर वल्कि दया करने औल़े परमेशरा पर निर्भर कराँ।

1 कुरिन्थियों 15:10

पर हऊँ जो किछ बी आ, परमेशरा रे अनुग्रह तेआ। कने तिसरा अनुग्रह सै जे माह पर हुआ, सै बेकार नीं हुया पर मैं तिन्हां सब्बीं प्रेरितां ते बधीने मेहणत बी कित्तिरी; तां बी ये मेरिया तरफा ते नीं हुआ; पर परमेशरा रे अनुग्रह ते सै जे मांह पर था।

यूहन्ना 3:27

यूहन्ने जबाब दित्या, ताहलुआं तक जे किसी माहणुये जो स्वर्गा ते नीं दित्या जाओ, ताहलुआं तक सै किछ नीं पाई सकदा।

इफिसियां 1:11

ये सारियां गल्लां परमेशरा रिया योजना कने फैसले रे मुतावक हुई, कने परमेशरे मसीह च अहौं अपणे लोक हुणे रे खातर अपणिया इच्छा रे मुतावक चुणया, सै जे परमेशरे पैहले तेई तैह करीने रखीरा था।

1 कुरिन्थियों 12:6

कने प्रभावा औल़े काम्म कईयां किस्मा रे, पर परमेशर इक इ हाया, सै जे सब्बीं च हर किस्मा रा प्रभाव पैदा कराँ।

2 थिस्सलुनीकियां 1:11

इस खातर अहें सदा तुहां खातर प्राथना कराँ ये भई अहांरा परमेशरा तुहांजो अपणिया बुलाहटा रे लायक बणाई दो, कने सै तुहांरे भले काम्म करने री हरेक इच्छा कने तुहांरे विश्वासा रे जरिये कित्तिरे हरेक कम्मां जो अपणिया सामर्था सौगी पूरा करो,

इफिसियां 1:5

काँह्भई परमेशरे अहांने प्यार कित्या इसा बजह ने तिने अहांजो यीशु मसीह रे जरिये अपणा पुत्र हुणे रा दर्जा देईने नियुक्त कित्या, येई तिसरी इच्छा कने तिसरी खुशी थी।

इफिसियां 2:8

काँह्भई परमेशरा रे अनुग्रह रे जरिये तुहांरे विश्वासा रिया वजह ने तुहांरा छुटकारा हुईरा, तिने तुहौं किछ करने रिया वजह ने नीं छुडवाया, पर ये परमेशरा रा दान आ;

लूका 12:32

“इस खातर भेडां साई भोल़े-भाल़े, मेरे छोट्टे झुण्डा! मता घबरान्दे, काँह्भई तुहांजो स्वार्गा रा राज देणे च पिता परमेशरा जो बड़ा नन्द औआं।

इफिसियां 1:9

परमेशरे अपणिया इच्छा रा भेत भली योजना रे मुतावक अहां पर परगट कित्या, सै जे तिने मसीह च तैह कित्या था।

यूहन्ना 6:65

कने तिने गलाया, “इस खातर मैं तुहांजो गलाया था भई तदुआं तक मेरले कोई नीं आई सकदा तदुआं तक जे पिता परमेशर तिस्सो मेरले औणे री इजाज़त नीं देई दो।”

रोमियो 9:11

जुड़वा बच्चयां रे जमणे ते पैहले कने सै किछ बी भला बुरा करने ते पैहले परमेशरे रिबका जो बोल्या, भई “तेरे बड्डे बेटे छोट्टे री सेवा करनी।” परमेशरे ये दसणे खातर ये बोल्या भई सै अपणा चुनाब खुद कराँ कने इसरी वजह ये नीं थी भई तिन्हां चते किन्हिये किछ कित्या था।

यूहन्ना 6:45

भविष्यवक्तयां रे लेक्खां च ये लिखिरा : भई ‘सै सारे परमेशरा रे सखाईरे हुणे।’ तिन्हे किन्हिये जे पिता ते सुणया कने सिक्खया सै मेरले औआं।

1 पतरस 1:3

परमेशर कने अहांरे प्रभु यीशु मसीह रे पिता रा धन्यवाद हो, तिने जे यीशु मसीह रे मूईरेयां चते जिऊंदा हुणे रे जरिये अपणी बड़ी दया ते अहांजो नया जीवन दित्या। हुण अहें बडिया आस्सां ने जीयें,

प्रेरितां 11:21

परमेशरा रा सामर्थ तिन्हां पर था, कने बौहत सारे अन्यजातियां रे लोकें तिन्हांरे सन्देशा पर विश्वास कित्या कने प्रभु यीशुये री तरफ फिरे।

लूका 2:14

स्वर्गा च परमेशरा री बडयाई ओ कने धरतिया पर तिन्हां माहणुआं ते जे परमेशर खुश आ तिन्हां पर सुख-शान्ति ओ।

रोमियो 12:3

इस खातर परमेशरा रे अनुग्रह रिया वजह ने सै बरदान जे तिने मिन्जो दित्या, तिस्सो ध्याना च रखदे हुये हऊँ तुहां चते हर इक्की ने बोलां, भई तेढ़ा जे समझणा चाहिन्दा तिसते बधीने कोई खुद अप्पूँजो नीं समझे; यनिके जितना विश्वास परमेशरे तुहांजो दित्या, तिसरे मुतावक अप्पूँजो समझा।