फिलेमोन 1:21 - बिलासपुरी नौआं नियम

²¹ मैं तिज्जो ये चिट्ठी लिखिरी काँह्भई मिन्जो भरोसा भई हऊँ तिज्जो जो करने खातर विनती करी रां सै तू करना। असल च हऊँ जाणाँ भई तू मेरिया विनतिया ते जादा करना।

फिलेमोन 1:21 Referans Kwoze

2 थिस्सलुनीकियां 3:4

कने अहांजो प्रभुये च तुहां पर भरोसा भई जो किछ अहें तुहांजो करने जो बोल्या, तुहें तियां इ करया राँये, कने करदयां रैहणा।

2 कुरिन्थियों 2:3

सैई गल्ल त मैं तुहांजो लिखी थी, ताकि ताहली जे हऊँ तुहांले आऊं तां तिन्हाते जे मिन्जो खुशी मिलणी चाहिन्दी थी, तिन्हांते मिन्जो दुख नीं मिलो; काँह्भई तुहां सब्बीं च मेरा इसा गल्ला रा भरोसा भई मेरिया खुशिया ची तुहें सारे बी खुश हुणे।

2 कुरिन्थियों 7:16

हऊँ खुश आ भई हऊँ तुहां पर पूरी तरह भरोसा करी सक्कां।

गलातियां 5:10

हऊँ प्रभु पर तुहांरे बारे च भरोसा रक्खां भई तुहांरा होर कोई विचार नीं हूणा; पर तुहांजो विचलित करने औल़ा चाये कोई बी हो, परमेशरा तिस्सो सजा देणी।

2 कुरिन्थियों 8:22

कने अहें तिन्हां सौगी इक होर विश्वासी भाईये जो बी भेज्जी राँये, तिसरी जे अहें बौहत बार कई गल्लां च जाँच कित्तिरी कने तिने कई बार अहांजो साबित कित्या भई सै मदद करने च बौहत उत्सुक आ। कने हुण तुहां पर तिस्सो बड़ा भरोसा, इसा वजह ने सै होर बी जादा जोशा चा।

रोमियो 2:19

कने तू भरोसे ने बोलां भई तू तिन्हां लोकां रा अगुवा सै जे आत्मिक तौर पर अन्धे लोक ये, कने तिन्हांरे खातर जोति ये सै जे अन्धकारा च गवाच्छी रे लोक ये,