मरकुस 9:41 - बिलासपुरी नौआं नियम

⁴¹ हऊँ तुहांने सच्च बोलां, मसीह रे पिछे चलने रिया वजह ते, जे कोई तुहांरी थोड़ी जेई मदद बी करो तियां जे पाणी प्याणा, तां तिन्हांजो परमेशरा जरूर ईनाम देणा।”

मरकुस 9:41 Referans Kwoze

मत्ती 10:42

कने जे कोई मेरे इन्हां भोल़े-भाल़े चेलयां चा ते किसी इक्की जो बी इस खातर इक गलास ठन्डे पाणिये रा देयो भई सै मेरा चेला, तां हऊँ तुहांजो सच्च बोलां भई तिस्सो इसरा ईनाम जरूर मिलणा।”

मत्ती 25:40

फेरी राजे यनि मांह तिन्हाजो जबाब देणा, हऊँ तुहांजो सच्च बोलीराँ ताहली जे कदीं तुहें मांह पर विश्वास करने औल़े तिन्हांजो जे लोक खास नीं समझदे तिन्हां किसी इक्की खातर बी किछ कित्या हुंगा तां सै तुहें मेरे खातर बी कित्या।

2 कुरिन्थियों 10:7

तुहें सिर्फ सै जे सामणे आ तिसरे इ बाहरले रुपा जो देखां ये। जे किसी रा अपणे बारे च ये भरोसा भई सै मसीह रा, तां सै ये बी जाणी लो, भई तियां जे सै मसीह रा तियां इ अहें बी मसीह रे।

1 कुरिन्थियों 15:23

पर हरेक अपणिया-अपणिया बारिया ते: जिऊंदा हुणे औल़यां च पैहले मसीह; फेरी तिसरे औणे पर तिसरे लोक।

रोमियो 14:15

जे तेरे साथी विश्वासिये जो तेरे खाणे रिया वजह ने नराजगी हुआं इ, तां तू तिसने प्यार नीं करदा काँह्भई तेरा काम्म ये दस्सां। तिसरे खातर जे मसीह मरया, तू अपणे खाणे रिया वजह ने तिसरे विश्वासा जो नीं तोड़।

रोमियो 8:9

पर तां जे भई परमेशरा रा आत्मा तुहां च वास कराँ, तां तुहें पापी स्वभावा ने नीं पर पवित्र आत्मा रे मुतावक जीयें। जे किसी च मसीह रा आत्मा निआं तां सै मसीह रा जन नींआं।

गलातियां 5:24

सै जे यीशु मसीह रे लोक ये, तिन्हें अपणे पापी स्वभावा रियां इच्छां कने लालसां जो क्रूसा पर चढ़ाईत्या।

गलातियां 3:29

कने काँह्भई तुहें मसीह रे, तां फेरी तुहें अब्राहम रे वंश ये, कने परमेशरे सै जे वायदा अब्राहमा ने कित्या था, तिस वायदे रे बारस बी ये।

1 कुरिन्थियों 3:23

कने तुहें मसीह रे, कने मसीह परमेशरा रा।

मरकुस 4:10

तंजे यीशु कल्हा था, तां बारा चेले कने होर सै लोक सै जे ऊत्थी कट्ठे हुईरे थे, तिसते तिन्हें इन्हां उदाहरणां रा मतलब पुच्छया।