मरकुस 7:5 - बिलासपुरी नौआं नियम

⁵ इस खातर फरीसियें कने शास्त्रियें यीशुये ते पुच्छया, “तेरे चेले बजुर्गां रियां रितियां पर काँह नीं चलदे, कने बिणा हात्थ धोये रोटी खायें?”

मरकुस 7:5 Referans Kwoze

2 थिस्सलुनीकियां 3:6

अरे साथी विश्वासियो, अहें तुहांजो अपणे प्रभु यीशु मसीह रे अधिकारा ते हुक्म देआंये भई तुहें हरेक येढ़े विश्वासिये ते लग रौआ सै जे आलसी आ कने सै जे शिक्षा तिन्हें अहांते पाई तिसरे मुतावक नीं चलदे।

प्रेरितां 21:21

तिन्हांजो तेरे बारे च बोल्ली तरा भई तू अन्यजातियां च रैहणे औल़े यहूदियां जो मूसा री व्यवस्था छडणे जो सखां ये, कने बोलां ये भई नां अपणे बच्चयां रा खतना करावा कने नां यहूदी रीति-रिवाजां परा चला।

गलातियां 1:14

हऊँ यहूदी धर्मा च अपणी जाति औल़यां ते सै जे मेरिया उम्रा रे थे, जादा बधदा गया कने मेरे पूर्वजां ते सै जे रिवाज मिन्जो मिले, तिन्हां च मेरी बौहत आस्था थी।

प्रेरितां 21:24

तिन्हांजो सौगी नेईने अप्पूँजो पवित्र हुणे री विधि पूरा कर; कने तिन्हांजो खर्चा दे भई सै सिर मुंडवाओ। तां सब्बीं जो पता लगी जाणा भई सै जे गल्लां तिन्हें तेरे बारे च सुणी रियां, तिन्हां च किछ बी सच्चाई नीं, पर तू अप्पूँ इ व्यवस्था जो मन्नीने तिसारे मुतावक चलां।

मत्ती 15:2

“तेरे चेले अहांरे पूर्वजां रे रीति-रिवाजां रा पालन काँह नीं करदे, कने बगैर हात्थ धोये रोटी खांये।”

रोमियो 4:12

अब्राहम खतना औल़यां रा बी आत्मिक पिता, पर तिन्हारा बी आ जे सै परमेशरा पर विश्वास करीने अहांरे पूर्वज अब्राहमा साई जीवन बितायें, तियां जे सै खतने ते पैहले जीया था।

2 थिस्सलुनीकियां 3:11

हुण अहांरे सुणने च औआं भई तुहां बिच किछ लोक आलसी जीवन जीआं ये, सै खुद काम्म नीं करदे, पर सै लगातार दुज्यां लोकां रे कम्मा च दखलंदाजी करां ये।

मरकुस 7:8

काँह्भई तुहें परमेशरा रे हुक्मां रा पालन करना बन्द करितरा कने माहणुआं रियां रितियां रा पालन करां ए।”

मरकुस 7:9

यीशुये तिन्हांजो गलाया, “तुहें अपणियां रितियां जो मनणे खातर बड़िया चलाकिया ने परमेशरा रे हुक्मा जो तोड़ां ये!

मरकुस 7:13

इयां इ तुहें अपणिया बणाई रिया रितिया जो मनणे खातर लोकां जो बोलां ये, कने तुहें ये करने पर परमेशरा रे हुक्मां रा आदर नीं करदे।”