मरकुस 7:25 - बिलासपुरी नौआं नियम

²⁵ कने इकदम इक जनाना तिसारिया छोट्टिया कुड़िया च जे बुरीआत्मा थी, तिसरी चर्चा सुणीने आई, कने तिसरे पैराँ पईगी।

मरकुस 7:25 Referans Kwoze

मत्ती 15:22

तित्थी री इक कनानी जनाना आई कने चिल्लाणे लगी, “हे प्रभु! दाऊद रे वंशज, माह पर दया कर! मेरिया कुड़िया पर बुरीआत्मा बुरे तरिके ने स्वार हुईरा।”

लूका 17:16

सै मुँआं रे भार यीशुये रे पैराँ पर पैईने तिसरा धन्यवाद करने लगया; कने सै इक सामरी माहणु था।

मरकुस 5:33

तां सै जनाना डरदी कने कंबदी हुई आई, काँह्भई तिसे सोच्या भई यीशुये माह पर गुस्सा करना भई तिसे व्यवस्था जो तोड़या था, पर सै जाणाँ थी भई यीशुये तिसाजो ठीक कित्या। इस खातर सै तिसरे पैराँ पर पैईने तिस्सो सारियां गल्लां सच-सच दस्सी तियां।

मरकुस 1:40

इक कोढ़ी माहणुये तिसले आईने, तिसरे सामणे घुटने टेक्कीने तिसने विनती कित्ती, “जे तुहें चाओ तां मेहरवानी करीने मिन्जो इस रोगा ते ठीक करा।”

मरकुस 7:24

फेरी यीशु गलील प्रदेशा जो छड्डिने सूर कने सैदा रे नगर च आया; कने इक्की घरा च गया कने चाँह था भई किसी जो पता नीं लगो; पर सै लुक्खी नीं सक्कया।

मरकुस 7:26

ये यूनानी कने सीरिया प्रदेश फोनिशिया नगरा री थी। तिसे यीशुये ने विनती कित्ती भई मेरिया कुड़िया चते बुरीआत्मा जो कड्डी दे।