मरकुस 6:9 - बिलासपुरी नौआं नियम

⁹ तिने बोल्या जुट्टे पैहन्नी लै, पर होर कुरता लेणे री जरूरत नीं।”

मरकुस 6:9 Referans Kwoze

प्रेरितां 12:8

तां स्वर्गदूते तिस्सो गलाया, “लक्का बन्ह कने अपणे जुट्टे पैहनी ले।” तिने तेढ़ा इ कित्या। फेरी स्वर्गदूते पतरसा ने गलाया, “अपणा कोट पैहनीने मेरे पिच्छे आई जा।”

इफिसियां 6:15

कने पैराँ च शान्तिया री खुशखबरी सुनाणे री त्यारिया रे जुट्टे पैहनीने;

मत्ती 3:11

“हऊँ त तुहांजो तुहांरे मन बदलने खातर पाणिये ते बपतिस्मा देआं, पर तिस जे मेरते बाद प्रचार करने औणा, सै माहते जादा सामर्थी आ; कने हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाऊँ, तां तिस बी लायक नींआ। तिस तुहांजो पवित्र आत्मा कने अग्गी ते बपतिस्मा देणा।

मत्ती 10:10

रस्ते खातर न कोई झोल़ा रक्खयों, कोई फालतू कमीज, चप्पल़ कने सोट्ठी मत रखा, काँह्भई मजदूरा जो तिसरी रोटी मिलणी चाहिन्दी।

मरकुस 6:8

तिने तिन्हांजो बोल्या, “यात्रा करदे वगत सोठुये छड्डिने होर किछ बी नीं लौआ; नांत रोटी, नां झोला, नां बटुये च पैसे।

मरकुस 6:10

कने तिने तिन्हांने गलाया, “जे कोई तुहांजो अपणे घरा च रैहणे खातर सद्दो, तां तदुआं तक जे तुहें तिस नगरा च रैयां ये, तदुआं तक तिसरे मेहमान बणी रौआ।