मरकुस 5:2 - बिलासपुरी नौआं नियम

² कने ताहली जे यीशु किश्तिया परा ते उतरया तां इकदम इक माहणु सै जे बुरीआत्मा रे वशा च था, कब्राँ चते निकल़ीने यीशुये जो मिल्या।

मरकुस 5:2 Referans Kwoze

मरकुस 1:23

ताहली जे यीशु शिक्षा देई ही कराँ था, तां अचानक तिन्हांरे यहूदी सभा घरा च इक माहणु आया, तिसच जे इक बुरीआत्मा थी।

लूका 9:42

सै मुण्डु हल्तियें आई इ कराँ था भई तिने बुरे आत्मे तिस्सो पकड़ीने धरतिया पर पटकाया कने तिस्सो बुरे हाल्लें मरोड़ने लगया, पर यीशुये बुरीआत्मा जो थिड़क्या कने मुण्डुये जो ठीक करीने तिस्सो तिसरे पिता ले साम्भीत्या।

लूका 8:27

यीशु जिस बगत किश्तिया ते उतरी कराँ था, तिस बगत तिस नगरा रा इक माहणु तिन्हाजो मिलया सै जे बुरीआत्मां रे बशा च था। सै किसी घरा च नीं रैंहदा था, कने नंगा घुमदा फिरदा रैयां था। सै मतयां दिनां ते कब्रिस्तान च रेआं था।

मरकुस 7:25

कने इकदम इक जनाना तिसारिया छोट्टिया कुड़िया च जे बुरीआत्मा थी, तिसरी चर्चा सुणीने आई, कने तिसरे पैराँ पईगी।

मरकुस 4:1

फेरी यीशु गलील दरयावा रे कनारे उपदेश देणे लगया : कने येढ़ि बड्डी भीड़ तिसले कट्ठी हुईगी भई सै तिस दरयावा च इक्की किश्तिया पर चढ़ीने बैठिग्या, कने सारी भीड़ धरतिया पर दरयावा रे कनारे खढ़ी रैई।

मरकुस 3:30

यीशुये तिन्हांजो ये इस खातर बोल्या काँह्भई सै बोलां थे भई, “तिसच बुरीआत्मा।”

मरकुस 1:26

फेरी बुरीआत्मा तिस्सो मरोड़ीने, कने बड़े जोरा ने रड़ांदे हुये तिस चते निकल़ीगी।

मरकुस 3:9

काँह्भई तिने मतयां लोकां जो ठीक कित्तिरा था; इस खातर जितने लोक बमारिया ने जकड़ोईरे थे, सै तिसरे नजदीक आईने तिस्सो छूणे री बौहत कोशिश करीराँ थे, ताकि सै लोक ठीक हुई सक्को। इस खातर तिने अपणयां चेलयां ने बोल्या भई, “मेरे खातर इक छोट्टी किश्ती त्यार रक्खा, ताकि लोक मेरने छोणे जो औणे रिया वजह ने मिन्जो घेरी नीं सक्को।”

मरकुस 4:36

यीशु पैहले तेई किश्तिया च था इस खातर तिन्हें भीड़ा जो छड्डया कने दरयावा च यात्रा करने लगीपे, होर लोक बी दुज्जियां किश्तियां च तिन्हांरे सौगी चलीपे।

मरकुस 5:3

सै कब्राँ च रैई कराँ था कने कोई बी तिस्सो लोहे रियां जंजीराँ ने बी नीं बन्ही सकदा था, काँह्भई सै बौहत खतरनाक था,

मरकुस 5:21

इक बार फेरी यीशु किश्तिया च गलील दरयावा रे दुज्जे कनारे गया। ताहली जे सै ऊत्थी पुज्जया कने कनारे पर ही खढ़िरा था, फेरी बौहत सारे लोक यीशुये ले कट्ठे हुईगै।