मरकुस 4:41 - बिलासपुरी नौआं नियम

⁴¹ सै बौहत डरीगे कने अप्पूँ चियें गलाये, “ये कुण आ तिसरा हुक्म जे नां सिर्फ बुरीआत्मा, पर तूफान कने छालियां बी मन्नां ये?”

मरकुस 4:41 Referans Kwoze

लूका 8:25

फेरी यीशुये तिन्हाते पुच्छया, “तुहांरा विश्वास किति आ?” सै डरिये कने हैरान हुईने अप्पूँ चियें बोलणे लगे, “ये माहणु हाया कुण आ? इसरा हुक्म तूफान कने पाणी बी मन्नां ये।”

मत्ती 8:27

ये देकखीने चेले हैरान थे, तिन्हें इक दूये ने बोल्या, “ये केढ़ा माहणु आ? आन्धी तूफान कने पाणी तक इसरी गल्ल मन्नां ये।”

प्रकाशितवाक्य 15:4

“हे प्रभु, कुण तेरते नीं डरगा? कने तेरे नौआं री महिमा नीं करगा? काँह्भई सिर्फ तूई पवित्र आ। सारियां जातियां आईने तेरी अराधना करनी, काँह्भई तेरे न्याय रे काम्म प्रगट हुई चुक्कीरे।”

मरकुस 5:33

तां सै जनाना डरदी कने कंबदी हुई आई, काँह्भई तिसे सोच्या भई यीशुये माह पर गुस्सा करना भई तिसे व्यवस्था जो तोड़या था, पर सै जाणाँ थी भई यीशुये तिसाजो ठीक कित्या। इस खातर सै तिसरे पैराँ पर पैईने तिस्सो सारियां गल्लां सच-सच दस्सी तियां।

इब्रानियों 12:28

इस खातर अहांजो सै राज जे मिलीरा सै हिलाया नीं जाई सकदा, इसा गल्ला रे खातर अहें परमेशरा रा धन्यवाद कराँ ये। कने ईज्जत कने डरा ने परमेशरा री येढ़ि अराधना कराँ ये, तिसते जे परमेशर खुश हुआं।

लूका 4:36

इस पर सारयां लोकां जो हैरानी हुई कने सै अप्पूँ चियें गलाणे लगे, “ये केढ़ा वचन आ? भई सै अधिकारा कने सामर्थय ने बुरीआत्मा जो हुक्म देआं, कने सै निकल़ी जाईयां”

मत्ती 14:32

कने सै किश्तिया पर चढ़ीगे, हवा रुकीगी।

मरकुस 7:37

सै बौहत इ हैरान हुईने बोलणे लगे, “तिने जो किछ कित्या सब खरा कित्या; सै बैहरयां जो सुणने री, कने गुंगयां जो बोलणे री बी ताकत देआं।”

मरकुस 4:40

कने तिन्हांने गलाया, “तुहें काँह डराँ ये? क्या तुहांजो अजें तकौ बी माह पर विश्वास निआं?”

मरकुस 5:1

ताहली जे यीशु कने तिसरे चेले गलील दरयावा रे पार गिरासेनियां रे इलाके च पुज्जे,