मरकुस 4:36 - बिलासपुरी नौआं नियम

³⁶ यीशु पैहले तेई किश्तिया च था इस खातर तिन्हें भीड़ा जो छड्डया कने दरयावा च यात्रा करने लगीपे, होर लोक बी दुज्जियां किश्तियां च तिन्हांरे सौगी चलीपे।

मरकुस 4:36 Referans Kwoze

मरकुस 4:1

फेरी यीशु गलील दरयावा रे कनारे उपदेश देणे लगया : कने येढ़ि बड्डी भीड़ तिसले कट्ठी हुईगी भई सै तिस दरयावा च इक्की किश्तिया पर चढ़ीने बैठिग्या, कने सारी भीड़ धरतिया पर दरयावा रे कनारे खढ़ी रैई।

मरकुस 3:9

काँह्भई तिने मतयां लोकां जो ठीक कित्तिरा था; इस खातर जितने लोक बमारिया ने जकड़ोईरे थे, सै तिसरे नजदीक आईने तिस्सो छूणे री बौहत कोशिश करीराँ थे, ताकि सै लोक ठीक हुई सक्को। इस खातर तिने अपणयां चेलयां ने बोल्या भई, “मेरे खातर इक छोट्टी किश्ती त्यार रक्खा, ताकि लोक मेरने छोणे जो औणे रिया वजह ने मिन्जो घेरी नीं सक्को।”

मरकुस 5:2

कने ताहली जे यीशु किश्तिया परा ते उतरया तां इकदम इक माहणु सै जे बुरीआत्मा रे वशा च था, कब्राँ चते निकल़ीने यीशुये जो मिल्या।

मरकुस 5:21

इक बार फेरी यीशु किश्तिया च गलील दरयावा रे दुज्जे कनारे गया। ताहली जे सै ऊत्थी पुज्जया कने कनारे पर ही खढ़िरा था, फेरी बौहत सारे लोक यीशुये ले कट्ठे हुईगै।

मत्ती 8:23

फेरी यीशु इक्की किश्तिया पर जाईने बैट्ठया, तिसरे चेले बी तिस सौगी थे।

मरकुस 4:37

फेरी बड्डा तूफान आया, कने छालियां किश्तिया परा जो येढ़ियां आईयां भई सै पाणिये ने भरने लगी कने डुबणे औल़ी थी।

मरकुस 6:32

इस खातर यीशु अपणे चेलयां सौगी किश्तिया पर चढ़ीने सुनसान जगह जो लग चलीगे।

लूका 8:22

इक दिन यीशु अपणे चेलयां ने बोलां यें, “औआ, अहें नदिया रे उस पार चलिये।” ताहली सै किश्तिया पर चढ़े कने चलीपे।