मरकुस 4:19 - बिलासपुरी नौआं नियम

¹⁹ सै बौहत सारी चिज़ां रा लालच करीने अमीर हुणे री इच्छा कराँ ये, इस खातर सै सिर्फ इन्हां चिज़ां री चिन्ता कराँ ये; इयां सै परमेशरा रे सन्देशा च अड़चन पाएं कने सै तिसरिया इच्छा पर नीं चली पान्दे।

मरकुस 4:19 Referans Kwoze

1 तिमुथियुस 6:17

इस संसारा रे अमीर लोकां जो हुक्म देओ भई सै घमण्डी नीं हो कने सै धना पर आशा नीं रखो सै जे किछ वगता रे खातर आ, पर सै परमेशरा पर आशा रखो सै जे अहांरे सुखा खातर सब किछ ईमानदारिया ने अहांजो देआं।

फिलिप्पियां 4:6

किसी बी गल्ला री चिन्ता मता करदे; पर हर इक गल्ला च धन्यवादा सौगी प्राथना कने विनतिया च अपणे निवेदन परमेशरा रे सामणे रखदे जावा।

मत्ती 19:23

फेरी यीशुये अपणे चेलयां ने गलाया, “हऊँ तुहांजो सच्च बोलां, भई अमीर माहणुये रा स्वर्गा रे राज्जा च दाखल हूणा मुश्कल आ।

यूहन्ना 15:2

सै जे डाल़ी मेरे च हई कने फल़ नीं ल्यान्दी, तिस्सो सै बढी देआं। कने सै डालियां जे फल़ देईयां, तिन्हांजो सै छांगी देआं भई सै होर बौहत फल़ ल्याओ।

लूका 21:34

“इस खातर अपणे बारे च सावधान हुई जावा! किति येढ़ा नीं हो भई मौज मस्ती, नशा कने इस संसारा रे फिक्रां ते तुहांरा मन व्यस्त हुईजो, कने माहणुये रे पुत्रा रा दिन अचानक तुहां पर इयां आईजो ताहली जे तुहौं तिसरी आशा नीं हो, तियां जे फन्दा इकदम पशुये जो फसाई लेआं।

लूका 10:41

पर प्रभु यीशुये तिसाजो जबाब दित्या, “मार्था! मार्था! तू बौहत सारियां गल्लां खातर फिक्र कराँ इ! कने घबराईं।

2 पतरस 1:8

जे तुहें इस तरिके ने जादा ते जादा जींगे, तां तुहें अहांरे प्रभु यीशु मसीह जो इस तरिके ने जाणगे सै जे तुहांजो उपयोगी कने फल़ देणे लायक बणां।

2 तिमुथियुस 4:10

काँह्भई देमास मिन्जो छड्डिने थिस्सलुनीके नगरा जो जाई चुक्कीरा, काँह्भई सै इस संसारा रिया चीजां जो प्रेम कराँ। क्रेसकेंस बी गलातिया प्रदेशा जो कने तीतुस दलमतिया प्रदेशा जो चलीगरे।

यहूदा 1:12

ये लोक तुहांरी संगतिया रिया धाम्मां च तुहां सौगी शामिल त हुआं ये; पर ये लोक खतरनाक चट्टाना साई ये सै जे पाणिये च छिपि रियां हुआं इयां कने सै जे तुहांरे डुबणे री वजह बणी सक्कां ये। ये लोक बेशर्म चरवाहे साई ये सै जे सिर्फ अपणी ही रखवाल़ी कराँ ये। ये बिणा बरखा रे बद्दल़ ये, तिन्हौं जे हवा डुआईने लेई जांई; सै येढ़े पेड़ां साई ये तिसच जे फसला रे वगत फल़ नीं लगदे, कने जड़ां ते पटोईगरे यनि सै पूरी तरह मरी चुक्कीरे।

मत्ती 3:10

कने तियां जे इक माहणु अपणिया कुहाड़िया ने सै डाल़ जे बुरा फल़ ल्यावां तिसजो बड्डी टुक्की ने अग्गी च जल़ाणे जो त्यार आ, ठीक तियां इ परमेशर बी तुहौं तुहांरे पापां खातर सजा देणे जो त्यार आ।

मत्ती 13:22

किछ लोक येढ़े तिन्हांरी बराबरी अहें झाड़ियां औल़िया धरतिया ने करी सक्कां ए, ये सै लोक ये तिन्हें जे परमेशरा रा सन्देश सुणया, सै बौहत सारी चिज़ां रा लालच करीने अमीर हुणे री इच्छा कराँ ये, इस खातर सै सिर्फ इन्हां चिज़ां री चिन्ता कराँ ये; इयां सै परमेशरा रे सन्देशा च अड़चन पाएं कने सै तिसरिया इच्छा पर नीं चली पान्दे।

मरकुस 4:18

किछ लोक येढ़े तिन्हांरी बराबरी अहें झाड़ियां औल़िया धरतिया ने करी सक्कां ए, ये सै लोक ये तिन्हेंजे परमेशरा रा सन्देश सुणया,

रोमियो 12:2

हुण होर अग्गे इस संसारा रिया रीता पर मता चलदे; पर परमेशर तुहांरे मना जो बदलने रे जरिये तुहांजो नया दिल देओ। ताकि तुहें परमेशरा रियां इच्छां जो जाणी सकगे, यानि सै जे भली, सै जे तिस्सो खुश कराँ इ कने सै जे उत्तम इ।

इफिसियां 2:2

तिन्हां च जे पैहले तुहें संसारा रिया रितिया रे मुतावक कने तिसा बुरी आत्मा रा अनुशरण करदे हुये जीआं थे सै जे इसा धरतिया रे उपरा री आत्मिक शक्तियां रा मालक आ। सैई बुरी आत्मा हुण तिन्हां माहणुआं च काम्म करी राईं सै जे परमेशरा रा हुक्म नीं मनदे।

इफिसियां 6:12

काँह्भई अहांरी लड़ाई लहू कने मास्सा ने बणाईरे माहणुआं ने नीं, पर प्रधानां, अधिकारियां, कने इस संसारा रे अन्धकारा रे हाकिमां कने तिस दुष्टता री आत्मिक सेनां सौगी सै जे अम्बरा चियां।